ប្រទេសថៃ ចូលដល់រដូវរងាហើយ ខណៈអាកាសធាតុនឹងត្រជាក់ជាងរាល់ឆ្នាំ

នៅថ្ងៃអង្គារទី២៩ខែតុលាឆ្នាំ២០២៤ ប្រទេសថៃ បានចូលដល់រដូវរងាហើយ ខណៈបើយោងតាមនាយកដ្ឋានឧតុនិយម រដូវរងានឹងអូសបន្លាយពេល៤ខែ ពោលគឺនឹងដល់ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Bangkok Post, រដូវរងានៅប្រទេសថៃ បានចាប់ផ្តើមក្រោយការមកដល់នៃប្រព័ន្ធសម្ពាធខ្ពស់ ពីប្រទេសចិន ដូចនេះអាកាសធាតុនឹងចុះត្រជាក់ ដូចជានៅភាគឦសាននិងភាគខាងជើង សីតុណ្ហភាពធ្លាក់ចុះទាបជាងធម្មតាពី២ទៅ៤អង្សាសេ ចំណែកទំនាបកណ្តាលនិងភាគខាងត្បូង សីតុណ្ហភាពធ្លាក់ចុះទាបជាងធម្មតាពី១ទៅ៣អង្សាសេ។ 

ស្របពេលជាមួយគ្នានោះ ការិយាល័យអាកាសធាតុ ក៏ចេញសេចក្តីប្រកាសផងដែរថា រដូវរងាឆ្នាំនេះអាចអូសបន្លាយពេលយូរជាងរាល់ឆ្នាំ ហើយក៏ត្រជាក់ជាងរាល់ឆ្នាំដែរ។

ក្រៅពីចុះត្រជាក់ហើយនោះ ប្រទេសថៃព្យាករថា ក៏នឹងមានភ្លៀងនិងខ្យល់បក់ខ្លាំងផងដែរ ជាពិសេសភ្លៀងតែម្តង ដែលនឹងធ្លាក់ខ្លាំងនៅតាមបណ្តាខេត្តជាប់ឈូងសមុទ្រ៕

អត្ថបទ៖ សុខ សុវណ្ណ

ចុចអាន៖ អ៊ុយក្រែន ប្រឈមមុខនឹង “រដូវរងាអាក្រក់បំផុត” ក្នុងប្រវត្តិសាស្ត្រ