ព័ត៌មានអន្ដរជាតិ
លោក Zhang Yiming ស្ថាបនិក ByteDance ដែលដំណើរការ TikTok ជាប់ចំណាត់ថ្នាក់អ្នកមានកំពូលនៅចិន
វិទ្យាស្ថានស្រាវជ្រាវ Hurun បានឱ្យដឹងថា ស្ថាបនិកក្រុមហ៊ុន ByteDance លោក Zhang Yiming ដែលដំណើរការកម្មវិធីបច្ចេកវិទ្យាដ៏ពេញនិយម Tiktok បានជាប់ឈ្មោះឈរនៅលំដាប់កំពូលនៃបញ្ជីអ្នកមានបំផុតរបស់ប្រទេសចិន។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី៣០ខែតុលានេះ។
វិទ្យាស្ថានដែលបោះពុម្ភបញ្ជីប្រចាំឆ្នាំ Hurun China Rich List បានរកឃើញថា ទ្រព្យសម្បត្តិសរុបរបស់សហគ្រិននៅក្នុងបញ្ជីនៅឆ្នាំនេះមានចំនួន ៣ពាន់ពាន់លានដុល្លារ ធ្លាក់ចុះ១០%ពីឆ្នាំមុន។ ចំណែកចំនួនមហាសេដ្ឋីដែលផ្អែកលើទ្រព្យសម្បត្តិសុទ្ធរបស់ពួកគេជាដុល្លារអាមេរិកក៏ធ្លាក់ចុះចំនួន ៧៥៣ មកនៅត្រឹម ១៤២ផងដែរ ខណៈHurun មានចំនួនមហាសេដ្ឋីចំនួន១១៨៥ ចាប់តាំងពីឆ្នាំ ២០២១។
លោក Rupert Hoogewerf ប្រធាន និងជាប្រធានអ្នកស្រាវជ្រាវនៃរបាយការណ៍ Hurun បាននិយាយថា «បញ្ជីអ្នកមាន Hurun China បានធ្លាក់ចុះក្នុងឆ្នាំទី ៣ហើយដែលមិនធ្លាប់មានពីមុនមក ដោយសារសេដ្ឋកិច្ច និងទីផ្សារភាគហ៊ុនរបស់ប្រទេសចិនដ៏លំបាក» ។
លោក Zhang ស្ថាបនិករបស់ ByteDance បានជាប់ចំណាត់ថ្នាក់លេខ ១ ជាលើកដំបូងក្នុងឆ្នាំនេះ ជាមួយនឹងទ្រព្យសម្បត្តិសុទ្ធចំនួន ៤៩,៣ ពាន់លានដុល្លារ ។ ByteDance ដែលជាក្រុមហ៊ុនមេនៃវេទិកាវីដេអូខ្លីដ៏ពេញនិយម Douyin និង TikTok មានប្រាក់ចំណូលកើនឡើងដល់ ១១០ពាន់លានដុល្លារកាលពីឆ្នាំមុន។ លោកក៏ជាបុគ្គលដំបូងដែលកើតក្នុងទសវត្សរ៍ឆ្នាំ ១៩៨០ ដែលបានឈរលើគេក្នុងបញ្ជី Hurun។
មហាសេដ្ឋីលោក Zhong Shanshan បានធ្លាក់មកចំណាត់ថ្នាក់លេខ ២ក្នុងឆ្នាំ ២០២៤ ជាមួយនឹងទឹកប្រាក់ចំនួន ៤៧.៩ ពាន់លានដុល្លារ បន្ទាប់ពីម៉ាកយីហោ Nongfu Spring គឺជាក្រុមហ៊ុនទឹកដប និងភេសជ្ជៈរបស់ចិន ដែលមានទីស្នាក់ការនៅស្រុក Xihu ក្រុង Hangzhou ខេត្ត Zhejiang របស់លោកបានប្រឈមមុខនឹងការរិះគន់កាលពីខែកុម្ភៈដោយសារតែការរចនាដបរបស់វា។
បញ្ជីអ្នកមាននៅក្នុងប្រទេសចិនក្នុងឆ្នាំនេះ មានតែឈ្មោះថ្មីចំនួន៥៤ត្រូវបានបន្ថែមទៅក្នុងបញ្ជី ដែលជាតួលេខទាបបំផុតក្នុងរយៈពេលពីរទសវត្សរ៍។ ការបន្ថែមថ្មីរួមមានលោក Charlwin Mao និង Miranda Qu Fang ដែលជាស្ថាបនិកនៃ Xiaohongshu ដែលជាប្រព័ន្ធផ្សព្វផ្សាយសង្គម និងរបៀបរស់នៅដែលពេញនិយមដោយអ្នកប្រើប្រាស់វ័យក្មេង។
គួរបញ្ជាក់ថាសេដ្ឋកិច្ចរបស់ប្រទេសចិនបានធ្លាក់ចុះបន្ទាប់ពីការរាតត្បាតនៃជំងឺរាតត្បាតកូវីដ-១៩ ខណៈប្រទេសនេះជួបវិបត្តិអចលនទ្រព្យ និងទីផ្សារហ៊ុនដែលមានការប្រែប្រួល៕
អត្ថបទ៖ ប៊ុន សុភាព
រដ្ឋបាលរាជធានី ប្រកាសជ្រើសរើសប្រធានការិយាល័យមួយរូប ដើម្បីសម្រុះសម្រួលបណ្ដឹងក្រៅប្រព័ន្ធតុលាការ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
ត្រឹម២ថ្ងៃ នៃការប្រារព្ធពិធីបុណ្យឆ្នេរខ្សាច់ កោះប៉ែនទទួលបានភ្ញៀវទេសចរណ៍ជាតិ និងអន្តរជាតិជាង១១ម៉ឺននាក់
សម្តេចធិបតី កោតសរសើរក្រសួងការងារ និង ភាគីពាក់ព័ន្ធ ដែលខិតខំប្រឹងប្រែងធ្វើឱ្យលេចចេញទារកដ្ឋានក្នុងរោងចក្រ
ស្អែក សម្ដេចធិបតី ហ៊ុន ម៉ាណែត នឹងអញ្ជើញចែកសញ្ញាបត្រដល់និស្សិតវិទ្យាស្ថានវ៉ាន់ដាជាង៤ពាន់នាក់
ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនក្មេង
លោក ត្រាំ ប្រកាសថា អាមេរិកជិតបើកការផ្ដល់ព័ត៌មានចារកម្មឲ្យអ៊ុយក្រែនវិញហើយ
មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន
កូរ៉េខាងជើងបាញ់មីស៊ីលចូលសមុទ្រលឿង ខណៈអាមេរិក-កូរ៉េខាងត្បូងកំពុងធ្វើសមយុទ្ធ
លោក ត្រាំ ថា អ៊ុយក្រែន ដូចគ្មានចេតនា ចង់បានសន្តិភាពសោះ
-
សន្តិសុខសង្គម៧ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ១ សប្តាហ៍ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៧ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍១ សប្តាហ៍ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង