ព័ត៌មានអន្ដរជាតិ

ហ្វីលីពីន ប្រកាសបិទសាលារៀន និងកន្លែងធ្វើការ ព្រោះខ្យល់ព្យុះ Trami

បានផុស

៥២ វិនាទី មុន

នៅ

ថ្ងៃពុធ ២៣ តុលា ២០២៤

ដោយ

សាលារៀន កន្លែងធ្វើការ និងធនាគារកណ្ដាលរបស់រដ្ឋាភិបាលនៅប្រទេសហ្វីលីពីន ត្រូវបានផ្អាកជាបណ្ដោះអាសន្ន ដោយសារតែខ្យល់ព្យុះត្រូពិច Trami ដែលកំពុងធ្វើដំណើរឆ្ពោះទៅឆ្នេរភាគខាងកើតកោះ Luzon ដែលជាកោះធំជាងគេ និងមានមនុស្សរស់នៅច្រើនជាងគេរបស់ហ្វីលីពីន។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី២៣ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នាក់ងារព្យាករណ៍អាកាសធាតុរដ្ឋ PAGASA បានព្រមានអំពីខ្យល់បក់បោកខ្លាំង និងភ្លៀងធ្លាក់ខ្លាំងនៅតាមតំបន់ទីប្រជុំជនឆ្នេរសមុទ្រមួយចំនួនដែលស្ថិតនៅចំគន្លងរបស់ព្យុះ Trami។ ខ្យល់ព្យុះ Trami នេះ បាននិងកំពុងបក់បោកនៅក្នុងល្បឿន ៨៥គីឡូម៉ែត្រក្នុង១ម៉ោង។

ចំណែកឯឆ្នាំសមុទ្រហ្វីលីពីន ក៏បានប្រកាសដែរថា ឥលូវនេះមានអ្នកដំណើរជាង ៥ ០០០នាក់ និងទូករាប់សិបគ្រឿងកំពុងជាប់គាំងនៅកំពង់ផែ។

បើតាមការិយាល័យប្រធានាធិបតីហ្វីលីពីន ភ្នាក់ងារដែលពាក់ព័ន្ធក្នុងការឆ្លើយតបគ្រោះមហន្តរាយ និងសេវាកម្មសំខាន់ៗ ពុំមានការផ្អាកនោះទេ។

ហ្វីលីពីនស្ថិតក្នុងចំណោមប្រទេសដែលប្រឈមមុខនឹងបម្រែបម្រួលអាកាសធាតុខ្លាំងជាងគេ ដោយជាមធ្យមមានព្យុះទីហ្វុងចំនួន២០ បានវាយប្រហារប្រទេសអាស៊ីនេះជារៀងរាល់ឆ្នាំ៕

ដោយ៖ ឈាង

ចុចអាន៖ ព្យុះមួយទៀត កំពុងហោះសំដៅទៅវាយប្រហារប្រទេស វៀតណាម