ព័ត៌មានអន្ដរជាតិ

ប្រជាជនលីបង់ជិតកន្លះលាននាក់ភៀសខ្លួនឆ្លងដែនក្នុងរយៈពេល៥សប្តាហ៍

បានផុស

២ ខែ មុន

នៅ

ថ្ងៃអង្គារ ២៩ តុលា ២០២៤

ដោយ

យ៉ាងហោចណាស់មនុស្ស៤៦ម៉ឺននាក់បានភៀសខ្លួនចេញពីប្រទេសលីបង់ឆ្លងកាត់ព្រំដែនទៅកាន់ប្រទេសជិតខាង មានប្រទេសស៊ីរី និងអ៊ីរ៉ាក់ ចាប់តាំងពីអ៊ីស្រាអែលបានបើកការវាយប្រហារដោយយោធាប្រឆាំងក្រុមសកម្មប្រយុទ្ធហេសបូឡាមានមូលដ្ឋាននៅលីបង់ចាប់តាំងពីចុងខែកញ្ញា។ យោងតាមការិយាល័យអង្គការសហប្រជាជាតិសម្រាប់ការសម្របសម្រួលនៃកិច្ចការមនុស្សធម៌ (OCHA) ក្នុងប្រទេសលីបង់។

ជនភៀសខ្លួនលីបង់កកស្ទះនៅព្រំដែនស៊ីរីកាលថ្ងៃទី៧ខែតុលា។ Anadolu

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍ពីភា្នក់ងារជនភៀសខ្លួនអង្គការសហប្រជាជាតិ (UNHCR) បានឱ្យដឹងថា ចាប់តាំងពីថ្ងៃទី២៣ខែកញ្ញា មនុស្ស៤៤ម៉ឺននាក់បានឆ្លងព្រំដែនពីប្រទេសលីបង់ចូលទៅក្នុងប្រទេសស៊ីរី។ ប្រជាជនលីបង់ជាង២២ពាន់នាក់ផ្សេងទៀតបានឆ្លងកាត់ព្រំដែនចូលទៅកាន់ប្រទេសអ៊ីរ៉ាក់ចាប់តាំងពីការកើនឡើងនៃការប្រយុទ្ធគ្នា។

អ៊ីស្រាអែលបានចាប់ផ្តើមវាយប្រហារក្រុមហេសបូឡាដែលមានមូលដ្ឋានក្នុងប្រទេសលីបង់ ដោយចោទក្រុមសកម្មប្រយុទ្ធហេសបូឡា ពីការបាញ់ប្រហារខ្លួនជាប់រហូតចាប់តាំងពីក្រុមសកម្មប្រយុទ្ធហាម៉ាសវាយប្រហារអ៊ីស្រាអែលនៅថ្ងៃទី៧ខែតុលាឆ្នំាំ២០២៣។

ការវាយប្រហារក្នុងប្រទេសលីបង់ អ៊ីស្រាអែលមិនបានស្តាប់ការអំពាវនាវពីភាគីណាឡើយ សូម្បីអង្គការសហប្រជាជាតិដែលមានកងទ័ពស្ម័គ្រចិត្តពហុជាតិសាសន៍រាប់ពាន់នាក់កំពុងបំពេញបេសកកម្មមនុស្សធម៌ក្នុងប្រទេសលីបង់ក៏ដោយ។

ក្រុមសកម្មប្រយុទ្ធហេសបូឡា ទទួលបានការឧបត្ថម្ភគាំទ្រពីប្រទេសអ៊ីរ៉ង់ដែលមានបំណងយាយីប្រទេសអ៊ីស្រាអែលក្នុងពេលណាមួយដែលខ្លួនអាចធ្វើបាន ប៉ុន្តែអ៊ីស្រាអែលដែលមានសហរដ្ឋអាមេរិកនៅពីក្រោយតែងធ្វើសកម្មភាពយោធាបានរហ័សជាង និងមានទ្រង់ទ្រាយធំជាងដើម្បីកម្ទេចក្រុមហេសបូឡា៕