ព័ត៌មានអន្ដរជាតិ
អតីតប្រធានាធិបតីប៉េរូ ជាប់គុក២០ឆ្នាំពីបទលាងលុយខ្មៅ និងពុករលួយ
តុលាការនៅប្រទេសប៉េរូ បានសម្រេចកាត់ទោសអតីតប្រធានាធិបតី លោក Alejandro Toledo ឲ្យជាប់ពន្ធនាគាររយៈពេល២០ឆ្នាំ និង៦ខែ ពាក់ព័ន្ធនឹងអំពើពុករលួយ និងការលាងលុយខ្មៅ។ នេះបើយោងតាមការចុះផ្សាយរបស់សារព័ត៌មាន BBC នៅថ្ងៃទី២២ខែតុលា។
ព្រះរដ្ឋអាជ្ញា បានប្រកាសថា លោក Toledo បានទទួលសំណូកចំនួន ៣៥លានដុល្លារពីក្រុមហ៊ុនសំណង់ប្រេស៊ីលមួយឈ្មោះថា Odebrecht ជាថ្នូរនឹងការប្រគល់កិច្ចសន្យាឲ្យកសាងផ្លូវមួយខ្សែនៅភាគខាងត្បូងប្រទេស។ ក្រុមហ៊ុនប្រេស៊ីលនេះក៏សារភាពថាធ្លាប់បានចំណាយលុយអស់រាប់លានដុល្លារសូកប៉ាន់មន្ត្រីផ្សេងៗទៀតនៅអាមេរិកឡាទីន និងសហរដ្ឋអាមេរិក ដើម្បីទទួលបានកិច្ចសន្យារដ្ឋាភិបាលផងដែរ។
លោក Toledo វ័យ៧៨ឆ្នាំ បានឡើងកាន់តំណែងជាប្រធានាធិបតីចន្លោះពីឆ្នាំ២០០១ ដល់ឆ្នាំ២០០៦ ហើយលោកត្រូវបានចាប់ខ្លួនកាលពី៥ឆ្នាំមុននៅរដ្ឋកាលីហ្វ័រញ៉ា និងត្រូវបានបញ្ជូនទៅប្រទេសប៉េរូវិញកាលពីឆ្នាំ២០២៣។
លោកស្រីចៅក្រម Ines Rojas បាននិយាយថា ប្រជាជនប៉េរូ បាន «ជឿទុកចិត្ត» លើលោក Toledo ជាប្រធានាធិបតីរបស់ពួកគេក្នុងការចាត់ចែងថវិកាជាតិ ហើយមានទំនួលខុសត្រូវការពារនិងធានាបាននូវភាពត្រឹមត្រូវនៃការប្រើប្រាស់ធនធានទាំងនោះ តែផ្ទុយទៅវិញ លោកបែរជា «បោកប្រាស់រដ្ឋ»។
គួររំឭកថា កាលពីឆ្នាំ២០១៩ អតីតប្រធានាធិបតីម្នាក់ទៀតរបស់ប៉េរូ លោក Alan Garcia បានបាញ់សម្លាប់ខ្លួនឯង នៅពេលដែលប៉ូលិសចុះទៅដល់ផ្ទះបម្រុងចាប់ខ្លួនលោក ទាក់ទិននឹងរឿងស៊ីសំណូកពីក្រុមហ៊ុន Odebrecht។
បច្ចុប្បន្ន អតីតប្រធានាធិបតី២រូបផ្សេងទៀតនៅប៉េរូ គឺលោក Pedro Pablo Kuczynski និងលោក Ollanta Humala ក៏ត្រូវបានកំពុងស៊ើបអង្កេតនៅក្នុងរឿងក្ដីក្រុមហ៊ុន Odebrecht ផងដែរ៕
ដោយ៖ ឈាង
អ្នកជំនាញអះអាង ការទាក់ទាញវិនិយោគនៅក្នុងវិស័យឧស្សាហកម្ម និងសេវាកម្ម ក៏ជាការជួយគ្រួសារកសិករ
នាយព្រីង ត្រូវកាត់ជេីង ដោយសារទទួលទានភេសជ្ជៈប៉ូវកម្លាំងរាល់ថ្ងៃ
លក្ខខណ្ឌការងារសមរម្យ និងស្ថិរភាពនយោបាយនៅកម្ពុជា ជាកត្តា នៃកំណើននាំចេញសម្លៀកបំពាក់ ស្បែកជើង និងផលិតផលធ្វើដំណើរ ក្នុងឆ្នាំ ២០២៤
ស្ត្រីម្នាក់ដេកក្នុងអង្រឹងក្រោមដើមឈើក្រោយផ្ទះ ត្រូវហ្វូងឃ្មុំទិចបណ្តាលឱ្យស្លាប់ភ្លាមៗនៅខេត្តមណ្ឌលគិរី
អតិផរណាអាមេរិកបន្តឡើងសន្សឹមៗជាថ្មី បង្កការបារម្ភថានឹងកាន់តែធ្ងន់ធ្ងរក្រោមអាណត្តិ ត្រាំ
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
មេដាយអូឡាំពិក២០២៤ជាង១០០គ្រឿងត្រូវបានបញ្ជូនមកវិញ ក្រោយជួបបញ្ហាច្រែះ
Update៖ សមត្ថកិច្ចគ្រប់គ្រងករណីអគ្គិភ័យនៅសង្កាត់កន្ទោកបានទាំងស្រុង
ស្ត្រីបារាំងវ័យ៥៣ ឆ្នាំ លែងលះស្វាមីសេដ្ឋីមករៀបការ Brad Pitt ក្លែងក្លាយ ចុងក្រោយចាញ់បោកលុយអស់៨៥ម៉ឺនដុល្លារ
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៧ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៥ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ២ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ