ព័ត៌មានអន្ដរជាតិ
ថៃ ត្រៀមដាក់កម្មសិទ្ធិបញ្ញាពិធីបុណ្យសង្ក្រាន្ត ការពារកុំឲ្យប្រទេសដទៃ យកឈ្មោះទៅប្រើ
តាមការចុះផ្សាយរបស់កាសែត The Nation, ប្រទេសថៃ កំពុងត្រៀមដាក់កម្មសិទ្ធិបញ្ញាពិធីបុណ្យសង្ក្រាន្តហើយ ជាមួយគោលបំណងធំបំផុតគឺ ការពារកុំឲ្យប្រទេសដទៃយកឈ្មោះនេះទៅប្រើ។
លោកស្រី Chadatip Chutrakul នាយកប្រតិបត្តិក្រុមហ៊ុន Siam Piwat Group និងជាសមាជិកគណៈកម្មាធិការអំណាចទន់ (Soft Power) នៃប្រទេសថៃ បានប្រកាសផែនការនេះក្នុងវេទិកា Daily News Talk 2024 កាលពីថ្ងៃចន្ទទី២១ខែតុលាឆ្នាំ២០២៤ ដោយសង្កត់ធ្ងន់អំពីសារៈសំខាន់នៃការលើកកម្ពស់ប្រពៃណីរបស់ថៃ និងធានាថា ប្រទេសថៃ គឺជាទិសដៅនៃពិធីបុណ្យលំដាប់ពិភពលោកមួយនេះ។
លោកស្រីគូសបញ្ជាក់ថា «តាមរយៈការដាក់កម្មសិទ្ធិបញ្ញាពិធីបុណ្យសង្រ្កាន្ត យើងអាចធានាថា អត្តសញ្ញាណនិងវប្បធម៌ដ៏សំខាន់របស់ប្រទេសថៃ ត្រូវទទួលបានការការពារ។ ការធ្វើបែបនេះក៏នឹងអនុញ្ញាតឲ្យប្រទេសថៃ ទទួលបានអត្ថប្រយោជន៍ផ្នែកហិរញ្ញវត្ថុពីប្រជាប្រិយភាពនៃពិធីបុណ្យនេះផងដែរ»។
រម្លឹកទៅថ្ងៃពុធទី៦ខែធ្នូឆ្នាំ២០២៣ ពិធីបុណ្យសង្ក្រាន្តចូលឆ្នាំថ្មីរបស់ប្រទេស ថៃ ត្រូវបានអង្គការយូណេស្កូ ប្រកាសដាក់បញ្ចូលទៅក្នុងបញ្ជីបេតិកភណ្ឌអរូបីនៃមនុស្សជាតិ។
ក្រោយមក ថៃ ក៏ជះលុយជិត ៣លានដុល្លារអាមេរិក ដើម្បីប្រារព្ធពិធីបុណ្យនេះលំដាប់ថ្នាក់ពិភពលោកតែម្តង ចាប់ផ្តើមពីថ្ងៃទី១ខែមេសាទៅ ដោយជំរុញកំណើនទេសចរណ៍បានខ្លាំងមែនទែន៕
អត្ថបទ៖ សុខ សុវណ្ណ
ចុចអាន៖ ថៃ ជះលុយជិត ៣លានដុល្លារ រៀបចំ “ពិធីបុណ្យមហាសង្ក្រាន្តពិភពលោក” ឲ្យអធិកអធម ប្រមូលទេសចរ
-
ព័ត៌មានអន្ដរជាតិ៥ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម១ សប្តាហ៍ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ សប្តាហ៍ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៤ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា១ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ២២ ម៉ោង ago
សង្គ្រាមលោកលើកទី៣លេចឡើងស្ទង់ៗ
-
ជីវិតកម្សាន្ដ១ ថ្ងៃ ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ