ព័ត៌មានអន្ដរជាតិ

ឥណ្ឌានិងចិនយល់ព្រមកាត់បន្ថយកម្តៅនៃជម្លោះនៅតាមព្រំដែន

បានផុស

៤ ខែ មុន

នៅ

ថ្ងៃអង្គារ ២២ តុលា ២០២៤

ដោយ

អ្នកការទូតកំពូលរបស់ឥណ្ឌា បាននិយាយថា ប្រទេសឥណ្ឌា និងចិនបានព្រមព្រៀងគ្នាលើការរៀបចំចុះល្បាត ដើម្បីកាត់បន្ថយភាពតានតឹងនៅតាមព្រំដែននាតំបន់ភ្នំហិម៉ាឡៃដែលមានជម្លោះ និងធ្លាប់មានការប៉ះទង្គិចដៃគ្នាយ៉ាងធ្ងន់ធ្ងរក្នុងរយៈពេលប៉ុន្មានឆ្នាំថ្មីៗនេះ។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២២ខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកការទូតកំពូលរបស់ឥណ្ឌាលោក Vikram Misri បាននិយាយកាលពីថ្ងៃចន្ទថា ភាគីទាំងពីរបានព្រមព្រៀងគ្នាលើ «ការផ្តាច់ខ្លួន និងការដោះស្រាយបញ្ហានៅក្នុងតំបន់ព្រំដែនដែលបានកើតឡើងតាំងពីក្នុងឆ្នាំ២០២០»។

លោក បានសំដៅទៅលើការប៉ះទង្គិចគ្នានៅជ្រលងភ្នំ Galwan ដែលជាការប្រឈមមុខដាក់គ្នាយ៉ាងធ្ងន់ធ្ងរលើកដំបូងរវាងភាគីទាំងពីរចាប់តាំងពីឆ្នាំ១៩៧៥ដែលក្នុងនោះភាគីទាំងសងខាងបានទទួលរងរបួសនិងបានបណ្ដាលឲ្យទំនាក់ទំនងរវាងប្រទេសទាំងពីរភាពតានតឹងតាំងពីពេលនោះមក។ ទោះជាយ៉ាងណាក៏ដោយ លោក Misri មិនបានផ្តល់ព័ត៌មានលម្អិតអំពីដំណើរការផ្តាច់ទំនាក់ទំនង និងថាតើវានឹងគ្របដណ្តប់គ្រប់ចំណុចនៃជម្លោះនៅតាមព្រំដែនដែលមានជម្លោះនោះទេ។

យោងតាមសេចក្តីថ្លែងការណ៍របស់រដ្ឋមន្ត្រីការបរទេសឥណ្ឌាធ្វើឡើងមួយថ្ងៃមុនពេលនាយករដ្ឋមន្ត្រីឥណ្ឌា Narendra Modi ធ្វើដំណើរទៅកាន់ប្រទេសរុស្ស៊ីសម្រាប់កិច្ចប្រជុំនៃបណ្តាប្រទេស Brics ដែលរួមមានប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង។ លោក Misri មិនបានបញ្ជាក់ថាតើជំនួបទ្វេភាគីរវាងលោក Modi និងប្រធានាធិបតីចិន Xi Jinping ស្ថិតក្នុងរបៀបវារៈឬយ៉ាងណានោះទេ។

គួរបញ្ជាក់ថា ការប៉ះទង្គិចគ្នានៅ Galwan គឺជាការប្រឈមមុខគ្នាយ៉ាងសាហាវលើកដំបូងរវាងភាគីទាំងពីរចាប់តាំងពីឆ្នាំ ១៩៧៥មក។ កងទ័ពនៅជ្រលងភ្នំ Galwan បានប្រយុទ្ធជារនាំងការពារ និងដំបង ដោយសារតែកិច្ចព្រមព្រៀងឆ្នាំ ១៩៩៦ រវាងប្រទេសទាំងពីរដែលហាមឃាត់ការប្រើប្រាស់កាំភ្លើង និងគ្រឿងផ្ទុះនៅជិតព្រំដែន។ កិច្ចចរចាជាច្រើនជុំរវាងអ្នកការទូតរបស់ពួកគេ និងមេដឹកនាំយោធាក្នុងរយៈពេល៤ ឆ្នាំចុងក្រោយនេះ មិនបានផលនោះទេ។

មូលហេតុដើមគឺជាព្រំដែនជម្លោះដែលមានប្រវែង ៣៤៤០គីឡូម៉ែត្រ ដែលមានជម្លោះ។ប្រជាជាតិទាំងពីរក៏បាននិងកំពុងប្រកួតប្រជែងគ្នាដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ដែលបានបង្កភាពតានតឹងបន្ថែមទៀត៕