ព័ត៌មានអន្ដរជាតិ

ធនាគារពិភពលោក៖ តំបន់ហ្គាហ្សារងការខូចខាតប្រហែល២០ពាន់លានដុល្លារព្រោះសង្គ្រាម

បានផុស

៥ ខែ មុន

នៅ

ថ្ងៃពុធ ១៦ តុលា ២០២៤

ដោយ

Chheang

លោក Ajay Banga ប្រធានធនាគារពិភពលោក បានប្រាប់កាលពីថ្ងៃទី១៥ខែតុលាថា សង្គ្រាមដែលផ្ទុះឡើងរវាងអ៊ីស្រាអែល និងក្រុមហាម៉ាសនៅក្នុងតំបន់ហ្គាហ្សា បង្កជាការខូចខាតចន្លោះពី ១៤ ទៅ ២០ពាន់លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Banga បានបញ្ជាក់ថា ធនាគារពិភពលោក បានផ្ដល់នូវជំនួយសង្គ្រោះចំនួន ៣០០លានដុល្លារទៅឲ្យតំបន់ហ្គាហ្សា ដែលទំហំទឹកប្រាក់នេះច្រើនជាងជំនួយធម្មតាដល់ទៅ៦ដង សម្រាប់អាជ្ញាធរប៉ាឡេស្ទីនចាត់ចែងដោះស្រាយវិបត្តិរបស់ពលរដ្ឋនៅទីនោះ។ យ៉ាងណា ទឹកប្រាក់នេះនៅតែមានទំហំតិចតួចបំផុត ហើយមិនអាចឆ្លើយតបនឹងតម្រូវការជាក់ស្ដែងរបស់តំបន់ហ្គាហ្សានោះទេ។

ប្រធានធនាគារពិភពលោក បានបន្ថែមថា ការរីករាលដាលនៃសង្គ្រាមតំបន់ហ្គាហ្សា អាចផ្ដល់ផលប៉ះពាល់ចំពោះសេដកិច្ចសកល ហើយលោកក៏បានអំពាវនាវឲ្យមានការបញ្ឈប់ការសម្លាប់ជនស៊ីវិលផងដែរ។

អ៊ីស្រាអែល បានបើកប្រតិបត្តិការយោធាវាយសងសឹកក្រុមហាម៉ាស បន្ទាប់ពីក្រុមសកម្មប្រយុទ្ធដែលមានការគាំទ្រដោយអ៊ីរ៉ង់នេះ បានលួចវាយឆ្មក់ចូលទឹកដីអ៊ីស្រាអែលកាលពីថ្ងៃទី៧ខែតុលាឆ្នាំ២០២៣ ហើយសម្លាប់មនុស្សប្រមាណ ១ ២០០នាក់ និងចាប់ចំណាប់ខ្មាំងប្រហែល ២៥០នាក់ទៅតំបន់ហ្គាហ្សា។ ការវាយបករបស់អ៊ីស្រាអែល បានបណ្ដាលឲ្យពលរដ្ឋនៅហ្គាហ្សាស្លាប់ចំនួន ៤២ ០០០នាក់៕

ដោយ៖ ឈាង