ព័ត៌មានអន្ដរជាតិ
បារាំង ប្រាប់អ៊ីស្រាអែលថា កុំភ្លេចកំណើតដែលកើតចេញពី UN
នៅក្នុងកិច្ចប្រជុំគណរដ្ឋមន្ត្រីបារាំងកាលពីថ្ងៃទី១៥ខែតុលា លោក Emmanuel Macron បានផ្ដាំលោក Benjamin Netanyahu កុំឲ្យភ្លេចពីដើមកំណើតរបស់អ៊ីស្រាអែល ដែលត្រូវបានបង្កើតឡើងដោយអង្គការសហប្រជាជាតិ។ ប្រធានាធិបតីបារាំង ក៏បានជំរុញឲ្យអ៊ីស្រាអែលត្រូវចេះគោរពតាមការសម្រេចរបស់អង្គការសហប្រជាជាតិផងដែរ។
លោក Macron បាននិយាយថា៖ «លោក Netanyahu មិនត្រូវភ្លេចថា ប្រទេសរបស់លោកត្រូវបានបង្កើតឡើងដោយការអនុម័តរបស់អង្គការសហប្រជាជាតិ» ដោយសំដៅលើសេចក្ដីអនុម័តក្នុងខែវិច្ឆិកាឆ្នាំ១៩៤៧ របស់មហាសន្និបាតអង្គការសហប្រជាជាតិស្តីពីផែនការបែងចែកប៉ាឡេស្ទីនទៅជារដ្ឋជ្វីហ្វ និងរដ្ឋអារ៉ាប់។
លោកបានបន្ថែមថា៖ «ហេតុដូច្នេះហើយ នេះមិនមែនជាពេលដែលមិនអើពើនឹងសេចក្តីសម្រេចរបស់អង្គការសហប្រជាជាតិទេ» ខណៈដែលអ៊ីស្រាអែលបើកការវាយលុកលើក្រុមសកម្មប្រយុទ្ធហេសបូឡា នៅភាគខាងត្បូងប្រទេសលីបង់ ហើយក៏ជាកន្លែងដែលកងរក្សាសន្តិភាពរបស់អង្គការសហប្រជាជាតិត្រូវបានដាក់ពង្រាយ។
សេចក្ដីអនុម័តរបស់ក្រុមប្រឹក្សាសន្តិសុខអង្គការសហប្រជាជាតិលេខ1701 ចែងថា មានតែកងទ័ពលីបង់ និងបេសកកម្មរក្សាសន្តិភាពរបស់អង្គការសហប្រជាជាតិ (UNIFIL) ប៉ុណ្ណោះដែលអាចដាក់ពង្រាយនៅភាគខាងត្បូងប្រទេសលីបង់។
លោក Netanyahu នាយករដ្ឋមន្ត្រីអ៊ីស្រាអែល កាលពីថ្ងៃអាទិត្យបានអំពាវនាវដល់អង្គការសហប្រជាជាតិឲ្យដកកងកម្លាំងរក្សាសន្តិភាពចំនួន១ម៉ឺនរបស់ខ្លួននៅភាគខាងត្បូងប្រទេសលីបង់ ចេញពី «ផ្លូវគ្រោះថ្នាក់» ដោយនិយាយថា ក្រុមហេសបូឡាកំពុងប្រើប្រាស់ពួកគេធ្វើជាខែលការពារខ្លួន។
ភាពតានតឹង បានកើនឡើងរវាងលោក Netanyahu និងលោក Macron ដោយមេដឹកនាំបារាំងកាលពីសប្តាហ៍មុនបានទទូចឲ្យបញ្ឈប់ការបញ្ជូនសព្វាវុធឲ្យទៅអ៊ីស្រាអែលប្រើប្រាស់នៅក្នុងតំបន់ហ្គាហ្សា និងប្រទេសលីបង់ ហើយបញ្ជាក់ថា វាគឺជាវិធីតែមួយគត់ដើម្បីបញ្ចប់ជម្លោះ។
ប្រទេសបារាំង ក៏បានថ្កោលទោសម្តងហើយម្តងទៀតចំពោះការបាញ់របស់អ៊ីស្រាអែលទៅលើកងរក្សាសន្តិភាពរបស់អង្គការសហប្រជាជាតិនៅភាគខាងត្បូងលីបង់ ដែលរួមមានទាំងទាហានបារាំងចំនួន៧០០នាក់ផងដែរ៕
ដោយ៖ ឈាង
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?