កូរ៉េខាងជើងដាក់ចេញច្បាប់ហាមឃាត់ការជក់បារីនៅទីសាធារណៈ – Kampuchea Thmey Daily
Connect with us

ព័ត៌មានអន្ដរជាតិ

កូរ៉េខាងជើងដាក់ចេញច្បាប់ហាមឃាត់ការជក់បារីនៅទីសាធារណៈ

Published

on

ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃព្រហស្បតិ៍នេះថា សភាប្រជាជនជាន់ខ្ពស់របស់កូរ៉េខាងជើងកាលពីថ្ងៃពុធ ទី៤ ខែវិច្ឆិកា បានណែនាំការហាមឃាត់ការជក់បារីនៅតាមទីសាធារណៈមួយចំនួនដើម្បីផ្តល់ឲ្យប្រជាជននូវបរិស្ថានរស់នៅប្រកបដោយអនាម័យ” ។

KCNA បានដកស្រង់សម្តីសមាជិកសភាបាននិយាយថា ច្បាប់ហាមឃាត់ជក់បារីនេះមានគោលបំណងដើម្បីការពារអាយុជីវិត និងសុខភាពរបស់ប្រជាជនកូរ៉េខាងជើងដោយរឹតបន្តឹងការត្រួតពិនិត្យផ្នែកច្បាប់ និងសង្គមទៅលើការផលិត និងការលក់បារី ។

KCNA បាននិយាយថា ច្បាប់នេះបានចែងថា ការជក់បារីត្រូវបានហាមឃាត់នៅក្នុងកន្លែងសំខាន់ៗដូចជា មជ្ឈមណ្ឌលនយោបាយ និងអប់រំមនោគមវិជ្ជា រោងភាពយន្ត ឬល្ខោន និងមូលដ្ឋានសុខាភិបាល និងសុខភាពសាធារណៈ ។

បើយោងតាមអង្គការសុខភាពពិភពលោក (UN) បានឲ្យដឹងថា ប្រទេសកូរ៉េខាងជើងមានអត្រាខ្ពស់នៃការជក់បារីដោយមានបុរសជក់បារីចំនួន ៤៣.៩ ភាគរយគិតត្រឹមឆ្នាំ ២០១៣ ។

ទន្ទឹមនោះមេដឹកនាំកូរ៉េខាងជើងលោក គីម ជុងអ៊ុន គឺជាអ្នកជក់បារីបន្តកន្ទុយដែលត្រូវបានគេមើលឃើញជាញឹកញាប់កាន់បារីក្នុងដៃនៅក្នុងរូបថតនៃប្រព័ន្ធផ្សព្វផ្សាយរដ្ឋ ។

លោក គីម ត្រូវបានគេប្រទះឃើញឈប់សម្រាកជក់បារីនៅស្ថានីយ៍រថភ្លើងមួយនៅទីក្រុង Nanning ភាគខាងត្បូងប្រទេសចិនក្នុងឆ្នាំ ២០១៩ នៅតាមផ្លូវធ្វើដំណើរទៅកាន់ទីក្រុងហាណូយសម្រាប់កិច្ចប្រជុំកំពូលលើកទី ២ របស់លោកជាមួយប្រធានាធិបតីអាមេរិក Donald Trump ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុច Like Facebook កម្ពុជាថ្មី

ព័ត៌មានពេញនិយម