ព័ត៌មានអន្ដរជាតិ
លោក Zelensky បង្ហាញផែនការសន្តិភាពទៅសភាអ៊ុយក្រែន ក្នុងនោះមានបង្កប់ ៥ចំណុចសំខាន់
ក្រោយរង់ចាំអស់រយៈពេលជាយូរ ពេលនេះប្រមុខដឹកនាំទីក្រុងកៀវ លោក Volodymyr Zelensky បានបង្ហាញផែនការជ័យជម្នះទៅកាន់សភាអ៊ុយក្រែនហើយ ដោយក្នុងនោះ មានបញ្ជាក់យ៉ាងច្បាស់អំពីចំណុចសំខាន់ចំនួន៥។ នេះបើតាមការចុះផ្សាយរបស់ BBC នៅថ្ងៃព្រហស្បតិ៍ទី១៧ខែតុលាឆ្នាំ២០២៤។
ស្របពេលជាមួយគ្នានោះ លោកបានថ្លែងថា មនុស្សមួយចំនួនបានមើលស្រាលពេលអ៊ុយក្រែននិយាយពីជ័យជម្នះ ប៉ុន្តែផែនការនេះនឹងជួយបញ្ចប់ជម្លោះ។ ផែនការនេះអាចអនុវត្តបាន ហើយវាអាស្រ័យលើដៃគូ។ វាមិនមែនអាស្រ័យលើរុស្ស៊ីទាំងស្រុងទេ ព្រោះទីក្រុងមូស្គូប្រហែលមិនចង់បានសន្តិភាពឡើយ។
៥ចំណុចសំខាន់នៅក្នុងផែនការរបស់លោក Zelensky នោះមានដូចជា៖
- អញ្ជើញអ៊ុយក្រែន ឲ្យចូលរួមជាមួយសម្ព័ន្ធយោធាណាតូ។
- ពង្រឹងសមត្ថភាពការពាររបស់អ៊ុយក្រែនប្រឆាំងកងកម្លាំងរុស្ស៊ី ក្នុងនោះបូករួមទាំងត្រូវទទួលបានការអនុញ្ញាតពីសម្ព័ន្ធមិត្តឲ្យខ្លួនប្រើប្រាស់អាវុធរយៈចម្ងាយឆ្ងាយ បាញ់លើទឹកដីរុស្ស៊ីនិងបន្តប្រតិបត្តិការយោធារបស់អ៊ុយក្រែននៅលើទឹកដីរុស្ស៊ី ដើម្បីចៀសវាងការបង្កើតតំបន់ទ្រនាប់នៅអ៊ុយក្រែនផងដែរ។
- ទប់ស្កាត់រុស្ស៊ីតាមរយៈការដាក់ពង្រាយអាវុធយុទ្ធសាស្ត្រតែមិនមែនជានុយក្លេអ៊ែរ នៅលើដីអ៊ុយក្រែន។
- សហរដ្ឋអាមេរិកនិងសហភាពអឺរ៉ុប ត្រូវរួមគ្នាការពារធនធានធម្មជាតិដ៏សំខាន់របស់អ៊ុយក្រែន។
- នៅពេលសង្គ្រាមចប់ ត្រូវដាក់ទាហានអ៊ុយក្រែន ឲ្យឈរជើងជាមួយទាហានអាមេរិក នៅទូទាំងទ្វីបអឺរ៉ុប។
ឆ្លើយតបទៅផែនការសន្តិភាពរបស់លោក Zelensky ភ្លាមៗនោះ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានចេញសេចក្តីថ្លែងការណ៍ថា ផែនការនេះនឹងគ្មានទទួលបានផលអ្វីទេ ប៉ុន្តែផ្ទុយទៅវិញវានឹងគ្រាន់តែនាំសំណាងអាក្រក់ឲ្យអ៊ុយក្រែន ប៉ុណ្ណោះ។
ចំណែក អ្នកនាំពាក្យវិមានក្រឹមឡាំង លោក Dmitry Peskov ក៏ឆ្លើយតបផងដែរ ដោយហៅផែនការនេះថា ជាផែនទីបង្ហាញផ្លូវឆ្ពោះទៅរកការពង្រីកជម្លោះរវាងរុស្ស៊ីនិងអ៊ុយក្រែន ហើយសង្កត់ធ្ងន់ថា មធ្យោបាយតែមួយគត់ដើម្បីសម្រេចបានសន្តិភាពគឺ មេដឹកនាំអ៊ុយក្រែន ត្រូវភ្ញាក់ខ្លួន ហើយរកនឹកមើលពីមូលហេតុ សួរខ្លួនឯងថាហេតុអ្វីជម្លោះនេះផ្ទុះឡើង៕
អត្ថបទ៖ សុខ សុវណ្ណ
ចុចអាន៖ ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
-
សន្តិសុខសង្គម២ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ២ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច៧ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ១ សប្តាហ៍ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ សប្តាហ៍ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ព័ត៌មានអន្ដរជាតិ៣ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៦ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ១ សប្តាហ៍ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង