Connect with us

ព័ត៌មានអន្ដរជាតិ

សត្វស្វា៩ក្បាលនៅសួនសត្វហុងកុងងាប់ ក្រោមស្ថានភាព​ដ៏​អាថ៌កំបាំងក្នុងរយៈពេល២ថ្ងៃ

បានផុស

នៅ

សួនសត្វចំណាស់បំផុតរបស់ហុងកុងកំពុងស្វែងរកចម្លើយនៅក្នុងភាព​អាថ៌កំបាំង​ផ្នែក​វេជ្ជសាស្ត្រសត្វស្វា បន្ទាប់ពីសត្វចំនួន៩ក្បាលបានងាប់ក្នុងរយៈពេលតែ​២​ថ្ងៃ ក្នុងនោះមានទាំងសមាជិកបីក្បាលនៃប្រភេទសត្វជិតផុតពូជផងដែរ។ នេះបើយោងតាមការចេញផ្សាយរបស់ទីភ្នាក់ងារព័ត៌មានAPនៅថ្ងៃទី១៦ខែតុលានេះ។

(រូបភាព៖​ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំទីក្រុងហុងកុង លោក John Lee បាននិយាយនៅក្នុងសន្និសីទសារព័ត៌មានកាលពីថ្ងៃអង្គារថា ផ្នែកមួយនៃ​សួន​សត្វ និង​រុក្ខសាស្ត្រហុងកុងត្រូវបានបិទជិត និងសម្លាប់មេរោគ ខណៈអ្នកជំនាញត្រូវបានធ្វើពិសោធន៍ necropsies និងជាតិពុល។ លោក Lee បាន​បន្ថែមថា៖​«នៅពេលណាដែលយើងមានព័ត៌មានណាមួយ ប្រសិនបើមានការវិវឌ្ឍថ្មី ការប្រកាសគួរតែត្រូវបានធ្វើឡើងឱ្យបានឆាប់តាមដែលអាចធ្វើទៅបាន ដូច្នេះគ្រប់គ្នាអាចឆាប់ដឹងពីការពិត»។

សត្វស្វាចំនួន៨ក្បាលត្រូវបានគេប្រទះឃើញស្លាប់កាលពីថ្ងៃអាទិត្យ ហើយមួយទៀតបានស្លាប់កាលពីថ្ងៃចន្ទ បន្ទាប់ពីបង្ហាញ​អាកប្បកិរិយាមិនធម្មតា។ សត្វដែលបានងាប់គឺជាសត្វស្វា De Brazza ស្វាកំប្រុកធម្មតា (common squirrel monkey) សត្វសាគីមុខពណ៌ស (white-faced sakis) ចំនួនបួនក្បាល និងស្វា (cotton-top tamarin) ចំនួនបីក្បាល ដែលជាប្រភេទសត្វដែលត្រូវបានចុះបញ្ជីថា ជាសត្វដែលរងគ្រោះថ្នាក់យ៉ាងធ្ងន់ធ្ងរជិតផុតពូជដោយសហភាពអន្តរជាតិសម្រាប់ការអភិរក្សធម្មជាតិ (IUCN)។

(រូបភាព៖ Animal Cyclopedia for kid) Common squirrel monkey

កាលពីថ្ងៃចន្ទ លេខាធិការទទួលបន្ទុកវប្បធម៌ កីឡា និងទេសចរណ៍ លោក Kevin Yeung បានបើកកិច្ចប្រជុំអន្តរក្រសួងជាបន្ទាន់អំពីការងាប់របស់សត្វស្វាទាំងនេះផងដែរជាមួយនាយកដ្ឋានសេវាកម្សាន្ត និងវប្បធម៌ នាយកដ្ឋានកសិកម្ម នេសាទ និងអភិរក្ស និងនាយកដ្ឋានសុខាភិបាល។

នៅក្នុងសេចក្តីថ្លែងការណ៍មួយបានពណ៌នា អាកប្បកិរិយា និងចំណង់អាហាររបស់ស្វា De Brazza មួយទៀតក៏ត្រូវបានរកឃើញថា មិនធម្មតាផងដែរ ដែលទាមទារឱ្យមានការសង្កេតបន្ថែមទៀត។ ទោះយ៉ាងណាសត្វ៨០ផ្សេងទៀតនៅក្នុងសួនច្បារស្ថិតនៅក្នុងស្ថានភាពធម្មតា។ នាយកដ្ឋាននៅតែរង់ចាំលទ្ធផលតេស្ត ហើយមិនអាចផ្តល់តម្រុយអំពីមូលហេតុនៃការស្លាប់ដែលអាចកើតមាននោះទេ។

គួរបញ្ជាក់ថា សួនសត្វ និងរុក្ខសាស្ត្រហុងកុង ដែលជាសួនចំណាស់ជាងគេនេះមានតាំងពីអតីតអាណានិគមអង់គ្លេស បានបើកជាសាធារណៈយ៉ាងពេញលេញនៅឆ្នាំ១៨៧១។ វាជាសួនសត្វដ៏កម្រនៅក្នុងទីក្រុងនៃមជ្ឈមណ្ឌលហិរញ្ញវត្ថុ ដែលបានត្រលប់ទៅក្រោមការគ្រប់គ្រងរបស់ចិននៅឆ្នាំ១៩៩៧វិញ៕

(រូបភាព៖ Destination Uganda) De brazza monkey
(រូបភាព៖ Lincoln Park Zoo) White-faced sakis
(រូបភាព៖ National Geographic) Cotton-top tamarins

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៥ នាទីutes មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ២ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង៣ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

ព័ត៌មានអន្ដរជាតិ៤ ម៉ោង មុន

ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់

ព័ត៌មានជាតិ៤ ម៉ោង មុន

ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន

Sokha Hotels

ព័ត៌មានពេញនិយម