ផ្ទុះកាំជ្រួចក្នុងពិធីបុណ្យ Loi Krathong នៅថៃ របួសមនុស្សច្រើននាក់

ហេតុការណ៍ដ៏រន្ធត់មួយ កើតឡើងនៅប្រទេសថៃ កាលពីរាត្រីថ្ងៃព្រហស្បតិ៍ទី១៧ខែតុលាឆ្នាំ២០២៤ ដោយកាំជ្រួចបានផ្ទុះបណ្តាលឲ្យរបួសមនុស្សចំនួន១១នាក់ ពេលចូលរួមសប្បាយរីករាយក្នុងពិធីបុណ្យ Loi Krathong លើទន្លេមេគង្គ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Khaosod, ហេតុការណ៍នេះកើតឡើងនៅខេត្ត Nakhon Phanom ខណៈមូលហេតុគឺបណ្តាលមកពីកាំជ្រួចមិនហោះឡើងលើ បែរជាខុសបច្ចេកទេសផ្ទុះនៅខាងក្រោមទៅវិញ ទើបបណ្តាលឲ្យមានមនុស្សរងរបួសច្រើនបែបនេះ។

ទោះបីជាយ៉ាងណាក៏ដោយ តាមការអះអាងពីក្រុមមន្ត្រី, អ្នករងរបួសភាគច្រើន គឺមិនប៉ះពាល់ដល់អាយុជីវិតទេ ពោលគឺគ្រាន់តែរងរបួសបន្តិចបន្តួច។

ពាក់ព័ន្ធបញ្ហានេះ ខេត្ត Nakhon Phanom បានចេញបទបញ្ជាដាច់ណត្តិថា ឆ្នាំក្រោយនឹងមិនអនុញ្ញាត ឲ្យរៀបចំការបាញ់កាំជ្រួចនៅជិតទីតាំងដែលមានប្រជាជននិងភ្ញៀវទេសចរច្រើនទៀតទេ៕

អត្ថបទ៖ សុខ សុវណ្ណ

ចុចអាន៖ រដ្ឋបាលរាជធានីហាមដុតផាវ កាំជ្រួច និងលេងល្បែងស៊ីសងនៅថ្ងៃបុណ្យចូលឆ្នាំចិន