ព័ត៌មានអន្ដរជាតិ

មេដឹកនាំកំពូលអ៊ីរ៉ង់ចូលរួមបុណ្យសពមេបញ្ជាការជាន់ខ្ពស់ស្លាប់ដោយសារអ៊ីស្រាអែល

បានផុស

៤ ខែ មុន

នៅ

ថ្ងៃពុធ ១៦ តុលា ២០២៤

ដោយ

ប្រទេសអ៊ីរ៉ង់បានប្រារព្ធពិធីបុណ្យសពមេបញ្ជាការជាន់ខ្ពស់នៃកងឆ្មាំបដិវត្តន៍អ៊ីស្លាម (IRGC) លោក Abbas Nilforoushan ដែលត្រូវបានសម្លាប់ជាមួយមេដឹកនាំក្រុមហេសបូឡាលោក Hassan Nasrallah នៅក្នុងការវាយប្រហារតាមអាកាសរបស់អ៊ីស្រាអែលនៅក្នុងប្រទេសលីបង់កាលពីចុងខែមុន។ នេះបើយោងតាមការចេញផ្សាយរបស់ទីភ្នាក់ងារព័ត៌មាន xinhua នៅថ្ងៃទី១៦ខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីបុណ្យសពដែលប្រារព្ធឡើងនៅទីលាន Imam Hossein នៃទីក្រុង Tehran មានការចូលរួមដោយក្រុមគ្រួសាររបស់ Nilforoushan ប្រធានាធិបតីអ៊ីរ៉ង់ Masoud Pezeshkian ប្រធានតុលាការ Gholamhossein Mohseni-Ejei មេបញ្ជាការ IRGC លោក Hossein Salami និងមេបញ្ជាការជាន់ខ្ពស់ IRGC Qudsani-Esmae រួមជាមួយមន្ត្រី និងមេបញ្ជាការយោធាជារូបច្រើនទៀត។

នៅម៉ោងប្រហែល៨និង២០នាទីព្រឹកម៉ោងក្នុងស្រុក ឮសាកសពរបស់ Nilforoushan ត្រូវបាននាំយកទៅកន្លែងតម្កល់និងត្រូវបានទទួលដោយប្រជាពលរដ្ឋជាមួយនឹងផ្កាជាច្រើន។ សាកសព លោក Nilforoushan នឹងត្រូវគេបញ្ចុះនៅស្រុក Isfahan នៅល្ងាចថ្ងៃព្រហស្បតិ៍។ នេះបើយោងតាមទីភ្នាក់ងារព័ត៌មាននិស្សិតអ៊ីរ៉ង់។

អំឡុងពេលចូលរួមអ្នកចូលរួមបានគ្រវីទង់ជាតិអ៊ីរ៉ង់ ហេសបូឡា និងប៉ាឡេស្ទីន ហើយកាន់រូបភាពមេដឹកនាំកំពូលរបស់អ៊ីរ៉ង់លោក Ali Khamenei, លោក Nasrallah, និងលោក Nilforoushan ខណៈស្រែកពាក្យស្លោកប្រឆាំងនឹងអាមេរិក និងអ៊ីស្រាអែល។

គួរបញ្ជាក់ថា លោក Nilforoushan អាយុ ៥៨ឆ្នាំត្រូវបានសម្លាប់នៅថ្ងៃទី២៧ខែកញ្ញាក្នុងអំឡុងពេលកិច្ចប្រជុំជាមួយលោក Nasrallah នៅពេលដែលអ៊ីស្រាអែលបានចាប់ផ្តើមការវាយប្រហារទ្រង់ទ្រាយធំលើទីស្នាក់ការកណ្តាលរបស់ Hezbollah នៅ Dahieh ជាយក្រុងភាគខាងត្បូងនៃទីក្រុង Beirut។

ជាមួយគ្នានេះលោក Nasrallah រួមជាមួយមេដឹកនាំជាន់ខ្ពស់មួយចំនួននៃក្រុមហេសបូឡា ក៏ត្រូវបានសម្លាប់ក្នុងអំឡុងពេលការវាយប្រហារដែរ។ គួររម្លឹកថាលោកNilforoushan បានបម្រើការជាមេបញ្ជាការរងរបស់ IRGC សម្រាប់ប្រតិបត្តិការចាប់តាំងពីឆ្នាំ ២០១៩មកម្លេះ៕