ព័ត៌មានអន្ដរជាតិ
រុស្ស៊ី៖ «ផែនការជ័យជម្នះ» របស់អ៊ុយក្រែន ទាញឲ្យ NATO ប្រឈមមុខផ្ទាល់ជាមួយក្រុងមូស្គូ
បន្ទាប់ពីលោក Volodymyr Zelensky បានបង្ហាញពីផែនការជ័យជម្នះទៅកាន់សភាអ៊ុយក្រែន ប្រទេសរុស្ស៊ីកាលពីថ្ងៃពុធបានធ្វើការថ្កោលទោស ហើយនិយាយថា មេដឹកនាំអ៊ុយក្រែនកំពុងព្យាយាមជំរុញឲ្យអង្គការណាតូធ្លាក់ចូលទៅក្នុងជម្លោះដោយផ្ទាល់ជាមួយទីក្រុងមូស្គូ។
អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានប្រាប់អ្នកយកព័ត៌មានថា ផែនការដែល លោក Zelensky បានបង្ហាញទៅកាន់សភារបស់លោក នឹងនាំឲ្យមានគ្រោះមហន្តរាយសម្រាប់ប្រជាជនអ៊ុយក្រែន។
លោកស្រី Zakharova បានរៀបរាប់ថា៖ «គាត់កំពុងជំរុញណាតូឲ្យមានជម្លោះដោយផ្ទាល់ជាមួយប្រទេសរបស់យើង» ដោយបន្ថែមថា លោក Zelensky មិនអាចពឹងផ្អែកលើដៃគូលោកខាងលិចរបស់ខ្លួនបានទេ។
លោកស្រីបន្តថា៖ «ខ្ញុំអាចប្រាប់លោក Zelensky យ៉ាងសាមញ្ញថា ប្រសិនបើគាត់មិនដឹង ដៃគូនៃរបបក្រុងកៀវបានបង្ហាញរួចហើយពីរបៀបដែលពួកគេឃើញអ៊ុយក្រែននៅក្នុងស្ថាបត្យកម្មសន្តិសុខគឺ ពួកគេឃើញអ៊ុយក្រែននៅក្នុងមឈូសមួយ ហើយពលរដ្ឋអ៊ុយក្រែនក៏នៅក្នុងផ្នូរផងដែរ»។
លោកស្រី Zakharova បានបញ្ជាក់ទៀតថា លោក Zelensky ដឹងយ៉ាងច្បាស់ណាស់នូវអ្វីដែលការអំពាវនាវរបស់លោកចំពោះអង្គការណាតូនឹងនាំឲ្យកើតមាននាថ្ងៃទៅមុខ។
លោកស្រី Zakharova ក៏បានរំលឹកពីការព្រមានរបស់ប្រធានាធិបតីរុស្ស៊ី លោក Vladimir Putin កាលពីខែកញ្ញាថា លោកខាងលិចនឹងប្រយុទ្ធជាមួយក្រុងមូស្គូដោយផ្ទាល់ បើអនុញ្ញាតឲ្យអ៊ុយក្រែនវាយចូលជ្រៅទៅក្នុងប្រទេសរុស្ស៊ីជាមួយនឹងមីស៊ីលរយៈចម្ងាយឆ្ងាយដែលផ្គត់ផ្គង់ដោយលោកខាងលិច។
ចំណែកឯវិមានក្រឹមឡាំង បានប្រកាសថា វាលឿនពេកក្នុងការធ្វើអត្ថាធិប្បាយលម្អិតចំពោះផែនការរបស់លោក Zelensky ប៉ុន្តែទីក្រុងកៀវចាំបាច់ត្រូវ «ភ្ញាក់ខ្លួន» និងដឹងពីភាពឥតប្រយោជន៍នៃគោលនយោបាយដែលខ្លួនកំពុងអនុវត្ត។
រុស្ស៊ី បានចោទលោកខាងលិចជាយូរមកហើយថាបានកេងប្រវ័ញ្ច និងប្រើប្រាស់អ៊ុយក្រែន ដើម្បីធ្វើសង្រ្គាមប្រឆាំងនឹងក្រុងមូស្គូ។ យ៉ាងណា សហរដ្ឋអាមេរិក និងសម្ព័ន្ធមិត្តណាតូ បាននិយាយថា ពួកគេកំពុងជួយអ៊ុយក្រែនការពារខ្លួនប្រឆាំងនឹងការដណ្តើមយកទឹកដីតាមបែបអាណានិគមដោយអយុត្តិធម៌ប៉ុណ្ណោះ៕
ដោយ៖ ឈាង
ចុចអាន៖ លោក Zelensky បង្ហាញផែនការសន្តិភាពទៅសភាអ៊ុយក្រែន ក្នុងនោះមានបង្កប់ ៥ចំណុចសំខាន់
-
សន្តិសុខសង្គម២ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ២ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច៧ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ១ សប្តាហ៍ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ សប្តាហ៍ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ព័ត៌មានអន្ដរជាតិ៣ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៦ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ១ សប្តាហ៍ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង