ព័ត៌មានអន្ដរជាតិ
កូរ៉េខាងជើង គំរាមប្រកាសសង្គ្រាមជាមួយ កូរ៉េខាងត្បូង
តាមការចុះផ្សាយរបស់ RT នៅថ្ងៃសៅរ៍ទី១៩ខែតុលាឆ្នាំ២០២៤, គ្រាន់តែរកឃើញបំណែកដ្រូនរបស់កូរ៉េខាងត្បូងដែលប្រើសម្រាប់ការទម្លាក់ខិត្តប័ណ្ណលើទឹកដីកូរ៉េខាងជើងភ្លាម ស្រាប់តែទីក្រុងព្យុងយ៉ាង បានគំរាមប្រកាសសង្គ្រាមតែម្តង ធ្វើឲ្យគេបារម្ភថា ស្ថានការណ៍នៅក្នុងឧបទ្វីបនេះនឹងឡើងកម្តៅខ្លាំងជាក់ជាមិនខាន។
ជុំវិញបញ្ហានេះ កាសែត KCNA ដែលគេចាត់ទុកជាអ្នកនាំពាក្យរបស់រដ្ឋាភិបាលលោក គីម ជុងអ៊ុន បានព្រមានថា «ប្រសិនបើការរំលោភបំពានលើទឹកដី ដែនអាកាស និងដែនទឹករបស់កូរ៉េខាងជើង ដោយមធ្យោបាយយោធារបស់កូរ៉េខាងត្បូង នៅតែបន្តនោះ វានឹងត្រូវចាត់ទុកថាជាការរករឿងខាងយោធាយ៉ាងធ្ងន់ធ្ងរប្រឆាំងនឹងអធិបតេយ្យភាពរបស់កូរ៉េខាងជើងហើយ ហើយយើងនឹងបើកការវាយប្រហារសងសឹកភ្លាមៗ ឬប្រកាសសង្គ្រាមតែម្តង»។
យ៉ាងណាក្តី ទីក្រុងសេអ៊ូល មិនទាន់បញ្ជាក់ឡើយថាតើដ្រូនរបស់ខ្លួន ពិតជាបានឆ្លងដែន មែនឬក៏អត់។
រឿងនេះធ្វើឲ្យគេនឹកឃើញដល់កាលពីសប្តាហ៍មុន ដែលកូរ៉េខាងជើង ក៏បានព្រមានខ្លាំងៗនិងផ្តាំផ្ញើទៅកូរ៉េខាងត្បូងដែរថា កងទ័ពនៅខ្សែត្រៀមជួរមុខនឹងមិនអត់ធ្មត់ទៀតឡើយ ហើយបើសិនដ្រូននិងខិត្តប័ណ្ណនៅតែបន្តហោះចូលទីក្រុងព្យុងយ៉ាង នោះគ្រាប់កាំភ្លើងធំនឹងហោះទៅវិញហើយ។
តាមការបញ្ជាក់ពីអ្នកនាំពាក្យក្រសួងការពារជាតិកូរ៉េខាងជើង, ភាពតានតឹងផ្នែកយោធាយ៉ាងធ្ងន់ធ្ងរ កំពុងកើតមាននៅលើឧបទ្វីបកូរ៉េ ដោយសារតែដ្រូនរបស់កូរ៉េខាងត្បូង ហើយបើកូរ៉េខាងជើង វាយប្រហារចាស់ដៃមែន ទឹកដីកូរ៉េខាងត្បូងទាំងមូល នឹងរលាយក្លាយទៅជាផេះមិនខាន។
សូមបញ្ជាក់ជាថ្មី ទំនាក់ទំនងរវាងកូរ៉េទាំងពីរនៅតែតានតឹងចាប់តាំងពីកិច្ចខិតខំផ្នែកការទូតដឹកនាំដោយសហរដ្ឋអាមេរិកស្តីពីការបញ្ចប់កម្មវិធីនុយក្លេអ៊ែររបស់កូរ៉េខាងជើង បានដួលរលំនៅឆ្នាំ២០១៩ ហើយចាប់តាំងពីពេលនោះមក កូរ៉េខាងជើងរឹតតែពង្រីកឃ្លាំងអាវុធនុយក្លេអ៊ែររបស់ខ្លួន ហើយតែងគំរាមបាញ់នុយក្លេអ៊ែរវាយប្រហារកូរ៉េខាងត្បូង និងសហរដ្ឋអាមេរិក៕
អត្ថបទ៖ សុខ សុវណ្ណ
ចុចអាន៖ កូរ៉េខាងជើង ផ្តាំទៅកូរ៉េខាងត្បូងថា បើដ្រូននៅតែហោះមកទៀត គ្រាប់កាំភ្លើងធំនឹងហោះទៅវិញ
-
ព័ត៌មានអន្ដរជាតិ២ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៤ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៤ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ៥ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ១ សប្តាហ៍ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton
-
ព័ត៌មានអន្ដរជាតិ១ សប្តាហ៍ ago
ព្យុះ Milton ធ្វើឲ្យផ្អើលសត្វក្រពើ ចេញមកតាមផ្លូវក្នុងរដ្ឋ Florida
-
ព័ត៌មានអន្ដរជាតិ២២ ម៉ោង ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ៧ ថ្ងៃ ago
ភ្លៀងមួយមេធំ ធ្វើឱ្យគល់ស្ពានអាកាសចោមចៅផ្លូវជាតិលេខ ៤ លិច និងស្ទះចរាចរណ៍យ៉ាងខ្លាំង