វីដេអូ អគ្គិភ័យផ្ទុះឆេះរោងចក្រគីមីក្នុងប្រទេសឥណ្ឌា

អគ្គិភ័យដ៏ធំមួយបានឆាបឆេះនៅឯរោងចក្រគីមីក្នុងទីក្រុង Thane ប្រទេសឥណ្ឌានៅថ្ងៃព្រហស្បតិ៍នេះ ។

យោងតាមមន្រ្តីពន្លត់អគ្គិភ័យបានឲ្យដឹងថា រោងចក្រនេះមានទីតាំងស្ថិតនៅក្នុងតំបន់សាជីវកម្មអភិវឌ្ឍន៍ឧស្សាហកម្ម Maharashtra (MIDC) នៃទីក្រុង Thane ។

មន្ត្រីពន្លត់អគ្គិភ័យម្នាក់បាននិយាយថា “រថយន្តពន្លត់អគ្គិភ័យប្រមាណ ២០ គ្រឿងបានទៅទីតាំងកើតហេតុ ហើយក្រុមអ្នកពន្លត់អគ្គិភ័យកំពុងព្យាយាមបាញ់ពន្លត់អណ្តាតភ្លើងដែលកំពុងឆាបឆេះ” ។

មន្ត្រីខាងលើបន្ថែមថា រហូតមកដល់ពេលនេះមិនទាន់មានរបាយការណ៍ពីអ្នកស្លាប់ និងរងរបួសនៅឡើយទេ ហើយមូលហេតុនៃអគ្គិភ័យក៏មិនទាន់ត្រូវបានគេដឹងនៅឡើយផងដែរ ។

ក្នុងរយៈពេលប៉ុន្មានខែចុងក្រោយនេះប្រទេសឥណ្ឌាបានឃើញពីចំនួនអគ្គិភ័យឆាបឆេះដែលមិនធ្លាប់មានពីមុនមក ។

ចាប់តាំងពីខែឧសភា ឆ្នាំ ២០២០ មកមានគ្រោះថ្នាក់ឆេះឧស្សាហកម្មជាង ៦០ កន្លែងនៅក្នុងប្រទេសដោយបានសម្លាប់កម្មករយ៉ាងហោចណាស់ ១០០ នាក់ និងរងរបួសជាង ១៥០ នាក់ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ វ៉ាក់សាំងកូវីដមួយទៀតរបស់ឥណ្ឌាមានប្រសិទ្ធភាពក៏ខ្ពស់ដែរ

ចុចអាន ៖ មីយ៉ាន់ម៉ាស្នើឥណ្ឌាប្រគល់ប៉ូលិសដែលភៀសខ្លួនឆ្លងកាត់ព្រំដែនត្រឡប់មកវិញ