ព័ត៌មានអន្ដរជាតិ
លោក Zelensky ថា កិច្ចចរចាសន្តិភាពអ៊ុយក្រែនជាមួយរុស្ស៊ី អាស្រ័យលើការបោះឆ្នោតអាមេរិក
លោក Volodymyr Zelensky បានប្រកាសកាលពីថ្ងៃទី២២ខែតុលាថា កិច្ចប្រជុំសន្ដិភាពរវាងអ៊ុយក្រែន និងរុស្ស៊ី អាចធ្វើទៅបានឬយ៉ាងណានោះគឺពឹងផ្អែកលើលទ្ធផលបោះឆ្នោតនៅសហរដ្ឋអាមេរិកនាថ្ងៃទី៥ខែវិច្ឆិកាខាងមុខ។
មេដឹកនាំអ៊ុយក្រែន បាននិយាយថា៖ «វាអាស្រ័យលើការបោះឆ្នោតនៅសហរដ្ឋអាមេរិក។ ខ្ញុំគិតថាពួកគេនឹងតាមដាននូវគោលការណ៍របស់សហរដ្ឋអាមេរិក»។ លោក Zelensky បានបង្ហាញក្ដីរំពឹងថា អាមេរិកនឹងបង្កើតគោលការណ៍ថ្មីយ៉ាងឆាប់រហ័សចំពោះកិច្ចចរចាសន្តិភាពរវាងអ៊ុយក្រែន និងរុស្ស៊ី ដោយមិនរង់ចាំដល់ខែមករាឆ្នាំ២០២៥នោះទេ។
លោក ដូណាល់ ត្រាំ ដែលជាបេក្ខជនប្រធានាធិបតី កន្លងមកបានបង្ហាញពីភាពសង្ស័យអំពីការគាំទ្រយោធា និងហិរញ្ញវត្ថុអាមេរិកសម្រាប់អ៊ុយក្រែន។ កត្តានេះបានជំរុញឲ្យមានក្ដីព្រួយបារម្ភថា បើបេក្ខជនបក្សសាធារណរដ្ឋរូបនេះជាប់ឆ្នោត នោះរដ្ឋាភិបាលក្រុងកៀវអាចប្រឈមមុខនឹងបញ្ហា ខណៈខ្លួនកំពុងប្រយុទ្ធជាមួយរុស្ស៊ីនៅលើសមរភូមិភាគខាងកើត និងខាងត្បូងរបស់ខ្លួន។
យ៉ាងណាមិញ លោក Zelensky បាននិយាយថា ជំនួបរបស់លោកជាមួយបេក្ខជនប្រធានាធិបតីអាមេរិកទាំងពីររូបគឺលោក ដូណាល់ ត្រាំ និងលោកស្រី កាម៉ាឡា ហារីស ដែលមកពីបក្សប្រជាធិបតេយ្យ បានដំណើរការយ៉ាងរលូនល្អ។ លោកបានរៀបរាប់ថា៖ «ខ្ញុំមានកិច្ចប្រជុំល្អជាមួយលោក ត្រាំ។ វាគឺវិជ្ជមានណាស់។ ហើយខ្ញុំមានមោទកភាពចំពោះរឿងនេះ។ ខ្ញុំក៏មានកិច្ចប្រជុំល្អណាស់ជាមួយលោកស្រី ហារីស ហើយនេះមិនមែនជាលើកទីមួយនោះទេ»។
សូមរំឭកថា កាលពីខែកុម្ភៈឆ្នាំ២០២២ ប្រទេសរុស្ស៊ីបានបើកការឈ្លានពានទ្រង់ទ្រាយធំទៅលើអ៊ុយក្រែន ដែលជាផ្នែកមួយនៃសង្គ្រាមរុស្ស៊ី-អ៊ុយក្រែនដែលបានផ្ទុះឡើងតាំងពីឆ្នាំ២០១៤មកម៉្លេះ។ ប្រតិបត្តិការឈ្លានពានមួយនេះ បានបណ្តាលឲ្យមនុស្សរាប់ម៉ឺននាក់បាត់បង់ជីវិត និងបានបង្កឲ្យមានវិបត្តិជនភៀសខ្លួនធំបំផុតប្រចាំទ្វីបអឺរ៉ុបចាប់តាំងពីចប់សង្គ្រាមលោកលើកទីពីរ។ ប្រជាជនអ៊ុយក្រែនប្រហែល ៨លាននាក់ត្រូវបង្ខំផ្លាស់ប្ដូរទីលំនៅនៅក្នុងប្រទេសរបស់ពួកគេ ហើយជាង ៨,១លាននាក់បានរត់ភៀសខ្លួនចេញពីប្រទេស បើគិតត្រឹមខែមីនាឆ្នាំ២០២៣៕
ដោយ៖ ឈាង
ចុចអាន👉 លោក ហ្សេលេនស្គី៖ អាល្លឺម៉ង់ ខ្លាចរុស្ស៊ី ទើបមិនហ៊ានឲ្យអ៊ុយក្រែន ចូលណាតូ
លោក Zelensky ថា កិច្ចចរចាសន្តិភាពអ៊ុយក្រែនជាមួយរុស្ស៊ី អាស្រ័យលើការបោះឆ្នោតអាមេរិក
រយៈពេល១ថ្ងៃកន្លះនៃវេទិកាស្តីពីការអនុវត្តកំណែទម្រង់វិមជ្ឈការ និងវិសហមជ្ឈការ បានលើកឡើងបញ្ហាប្រឈមចំនួន២៣
ទំនប់អាងទឹកអូរតេតម្លៃជាង ៦២ លានដុល្លារ សម្ពោធឱ្យប្រើប្រាស់ជាផ្លូវការស្អែកនេះ
ការនាំចេញរបស់កម្ពុជាទៅកាន់ទីផ្សារអឺរ៉ុបក្នុងរយៈពេល៣ត្រីមាសសម្រេចបានជាង៣ពាន់លានដុល្លារ
មន្ទីរសាធារណការរាជធានីភ្នំពេញ ជួសជុលសម្ភារៈហាត់ប្រាណតាមសួនសាធារណៈដែលខូចខាត ឲ្យមានលក្ខណៈល្អប្រសើរវិញ
មិនទាន់ឡើងកាន់អំណាចផង អ្នកស្នងតំណែងមេក្រុមហេសបូឡា ត្រូវអ៊ីស្រាអែល សម្លាប់បាត់ទៅហើយ
លោក អុឹម ជីវ៉ា បំផុសសិល្បករសិល្បការិនីដែលមានជីវភាពខ្វះខាត គួរធ្វើប័ណ្ណប.ស.ស ជាការល្អបំផុត
ហ្វីលីពីន ប្រកាសបិទសាលារៀន និងកន្លែងធ្វើការ ព្រោះខ្យល់ព្យុះ Trami
អាជ្ញាធរខណ្ឌពោធិ៍សែនជ័យបង្ក្រាបទីតាំងលួចបើកល្បែងសុីសងអនឡាញនៅសង្កាត់ចោមចៅទី៣
តាមពិតបវរកញ្ញាមីយ៉ាន់ម៉ា យំ ព្រោះឈឺចាប់មិនបានបង្ហាញឈុតតំណាងជាតិដូចការគ្រោងទុក
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ព័ត៌មានអន្ដរជាតិ២ ថ្ងៃ agoទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៥ ថ្ងៃ agoប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា២ ថ្ងៃ agoម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ២ ថ្ងៃ agoតាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ
-
ព័ត៌មានអន្ដរជាតិ២ ថ្ងៃ agoសង្គ្រាមលោកលើកទី៣លេចឡើងស្ទង់ៗ
-
ព័ត៌មានជាតិ២ ថ្ងៃ agoខ្យល់មូសុងឦសាន និងសម្ពាធទាបបន្តជះឥទ្ធិពលលើកម្ពុជាដល់ថ្ងៃទី២៣តុលា
-
ព័ត៌មានអន្ដរជាតិ៣ ម៉ោង agoមិនទាន់ឡើងកាន់អំណាចផង អ្នកស្នងតំណែងមេក្រុមហេសបូឡា ត្រូវអ៊ីស្រាអែល សម្លាប់បាត់ទៅហើយ