ព័ត៌មានអន្ដរជាតិ
មួយឆ្នាំគត់! កម្ពុជាមានអ្នកស្លាប់លើកដំបូងដោយសារកូវីដ ចំថ្ងៃ WHO ប្រកាសរោគរាតត្បាតជាសកល
នៅថ្ងៃនេះ ប្រទេសកម្ពុជាបានប្រកាសអ្នកស្លាប់លើកដំបូង ដោយសារជំងឺកូវីដ១៩។
ក្រសួងសុខាភិបាលកម្ពុជាបានបញ្ជាក់ថា អ្នកជំងឺកូវីដ១៩រូបនេះជាអ្នកសម្រាកព្យាបាលនៅមន្ទីរពេទ្យរុស្ស៉ី។ គាត់បានទទួលមរណភាព នៅថ្ងៃទី១១ខែមីនា ឆ្នាំ២០២១នេះ វេលាម៉ោង ១០:៤០នាទីព្រឹក។
ក្រសួងបញ្ជាក់ថា ជនរងគ្រោះដែលស្លាប់នេះគឺជាជនជាតិខ្មែរ មានអាយុ៥០ឆ្នាំ ជាអ្នកបើកបរឲ្យថៅកែជនជាតិចិននៅខេត្តព្រះសីហនុ ដែលមានផ្ទុកជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ។ សពនេះ ត្រូវបានរកឃើញឆ្លងកូវីដ កាលពីថ្ងៃទី២៧ ខែកុម្ភៈឆ្នាំ២០២១។
ការស្លាប់លើកដំបូងរបស់កម្ពុជា បានកើតឡើងចំថ្ងៃគម្រប់ខួបមួយឆ្នាំគត់ ដែលអង្គការសុខភាពពិភពលោក ប្រកាសថា កូវីដ១៩ជាជំងឺរាតត្បាតជាសកល។
កាលពីថ្ងៃទី១១ខែមីនាឆ្នាំ២០២០ WHO បានប្រកាសថា កូវីដ១៩ជាជំងឺរាតត្បាតជាសកល ដោយចង្អុលទៅករណីឆ្លងជាង១១៨,០០០ករណីនៅក្នុងប្រទេសនិងដែនដីជាង១១០ជុំវិញពិភពលោក។
លោកវេជ្ជបណ្ឌិត Tedros Adhanom Ghebreyesus អគ្គនាយក WHO បានថ្លែងក្នុងសន្និសីទសារព័ត៌មាននាពេលនោះថា “នេះមិនមែនគ្រាន់តែជាវិបត្តិសុខភាពសាធារណៈប៉ុណ្ណោះទេ ប៉ុន្តែវាគឺជាវិបត្តិដែលនឹងជះឥទ្ធិពលលើគ្រប់វិស័យទាំងអស់។ ដូច្នេះគ្រប់វិស័យនិងបុគ្គលរាល់គ្នា ត្រូវតែចូលរួមនៅក្នុងការប្រយុទ្ធនេះ”។
តួលេខបានកើនឡើងជិតមួយលានដងក្នុងរយៈពេលត្រឹមតែ៣៦៥ថ្ងៃប៉ុណ្ណោះ ស្របពេលវីរុសបានរីករាលដាលពាសពេញប្រទេសនិងទ្វីបនានា។
ជីវិតធម្មតាត្រូវជាប់គាំង ហើយមនុស្សរាប់លាននាក់បានស្លាប់។
បើយោងតាមសាកលវិទ្យាល័យ Johns Hopkins ដែលតាមដានការផ្ទុះឡើងនៃជំងឺនេះបានបង្ហាញថា សហរដ្ឋអាមេរិកមានអត្រាស្លាប់១៦១.៥នាក់ក្នុង១០០,០០០នាក់។
តំបន់អាមេរិកខាងត្បូង ក៏រងផលប៉ះពាល់យ៉ាងធ្ងន់ធ្ងរផងដែរ ក្នុងអំឡុងពេលមានជំងឺរាតត្បាតនេះ ដោយប្រទេសម៉ិកស៊ិកមានអត្រាទាបជាងបន្តិច ពោលគឺមានការស្លាប់១៥២នាក់ក្នុងចំណោមមនុស្ស១០០,០០០នាក់ និងប្រេស៊ីលមានអត្រាស្លាប់១២៨.១នាក់ក្នុងចំណោម១០០.០០០នាក់។
អឺរ៉ុបក៏រងផលប៉ះពាល់ធ្ងន់ធ្ងរដូចគ្នាដោយសារមេរោគឆ្លងនេះ ដោយចក្រភពអង់គ្លេសមានអត្រាស្លាប់១៨៨.៣នាក់ ក្នុងចំណោមមនុស្ស១០០,០០០នាក់។
ទន្ទឹមនឹងនេះដែរ ប្រទេសចិនដែលគេនិយាយតៗគ្នាថាជាដើមកំណើតនៃជំងឺនេះ មានការស្លាប់០.៣នាក់ក្នុងចំណោម១០០,០០០នាក់។
ចំនួនអ្នកស្លាប់ជាសកលបានកើនឡើងយ៉ាងឆាប់រហ័សក្នុងរយៈពេលមួយឆ្នាំចុងក្រោយ ដោយមនុស្ស២,៦១០,១៨៤នាក់បានស្លាប់ដោយសារកូវីដ គិតត្រឹមថ្ងៃទី៩ខែមីនាឆ្នាំ២០២១។
ចំនួននេះបានកើនឡើងពី ៣,៩៩៣នាក់ដែលបានស្លាប់គិតត្រឹមថ្ងៃទី៩ខែមីនាឆ្នាំ២០២០។
សហរដ្ឋអាមេរិកមានអ្នកស្លាប់ច្រើនបំផុត ពោលគឺមាន៥២៨,២៨៧នាក់។ អាមេរិកក៏បានកត់ត្រាការឆ្លងចំនួន២៩,១១៣,៧៨៨ករណីផងដែរ។
ប្រទេសប្រេស៊ីល បានកត់ត្រាចំនួនអ្នកស្លាប់ខ្ពស់បំផុតទី២ ដោយមាន២៦៨,៣៧០នាក់។ ប្រេស៊ីលបានកត់ត្រាការឆ្លងចំនួន១១,១២២,៤២៩៕
ប្រែសម្រួលដោយ៖ Vann Vann
ប្រភព៖ Kampuchea Thmey, Time, Sky News
ចុចអាន៖ បន្ទាន់! កម្ពុជាមានអ្នកស្លាប់ដោយសារជំងឺកូវីដ១៩ជាលើកដំបូង
ចុចអាន៖ អត្តសញ្ញាណជនជាតិខ្មែរស្លាប់ដំបូង ធ្លាប់បើកឡានឲ្យចិន រស់នៅចាក់អង្រែ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?