ព័ត៌មានអន្ដរជាតិ
អ្នកជិះស្គីលើទឹកម្នាក់ស្លាប់ បន្ទាប់ត្រីដាវវាយប្រហារនៅឥណ្ឌូណេស៊ី
ស្ត្រីជាអ្នកស្គីឈ្មោះ Giulia Manfrini អាយុ៣៦ឆ្នាំ មកពីទីក្រុង Turin ភាគខាងជើងប្រទេសអ៊ីតាលី បានស្លាប់បន្ទាប់ពីត្រីដាវមួយវាយប្រហារចំទ្រូង។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២២ខែតុលានេះ។
![](https://www.kampucheathmey.com/wp-content/uploads/2024/10/aeffb960-8ffc-11ef-bdde-a9ecbeabda78-1024x576.jpg)
ហេតុការណ៍នេះបានកើតឡើងកាលពីថ្ងៃសុក្រ ខណៈពេលដែលស្ត្រីរូបនេះបានកំពុងជិះស្គីលេងក្នុងដែនទឹកនៃប្រជុំកោះ Mentawai ក្នុងខេត្ត West Sumatra ប្រទេសឥណ្ឌូណេស៊ី។ សាក្សីពីរនាក់ដែលបានឃើញហេតុការណ៍នេះបានព្យាយាមផ្តល់ជំនួយសង្គ្រោះបឋមដំបូងដល់ Manfrini ផងដែរ និងក្រោយមកត្រូវបានបញ្ជូនទៅមណ្ឌលសុខភាព ខណៈត្រីដាវមួយបានវាយប្រហារនាងចំទ្រូងរបស់Manfrini។
លោក Lahmudin Siregar ប្រធានស្តីទីនៃទីភ្នាក់ងារគ្រប់គ្រងគ្រោះមហន្តរាយក្នុងតំបន់ Mentawai Islands Regency Regional Disaster Management (BPBD) បានរាយការណ៍ថា «ព័ត៌មានដែលយើងទទួលបានពីមេស្រុក Siberut ភាគនិរតីគឺថា ឧបទ្ទវហេតុមួយបានកើតឡើងលើពលរដ្ឋអ៊ីតាលីម្នាក់ពេលកំពុងជិះស្គីលើទឹក» ។ គាត់បានបន្ថែមថាដោយមិននឹកស្មានដល់ ត្រីដាវបានលោតសំដៅមក Manfrini និងបានចាក់ជាប់ទ្រូងខាងស្តាំរបស់នាង។
![](https://www.kampucheathmey.com/wp-content/uploads/2024/10/17295549790402-1.webp)
លោក James Colston ដែលជាអ្នកបង្កើតទីភ្នាក់ងារទេសចរណ៍ជាមួយលោកស្រី Manfrini បាននិយាយនៅលើ Instagram ថា «ទោះបីជាមានការខិតខំប្រឹងប្រែងរបស់បុគ្គលិករមណីយដ្ឋានក្នុងស្រុក និងគ្រូពេទ្យក៏ដោយ Giulia មិនអាចទ្រាំទ្របានទេ» ។ ទោះយ៉ាងណាលោក Colston ជឿថា«នាងបានស្លាប់ក្នុងពេលធ្វើអ្វីដែលនាងស្រលាញ់ និងនៅក្នុងទីកន្លែងដែលនាងស្រលាញ់»។
ជាមួយគ្នានេះ អភិបាលក្រុង Venaria Reale ដែលជាស្រុកកំណើតរបស់លោកស្រី Manfrini បាននិយាយថា «ដំណឹងនៃការស្លាប់របស់នាងបានធ្វើឱ្យយើងភ្ញាក់ផ្អើល និងធ្វើឱ្យយើងមានអារម្មណ៍សោកស្ដាយជាពន់ពេកចំពោះសោកនាដកម្មដែលបានឆក់យកជីវិតរបស់ Manfrini មុនអាយុបែបនេះ»។
គួរបញ្ជាក់ថាការស្រាវជ្រាវពីមុនបានបង្ហាញថា ការវាយប្រហារដោយត្រីដាវគឺកម្រណាស់ ប៉ុន្តែវាអាចមានគ្រោះថ្នាក់ខ្លាំងនៅពេលបង្កហេតុ៕
![](https://www.kampucheathmey.com/wp-content/uploads/2024/10/8568adc1-4188-4294-91fa-391752bb0b63.webp)
![](https://www.kampucheathmey.com/wp-content/uploads/2024/10/italian-surfer-killed-swordfish-freak-942562606.webp)
អត្ថបទ៖ ប៊ុន សុភាព
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៩ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៩ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច