ព័ត៌មានអន្ដរជាតិ
ព្យុះភ្លៀងធ្ងន់ធ្ងរ ផ្តាច់ជីវិតមនុស្ស ៥១នាក់ នៅអេស្ប៉ាញ
អាជ្ញាធរអេស្ប៉ាញបញ្ជាក់ថា គិតត្រឹមរសៀលថ្ងៃពុធទី៣០ខែតុលាឆ្នាំ២០២៤ មានមនុស្សចំនួន៥១នាក់ហើយ បានបាត់បង់ជីវិតក្នុងគ្រោះទឹកជំនន់រហ័ស ដែលបង្កដោយព្យុះភ្លៀងនៅភាគអាគ្នេយ៍ប្រទេសអេស្ប៉ាញ។

ទោះបីជាយ៉ាងណាក៏ដោយ ក្រុមជួយសង្គ្រោះព្រមានថា តួលេខមនុស្សស្លាប់អាចកើនឡើងបន្ថែមទៀត ព្រោះនៅមានមនុស្សច្រើននាក់ កំពុងបាត់ខ្លួន រកមិនទាន់ឃើញ។
តាមការចុះផ្សាយរបស់ BBC, ព្យុះភ្លៀងធ្ងន់ធ្ងរបានវាយប្រហារតំបន់ជាច្រើនកាលពីថ្ងៃអង្គារ ដោយប្រែក្លាយដងផ្លូវនានាទៅជាទន្លេ ហើយទឹកបានហូរកួចនាំយកយានយាន ថែមទាំងបណ្តាលឲ្យបាក់ស្ពាន រំខានដល់ការធ្វើចរាចរណ៍ផ្លូវដែកនិងផ្លូវហាយវ៉េទៀតផង សូម្បីតែជើងហោះហើរក៏ប៉ះពាល់ដែរ។

ពាក់ព័ន្ធគ្រោះធម្មជាតិនេះ រថភ្លើងល្បឿនលឿនដឹកមនុស្សជិត៣០០នាក់ បានរត់ធ្លាក់ផ្លូវក្បែរទីក្រុង Malaga ប៉ុន្តែជាសំណាងល្អ គ្មាននរណាម្នាក់បាត់បង់ជីវិតឡើយ។
ដោយមើលឃើញស្ថានការណ៍កាន់តែអាក្រក់ ក្រុមឆ្លើយតបគ្រាអាសន្នអេស្ប៉ាញ បានបន្ថែមកម្លាំងឡើងដល់ជាង១ ០០០នាក់ ដើម្បីធ្វើប្រតិបត្តិការជួយសង្គ្រោះ។

ស្របពេលជាមួយគ្នានោះ លោកនាយករដ្ឋមន្រ្តី Pedro Sanchez បានបង្ហោះនៅលើបណ្តាញសង្គម X ថា លោកកំពុងតាមដានរបាយការណ៍នៃការបាត់ខ្លួនមនុស្សដោយក្តីបារម្ភជាទីបំផុត។ លើសពីនេះ លោកថែមទាំងជំរុញឲ្យប្រជាពលរដ្ឋ ស្តាប់ការណែនាំរបស់អាជ្ញាធរ ហើយអំពាវនាវផងដែរ ឲ្យចៀសវាងការធ្វើដំណើរទៅណា បើមិនចាំបាច់។
តាមពិតទៅ រាល់ឆ្នាំឲ្យតែដល់រដូវនេះ អេស្ប៉ាញតែងជួបព្យុះជានិច្ច ប៉ុន្តែឆ្នាំនេះ គ្រោះធម្មជាតិហាក់ធ្ងន់ធ្ងរខ្លាំង ខណៈក្រុមអ្នកជំនាញបានបញ្ជាក់ច្បាស់ៗថា រឿងទាំងអស់គឺបណ្តាលមកពីបម្រែបម្រួលអាកាសធាតុ៕
អត្ថបទ៖ សុខ សុវណ្ណ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ