ព័ត៌មានអន្ដរជាតិ
ម៉ាឡេស៊ីចាប់ខ្លួនមនុស្សរាប់រយនាក់ទៀតពីបទរំលោភបំពានលើកុមារ
សមាជិកក្រុមសាសនាម៉ាឡេស៊ីដែលត្រូវបានចោទប្រកាន់ពីបទជួញដូរមនុស្ស និងការរំលោភបំពានផ្លូវភេទលើកុមារបានបន្តប្រព្រឹត្តឧក្រិដ្ឋកម្ម បើទោះបីជាមានការបង្រ្កាបទ្រង់ទ្រាយធំរបស់ប៉ូលិសក៏ដោយ ខណៈប៉ូលិសបានចាប់ខ្លួនមនុស្សរាប់រយនាក់បន្ថែមទៀតដែលពាក់ព័ន្ធនឹងករណីនេះ។ នេះបើយោងតាមការចេញផ្សាយរបស់សារព័ត៌មានBBCនៅថ្ងៃទី១៧ខែតុលានេះ។
ក្រុម Islamic Global Ikhwan Group (GISB) បានក្លាយជា ប្រធានបទក្ដៅគគុកជាអន្តរជាតិកាលពីខែកញ្ញា បន្ទាប់ពីប៉ូលិសបានជួយសង្គ្រោះអនីតិជនចំនួន៤០២នាក់ ដែលសង្ស័យថា ត្រូវបានរំលោភបំពាននៅទូទាំងផ្ទះថែទាំចំនួន ២០កន្លែង។ អាជ្ញាធរបានចាប់ខ្លួនជនសង្ស័យចំនួន១៧១នាក់នៅពេលនោះ រួមទាំងគ្រូបង្រៀន និងអ្នកមើលថែផងដែរ ប៉ុន្តែរាប់រយនាក់បន្ថែមទៀតត្រូវបានចាប់ខ្លួនចាប់តាំងពីពេលនោះមក បន្ទាប់បីទទួលបានព័ត៌មានលម្អិតបន្ថែមអំពីឧក្រិដ្ឋកម្មរបស់ក្រុមនេះ។
ក្នុងចំណោមនោះ មានការចោទប្រកាន់ថា សមាជិក GISB ចំនួន៥នាក់បានជួញដូរមនុស្សក្នុងគោលបំណងកេងប្រវ័ញ្ចកម្លាំងពលកម្មដោយការបង្ខំតាមរយៈការគំរាមកំហែង។ ជនជាប់ចោទពីរនាក់គឺជាអ្នកគ្រប់គ្រងរមណីយដ្ឋានដែលគ្រប់គ្រងដោយ GISB នៅរដ្ឋ Johor ភាគខាងត្បូង។ ពួកគេត្រូវបានចោទប្រកាន់លើបួនករណីនៃការជួញដូរមនុស្សដែលពាក់ព័ន្ធនឹងស្ត្រី៣នាក់និងបុរសម្នាក់ដែលមានអាយុចន្លោះពី ៣០ ទៅ៥៧ឆ្នាំ។ ទីបីដែលជាកម្មករនៅរមណីយដ្ឋានដូចគ្នាត្រូវបានចោទប្រកាន់ពីបទរំលោភផ្លូវភេទលើកុមារអាយុ ១៦ឆ្នាំ។
នៅក្នុងសន្និសីទសារព័ត៌មានមួយកាលពីថ្ងៃចន្ទ មេធាវីតំណាង GISB បានបដិសេធការចោទប្រកាន់អំពីសកម្មភាពអាជីវកម្មខុសច្បាប់ និងឧក្រិដ្ឋកម្មដែលបានរៀបចំដោយស្នើសុំឱ្យមាន «ការស៊ើបអង្កេតដោយយុត្តិធម៌» ។ ទោះជាយ៉ាងណាក៏ដោយ នាយកប្រតិបត្តិរបស់ខ្លួនគឺលោក Nasiruddin Mohd Ali បានសារភាពថាមាន «ករណីរួមភេទមួយ ឬពីរ នៅផ្ទះថែទាំ ប៉ុន្តែហេតុអ្វីក៏ចោទប្រកាន់ទាំងស្រុង?»។
ជនរងគ្រោះរាប់រយនាក់ផ្សេងទៀតដែលមានអាយុចន្លោះពី ១ឆ្នាំដល់ ១៧ ឆ្នាំ បានស៊ូទ្រាំនឹងទម្រង់ផ្សេងៗនៃការរំលោភបំពាននៅផ្ទះថែទាំដែលមានទំនាក់ទំនងទៅនឹង GISB ដោយខ្លះត្រូវបានចោទប្រកាន់ថាបានរួមភេទជាមួយអ្នកថែទាំរបស់ពួកគេ និងបង្ខំឱ្យធ្វើអំពើផ្លូវភេទលើកុមារដទៃទៀត។ នេះបើយោងតាមប៉ូលិស។
សភាជាន់ទាបនៃប្រទេសម៉ាឡេស៊ីកាលពីថ្ងៃអង្គារបានធ្វើការភាក្សាអំពីបញ្ហាទាក់ទងនឹង GISB ដោយរដ្ឋមន្ត្រីក្រសួងមហាផ្ទៃ លោក Datuk Seri Saifuddin Nasution Ismail បានប្រាប់អង្គសវនាការថា កុមារខ្លះចាប់ពីអាយុពីរឆ្នាំត្រូវបានបំបែកចេញពីគ្រួសាររបស់ពួកគេ។
ម្តងម្កាល ពួកគេត្រូវបានបង្ខំឲ្យទទួលរងទណ្ឌកម្មចំពោះការបំពានវិន័យ។លោកបានបន្ថែមថា យោងទៅតាមការវាយតម្លៃរបស់អ្នកចិត្តសាស្រ្ត តាមរយៈអង្គភាព D11 របស់នាយកដ្ឋានសុខុមាលភាព កុមារទាំងនេះនឹកឪពុកម្តាយរបស់ពួកគេ ខណៈអ្នកខ្លះមិនស្គាល់ឪពុកម្ដាយពួកគេទេ ។
គួរបញ្ជាក់ថា GISB មានអាជីវកម្មរាប់រយនៅទូទាំង ២០ ប្រទេសដែលប្រតិបត្តិការលើវិស័យនានារួមទាំបដិសណ្ឋារកិច្ច អាហារ និងការអប់រំ។ វាក៏ត្រូវបានផ្សារភ្ជាប់ទៅនឹង Al-Arqam ដែលជានិកាយសាសនាមួយដែលត្រូវបានហាមឃាត់ដោយរដ្ឋាភិបាលម៉ាឡេស៊ីក្នុងឆ្នាំ១៩៩៤ ដោយសារតែមានការព្រួយបារម្ភអំពីការបង្រៀនបែបអ៊ីស្លាមខុសឆ្គង។
រហូតមកដល់ពេលនេះ ប្រតិបត្តិការរបស់ប៉ូលិសប្រឆាំងនឹង GISB បានបណ្តាលឱ្យមានការចាប់ខ្លួនមនុស្សចំនួន ៤១៥នាក់ និងជួយសង្គ្រោះកុមារចំនួន ៦២៥នាក់។អាជ្ញាធរម៉ាឡេស៊ីក៏បានពង្រីកការស៊ើបអង្កេតរបស់ពួកគេទៅលើ GISB ជាអន្តរជាតិ ដោយស្វែងរកជំនួយពី Interpol ៕
អត្ថបទ៖ ប៊ុន សុភាព
-
សន្តិសុខសង្គម២ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ២ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច១ សប្តាហ៍ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៣ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៨ ម៉ោង ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៦ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៦ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida