ព័ត៌មានអន្ដរជាតិ
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
តាមការចុះផ្សាយរបស់សារព័ត៌មាន Vietnamnet កាលពីថ្ងៃពុធទី១៦ខែតុលាឆ្នាំ២០២៤, ក្រុមអ្នកជំនាញបានព្រមានឲ្យប្រទេសវៀតណាម ត្រូវត្រៀមខ្លួនទទួលកំពូលព្យុះទីហ្វុងបន្ថែមទៀត នៅខែក្រោយ ដោយសារតែផ្លាស់ប្តូរបាតុភូតពី El Nino ទៅ La Nina។
អ្នកព្យាករនៅ Bloomberg បានឲ្យដឹងថា នៅខែវិច្ឆិកា ការចូលមកដល់នៃបាតុភូត La Nina នឹងនាំយកផ្ទៃទឹកដែលមានកម្តៅឆ្ពោះទៅកាន់មហាសមុទ្រប៉ាស៊ីហ្វិកភាគខាងលិច ដោយបង្កើតជាព្យុះកាចនិងបង្កឲ្យមានភ្លៀងធ្លាក់ខ្លាំង វាយប្រហារចំប្រទេសហ្វីលីពីននិងវៀតណាម។
![](https://www.kampucheathmey.com/wp-content/uploads/2024/10/image-838-1024x579.png)
Bloomberg ក៏ព្យករដែរថា មិនមែនតែវៀតណាមទេ បាតុភូត La Nina នេះ ក៏ជះឥទ្ធិពលដល់តំបន់អាស៊ីអាគ្នេយ៍ផងដែរ ដូចជាការបង្អុរទឹកភ្លៀងនិងជំនន់រហ័សជាដើម។
ស្របពេលជាមួយគ្នានោះ លោក Benjamin Horton នាយកអង្គការអង្កេតផែនដីនៃប្រទេសសិង្ហបុរី បាននិយាយថា ព្យុះស៊ីក្លូនត្រូពិកនឹងកាន់តែមានកម្លាំងខ្លាំង ដោយសារតែ សីតុណ្ហភាពក្នុងមហាសមុទ្រកាន់តែកើនឡើង។ លោកសន្និដ្ឋានថា កាលណាមហាសមុទ្រកាន់តែក្តៅ វានឹងបញ្ជូនថាមពលកាន់តែច្រើនដល់ព្យុះស៊ីក្លូនត្រូពិក ហើយព្យុះកាន់តែធំនិងកាចសាហាវ។
ជុំវិញបញ្ហានេះ មជ្ឈមណ្ឌលជាតិព្យាករធនធានជលសាស្ត្រ និងឧតុនិយមវៀតណាម ក៏ប្រកាសដែរ ប្រទេសវៀតណាម នឹងមានភ្លៀងធ្លាក់ខ្ពស់ជាងកម្រិតមធ្យម ដែលអាចបង្កគ្រោះទឹកជំនន់ធ្ងន់ធ្ងរ ជាពិសេសនៅតំបន់កណ្តាល។
ការព្រមាននេះកើតឡើង ទាំងដែលប្រទេសវៀតណាម មិនទាន់រើបខ្លួនបានស្រួលបួលផង ពីគ្រោះមហន្តរាយដែលបណ្តាលមកពីព្យុះកំណាច យ៉ាកជី ដែលវាយប្រហារកាលពីដើមខែកញ្ញា សម្លាប់មនុស្សរាប់រយនាក់និងបង្កការខាតបង់ដល់វិស័យសេដ្ឋកិច្ច គិតជាទឹកប្រាក់អស់ប្រហែល៣.៣ពាន់លានដុល្លារអាមេរិក៕
អត្ថបទ៖ សុខ សុវណ្ណ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច