ព័ត៌មានអន្ដរជាតិ
លោក ហ្សេលេនស្គី ចង់បានអាវុធនុយក្លេអ៊ែរ
ថ្លែងក្នុងសន្និសីទសារព័ត៌មាន បន្ទាប់ពីបង្ហាញផែនការជ័យជម្នះទៅកាន់មន្ត្រីអឺរ៉ុបក្នុងទីក្រុងព្រុចសែល នៃប្រទេសបែលហ្ស៊ិកកាលពីថ្ងៃព្រហស្បតិ៍ទី១៧ខែតុលាឆ្នាំ២០២៤, ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី បានស្នើឡើងថា ទីក្រុងកៀវត្រូវការអាវុធនុយក្លេអ៊ែរ ប្រសិនបើខ្លួនមិនអាចក្លាយជាសមាជិកអង្គការណាតូបានទេនោះ។
តាមការចុះផ្សាយរបស់ Politico លោក ហ្សេលេនស្គី អះអាងថា អ៊ុយក្រែនអាចការពារខ្លួនបាន លុះត្រាក្លាយជារដ្ឋមាននុយក្លេអ៊ែរ ឬជាសមាជិកណាតូ ហើយលោកក៏បញ្ជាក់រឿងនេះទៅអតីតប្រធានាធិបតីអាមេរិក ដូណាល់ ត្រាំ ដែរ។
ក្នុងអំឡុងពេលនោះ លោក ហ្សេលេនស្គី ឆ្លៀតរម្លឹកអំពីគ្រាដែលប្រទេសរបស់លោក បានយល់ព្រមបោះបង់អាវុធនុយក្លេអ៊ែរសូវៀត ដែលរក្សាទុកនៅលើដីរបស់ខ្លួន ជាថ្នូរនឹងការធានាសន្តិសុខពីប្រទេសរុស្ស៊ី សហរដ្ឋអាមេរិក និងចក្រភពអង់គ្លេស ក្រោមអនុស្សរណៈទីក្រុងប៊ុយដាប៉ែសឆ្នាំ១៩៩៤ ហើយលើកជាសំណួរថា «តើមហាអំណាចនុយក្លេអ៊ែរណាខ្លះបានរងគ្រោះ? ទាំងអស់គ្នាឬ? ទេ មានតែអ៊ុយក្រែនប៉ុណ្ណោះ។ អ្នកណាបោះបង់អាវុធនុយក្លេអ៊ែរ? ទាំងអស់គ្នា? ទេ នោះក៏អ៊ុយក្រែនដែរ ហើយតើអ្នកណាកំពុងប្រយុទ្ធនៅថ្ងៃនេះ? នោះក៏ជាអ៊ុយក្រែនដដែល។ ដូច្នេះហើយបើអ៊ុយក្រែនមានអាវុធនុយក្លេអ៊ែរ យើងអាចការពារខ្លួនបាន ឬយើងគួរតែមានសម្ព័ន្ធភាពមួយ។ ក្រៅពីណាតូ យើងមិនដឹងថា សព្វថ្ងៃនេះមានសម្ព័ន្ធភាពណាដែលមានប្រសិទ្ធភាពទេ»។
សូមបញ្ជាក់ថា ប្រទេសអ៊ុយក្រែន មិនដែលគ្រប់គ្រងអាវុធនុយក្លេអ៊ែរទេ ប៉ុន្តែអះអាងថា ខ្លួនធ្លាប់ស្ថិតក្នុងចំណោមមហាអំណាចបរមាណូ មុននឹងសម្រេចចិត្តបោះបង់ចោលវា។
ក្នុងសុន្ទរកថានៅឯសន្និសីទសន្តិសុខអន្តរជាតិទីក្រុង Munich នៃប្រទេសអាល្លឺម៉ង់កាលពីខែកុម្ភៈឆ្នាំ២០២២ ពោលគឺប៉ុន្មានសប្តាហ៍មុនពេលផ្ទុះជម្លោះជាមួយរុស្ស៊ី, លោក ហ្សេលេនស្គី បានសម្តែងក្តីសោកស្តាយជាពន់ពេកចំពោះការសម្រេចចិត្តនោះ ដោយលើកឡើងថា ប្រទេសរបស់គាត់មានសិទ្ធិគ្រប់យ៉ាងក្នុងការដូរចិត្តយកអាវុធនុយក្លេអ៊ែរមកវិញ៕
អត្ថបទ៖ សុខ សុវណ្ណ
ចុចអាន៖ លក្ខខណ្ឌបាញ់នុយក្លេអ៊ែរថ្មីរបស់លោក ពូទីន ធ្វើឲ្យគេបារម្ភ
-
សន្តិសុខសង្គម៣ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ព័ត៌មានអន្ដរជាតិ២៤ ម៉ោង ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ៣ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច១ សប្តាហ៍ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៤ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ១ សប្តាហ៍ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៧ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida