ព័ត៌មានអន្ដរជាតិ
គួរឲ្យបារម្ភ! កម្តៅផែនដី អាចក្តៅជាងបច្ចុប្បន្ន ១គុណនឹង២ ត្រឹមចុងសតវត្សរ៍នេះ
ពិតជារឿងគួរឲ្យព្រួយបារម្ភបំផុតនៅពេលដឹងអំពីរបាយការណ៍របស់អង្គការសហប្រជាជាតិទាក់ទងនឹងកម្តៅផែនដី ដោយក្នុងនោះបានព្រមានថា ត្រឹមចុងសតវត្សរ៍នេះតែម្តង សីតុណ្ហភាពជាសកលអាចនឹងកើនដល់កម្រិតធ្ងន់ ៣.១អង្សាសេ ពោលគឺលើសបច្ចុប្បន្នទ្វេដង ប្រសិនបើបណ្តាប្រទេសឧស្សាហកម្មធំៗ នៅតែព្រងើយកន្តើយ និងស្វះស្វែងធ្វើសកម្មភាពដើម្បីដោះស្រាយបញ្ហានេះទេនោះ។
ក្នុងរបាយការណ៍ប្រចាំឆ្នាំរបស់ UN និងយកមកចុះផ្សាយដោយ Daily Mail កាលពីថ្ងៃសុក្រទី២៥ខែតុលាឆ្នាំ២០២៤, គោលដៅកំណត់កម្តៅផែនដីឲ្យនៅត្រឹម ១.៥អង្សាសេនឹងស្លាប់ បើពិភពលោក មិនប្រឹងប្រែងធ្វើការដើម្បីកាត់បន្ថយការបំភាយឧស្ម័នទេនោះ។ ពិភពលោក កំពុងស្ថិតនៅលើផ្លូវ ឈានឆ្ពោះទៅរកការកើនឡើងសីតុណ្ហភាពពី២.៦អង្សាសេ ដល់៣.១អង្សាសេហើយ។
ការព្រមាននេះ កើតមានមុនកិច្ចប្រជុំ Cop29 ឆ្នាំ២០២៤ ដែលនឹងធ្វើឡើងនៅទីក្រុងបាគូ នៃប្រទេសអាស៊ែបៃហ្សង់ ដែលគេស្គាល់ច្បាស់ថា ជាដែនដីសម្បូរហ្វូស៊ីលឥន្ធនៈ។
នៅទីនោះ ប្រជាជាតិទាំងឡាយ នឹងប្រឈមមុខចំពោះការអំពាវនាវឲ្យរួមដៃគ្នាធ្វើសកម្មភាពឲ្យកាន់តែស្វាហាប់ជាងមុន ដើម្បីបង្កើនការផ្តល់ហិរញ្ញប្បទានដល់ប្រទេសកំពុងអភិវឌ្ឍ យកទៅដោះស្រាយជាមួយបម្រែបម្រួលអាកាសធាតុ និងកាត់បន្ថយការបំភាយឧស្ម័ន។
ឆ្លើយតបនឹងរបាយការណ៍នេះ អគ្គលេខាធិការអង្គការសហប្រជាជាតិ លោក Antonio Guterres និយាយថា «ពិភពលោកកំពុងធ្លាក់ចូលរណ្តៅគ្រោះថ្នាក់ហើយ។ មេដឹកនាំទាំងឡាយគឺជាស្ពានចម្លង កាត់បន្ថយការបំភាយឧស្ម័ន។ យើងអាចធ្លាក់ចូលទៅក្នុងគ្រោះមហន្តរាយអាកាសធាតុ ហើយប្រទេសក្រីក្រនឹងត្រូវប្រឈមហានិភ័យនិងរងគ្រោះខ្លាំងបំផុត»។
សូមបញ្ជាក់ថា នៅឯកិច្ចប្រជុំកំពូលអាកាសធាតុទីក្រុងប៉ារីសឆ្នាំ២០១៥ ប្រទេសនានាបានព្រមព្រៀងគ្នាកំណត់ការកើនឡើងសីតុណ្ហភាពត្រឹម ២អង្សាសេ ហើយនឹងបន្តកិច្ចខិតខំប្រឹងប្រែងដើម្បីទប់ស្កាត់ឲ្យនៅត្រឹម១.៥អង្សាសេលើសពីកម្រិតមុនឧស្សាហកម្ម។
ទោះបីជាយ៉ាងណា គេមើលឃើញថា ការខិតខំទាំងនោះហាក់មិនទាន់ទាញបញ្ហានេះ ឲ្យធូរស្បើយឡើយ៕
អត្ថបទ៖ សុខ សុវណ្ណ
-
ជីវិតកម្សាន្ដ៣ ថ្ងៃ ago
២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
ព័ត៌មានអន្ដរជាតិ៥ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
សន្តិសុខសង្គម២ ថ្ងៃ ago
ឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
ជីវិតកម្សាន្ដ៣ ថ្ងៃ ago
ធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
កីឡា៥ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ១ សប្តាហ៍ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
ជីវិតកម្សាន្ដ២ ថ្ងៃ ago
យល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ២ ថ្ងៃ ago
ចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា