ព័ត៌មានអន្ដរជាតិ
លើកនេះ អ៊ីស្រាអែល បើកការវាយប្រហារ កំណត់គោលដៅលើធនាគារ ទូទាំងប្រទេសលីបង់
តាមការចុះផ្សាយរបស់ NPR នៅថ្ងៃចន្ទទី២១ខែតុលាឆ្នាំ២០២៤, កងទ័ពអ៊ីស្រាអែល បានបើកការវាយប្រហារនៅទូទាំងប្រទេសលីបង់ ដោយលើកនេះ គឺកំណត់គោលដៅជាពិសេសលើសាខារបស់ធានា Al-Qard al-Hassan ដែលខ្លួនចោទថា ជាប្រភពផ្គត់ផ្គង់ដល់ក្រុមសកម្មប្រយុទ្ធហេសបូឡា។
ប្រព័ន្ធផ្សព្វផ្សាយបានរាយការណ៍ថា ស្នូរផ្ទុះត្រូវគេឮនៅភាគខាងត្បូងទីក្រុងបេរូត ក្នុងរយៈពេលមិនដល់២៤ម៉ោងផងបន្ទាប់ពីអ៊ីស្រាអែលចេញការព្រមាន ហើយការវាយប្រហារពីរលើក ក៏កើតឡើងជិតអាកាសយានដ្ឋានទីក្រុងបេរូតផងដែរ ខណៈយន្តហោះដឹកអ្នកដំណើរកំពុងចុះចត។
មន្ត្រីចារកម្មអ៊ីស្រាអែលជាន់ខ្ពស់ ដែលសុំមិនបញ្ចេញឈ្មោះបាននិយាយថា ការវាយប្រហារដែលកំណត់គោលដៅលើធនាគារ al-Qard al-Hassan នៅទូទាំងប្រទេសលីបង់នេះ គឺដោយសារធនាគារនេះគឺជាបក្សពួករបស់ក្រុមហេសបូឡា ដែលជួយលុយកាក់ដល់ចលនាសកម្មប្រយុទ្ធដែលគាំទ្រដោយអ៊ីរ៉ង់មួយនេះ ហើយថែមទាំងជួយទិញអាវុធឲ្យទៀតផង។
ជុំវិញការវាយប្រហារនេះដែរ អ្នកជំនាញខាងហិរញ្ញវត្ថុនៅក្រសួងការបរទេសនិងក្រសួងការពារជាតិអាមេរិកលោក David Asher បានលើកឡើងថា ពិតណាស់ វាពិតជាប៉ះពាល់កាន់តែធ្ងន់ធ្ងរដល់វិស័យហិរញ្ញវត្ថុរបស់ប្រទេសលីបង់ ព្រោះថា ធនាគារ al-Qard al-Hassan គឺជាអង្គភាពបញ្ចេញសាច់ប្រាក់ ដូច្នេះក្នុងករណីនេះ ប្រាក់ទាំងនោះនឹងក្លាយទៅជាសំរាម។
ការវាយប្រហារនេះកើតឡើងមួយថ្ងៃប៉ុណ្ណោះ បន្ទាប់ពីរដ្ឋមន្ត្រីការពារជាតិអាមេរិក Lloyd Austin លើកឡើងថា តួលេខជនស៊ីវិលស្លាប់ក្នុងសង្គ្រាមអ៊ីស្រាអែល-ហេសបូឡា នៅប្រទេសលីបង់ ពិតជាខ្ពស់ខ្លាំងណាស់ ហើយជំរុញឲ្យអ៊ីស្រាអែល បន្ថយដៃបន្តិចទៅ ជាពិសេសនៅក្នុង និងជុំវិញទីក្រុងបេរូត។
សូមបញ្ជាក់ថា បើយោងតាមរបាយការណ៍របស់លីបង់, តួលេខមនុស្សស្លាប់ដោយការវាយប្រហារអាកាសរបស់អ៊ីស្រាអែលលើលីបង់ ចាប់តាំងពីជម្លោះអ៊ីស្រាអែល-ហេសបូឡាផ្ទុះឡើងមក បានកើនឡើងដល់ ២ ៤៤៨នាក់ហើយ ខណៈ ១១ ៤៧១នាក់រងរបួស៕
អត្ថបទ៖ សុខ សុវណ្ណ
ចុចអាន៖ អ៊ីរ៉ង់ថា ក្រុមហេសបូឡា វាយប្រហារដោយដ្រូនលើលំនៅឋាននាយករដ្ឋមន្ត្រីអ៊ីស្រាអែល
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ព័ត៌មានជាតិ៧ ម៉ោង ago
ខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
ជីវិតកម្សាន្ដ៤ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ
-
ព័ត៌មានអន្ដរជាតិ៧ ថ្ងៃ ago
ហេតុអ្វីឆ្នាំនេះ ព្យុះសាហាវៗម្ល៉េះ?