ព័ត៌មានអន្ដរជាតិ

ស្លាប់និងរបួសរាប់សិបនាក់ក្នុងគ្រោះថ្នាក់រថយន្តបុកគ្នានៅអ៊ីស្រាអែល ចំពេលភាពតានតឹង

បានផុស

៣ ខែ មុន

នៅ

ថ្ងៃចន្ទ ២៨ តុលា ២០២៤

ដោយ

បុរសម្នាក់បានស្លាប់ និងយ៉ាងហោចណាស់មនុស្ស៣០នាក់ទៀតបានរងរបួស បន្ទាប់ពីរថយន្តមួយគ្រឿងបើកបុកចំណតរថយន្តក្រុងក្បែរមូលដ្ឋានយោធាអ៊ីស្រាអែល ភាគខាងជើងទីក្រុង Tel Aviv ខណៈអាជ្ញាធរកំពុងស៊ើបអង្កេតថា ជាការវាយប្រហារភេរវកម្មឬយ៉ាងណា។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២៨ខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេវាសង្គ្រោះបន្ទាន់ Magen David Adom (MDA) របស់អ៊ីស្រាអែល បានឲ្យដឹងថា ឡានដឹកទំនិញមួយបានបុកមនុស្សរាប់សិបនាក់ដែលបានចុះពីចំណតឡានក្រុង ក្នុងនោះអ្នករបួស៨នាក់ត្រូវបានជាប់នៅក្រោមឡាន។ អ្នករងរបួសជាច្រើននាក់ត្រូវបានគេរាយការណ៍ថាជាអ្នកចូលនិវត្តន៍និងកំពុងធ្វើដំណើរទៅកាន់សារមន្ទីរក្បែរនោះ។

អ្នកបើកបររថយន្តដឹកទំនិញមានឈ្មោះ Rami Natur ជាជនជាតិអារ៉ាប់ មកពីទីក្រុង Qalansawe ភាគកណ្តាលប្រទេសអ៊ីស្រាអែល ត្រូវបានជនស៊ីវិលម្នាក់បាញ់សម្លាប់នៅកន្លែងកើតហេតុ។ វាមើលទៅដូចជាឧបទ្ទវហេតុដំបូង ប៉ុន្តែបន្ទាប់ពីមានការបាញ់ប្រហារ វាហាក់ដូចជាការវាយប្រហារភេរវកម្ម នេះបើតាមសម្ដីសាក្សីដែលនៅកន្លែងកើតហេតុ។ ចំណែករដ្ឋមន្ត្រីសន្តិសុខជាតិស្តាំនិយមលោក Itamar Ben-Gvir ដែលជាប្រធានប៉ូលិសបានអំពាវនាវឱ្យក្រុមគ្រួសាររបស់ជនជាប់សង្ស័យនិរទេសចេញពីប្រទេសអ៊ីស្រាអែល។

គួរបញ្ជាក់ថាអ៊ីស្រាអែលកំពុងប្រយុទ្ធនឹងសត្រូវរបស់ខ្លួនរួចហើយនៅតាមរណសិរ្សជាច្រើននៅហ្គាហ្សា និងលីបង់។ ការវាយប្រហារលើកនេះ បង្កឲ្យមានហារចោទជាសំណួរផ្សេងគ្នាថា៖ «ធ្វើដូចម្តេចដើម្បីរក្សាប្រជាជនរបស់ខ្លួនឱ្យមានសុវត្ថិភាពពីអ្នកវាយប្រហារនៅក្នុងអ៊ីស្រាអែល ខណៈដែលភេវរករប្រើប្រាស់យានជំនិះជាអាវុធ?»៕