ព័ត៌មានអន្ដរជាតិ
ប្រមុខ UN ផ្ញើលិខិតទៅនាយករដ្ឋមន្ត្រីអ៊ីស្រាអែល តវ៉ារឿងបិទ UNRWA
អគ្គលេខាធិការអង្គការសហប្រជាជាតិ លោក Antonio Guterres បានផ្ញើលិខិតមួយច្បាប់នៅថ្ងៃទី៣០ខែតុលា ទៅកាន់នាយករដ្ឋមន្ត្រីអ៊ីស្រាអែល លោក Benjamin Netanyahu ដោយតវ៉ានឹងច្បាប់ថ្មីពាក់ព័ន្ធនឹងការបិទទីភ្នាក់ងារអង្គការសហប្រជាជាតិ ដែលទទួលខុសត្រូវក្នុងការជួយជនភៀសខ្លួនប៉ាឡេស្ទីន (UNRWA)។
នៅក្នុងសំបុត្រ លោក Guterres បាននិយាយថា ច្បាប់នេះអាចមាន «ផលប៉ះពាល់ដ៏អាក្រក់» សម្រាប់តំបន់ហ្គាហ្សា និងតំបន់ West Bank ដោយសារតែមិនមានជម្រើសណាដែលល្អជាង UNRWA ក្នុងការផ្តល់ជំនួយដល់ជនជាតិប៉ាឡេស្ទីន។
លោក Guterres បានសរសេរថា៖ «ខ្ញុំសូមអំពាវនាវដល់អ្នក និងរដ្ឋាភិបាលអ៊ីស្រាអែល ឲ្យទប់ស្កាត់ផលវិបាកដ៏អាក្រក់បែបនេះ និងអនុញ្ញាតឲ្យ UNRWA បន្តអនុវត្តសកម្មភាពរបស់ខ្លួននៅក្នុងទឹកដីប៉ាឡេស្ទីនដែលអ៊ីស្រាអែលកាន់កាប់ រួមទាំងក្រុងហ្ស៊េរុយសាឡិមខាងកើត ស្របតាមកាតព្វកិច្ចរបស់ខ្លួនក្រោមច្បាប់អន្តរជាតិ»។
លោក Guterres បានអះអាងថា នៅក្រោមច្បាប់អន្តរជាតិ ប្រទេសដែលមានប្រៀបជាង ត្រូវតែអនុវត្តយន្តការសម្រាប់ផ្តល់ជំនួយដល់ប្រជាជនដែលរស់នៅក្នុងទឹកដីដែលខ្លួនកំពុងកាន់កាប់។ លោកបានបន្ថែមថា៖ «ប្រសិនបើអ៊ីស្រាអែលមិនអាចបំពេញតម្រូវការបែបនេះទេ ខ្លួនមានកាតព្វកិច្ចអនុញ្ញាត និងសម្របសម្រួលសកម្មភាពរបស់អង្គការសហប្រជាជាតិ រួមទាំង UNRWA និងភ្នាក់ងារមនុស្សធម៌ផ្សេងទៀត រហូតដល់អាចបំពេញតម្រូវការរបស់ជនភៀសខ្លួនប៉ាឡេស្ទីននៅក្នុងទឹកដីប៉ាឡេស្ទីនដែលខ្លួនកាន់កាប់»។
សូមរំឭកថា កាលពីថ្ងៃទី២៩ខែតុលាឆ្នាំ២០២៤ សភាអ៊ីស្រាអែល បានបោះឆ្នោតជាមួយសំឡេង៩២ទល់១០ អនុម័តច្បាប់ហាមឃាត់ទីភ្នាក់ងារ UNRWA លែងឲ្យធ្វើប្រតិបត្តិការនៅក្នុងប្រទេសអ៊ីស្រាអែល និងទីក្រុងហ្ស៊េរុយសាឡិមខាងកើតទៀតហើយ ប៉ុន្តែទុកពេលឲ្យបីខែទៀត ទើបចាប់ផ្តើមអនុវត្តជាផ្លូវការ។
លើសពីនេះ សូម្បីទំនាក់ទំនងរវាងក្រុមការងារ UNRWA និងមន្រ្តីអ៊ីស្រាអែល ក៏ត្រូវហាមឃាត់ផងដែរ ដូច្នេះមានន័យថា បុគ្គលិក UNRWA នឹងមិនមានអភ័យឯកសិទ្ធិស្របច្បាប់ទៀតទេនៅក្នុងប្រទេសអ៊ីស្រាអែល ហើយទីស្នាក់ការកណ្តាលរបស់ខ្លួននៅហ្ស៊េរុយសាឡិមខាងកើត ក៏នឹងត្រូវបិទទ្វារផងដែរ។
UNRWA ជាភ្នាក់ងារបស់អង្គការសហប្រជាជាតិ ដែលផ្ដល់ការអប់រំ សេវាសុខភាព និងជំនួយដល់ពលរដ្ឋប៉ាឡេស្ទីនរាប់លាននាក់នៅហ្គាហ្សា តំបន់ West Bank ប្រទេសហ្ស៊កដានី ប្រទេសលីបង់ និងប្រទេសស៊ីរី។ UNRWA ធ្លាប់មានភាពរកាំរកូសជាមួយអ៊ីស្រាអែលជាយូរណាស់មកហើយ។ ចាប់តាំងពីផ្ទុះសង្គ្រាមនៅហ្គាហ្សា ទំនាក់ទំនងរវាងភាគីទាំងពីរកាន់តែយ៉ាប់យឺនខ្លាំង ហើយអ៊ីស្រាអែលបានអំពាវនាវម្ដងហើយម្ដងទៀតឲ្យមានការរំសាយភ្នាក់ងារ UNRWA នេះចោល៕
ដោយ៖ ឈាង
ចុចអាន៖ អ៊ីស្រាអែល សម្រេចហាមឃាត់ទីភ្នាក់ងារជំនួយ UN លែងឲ្យធ្វើការលើដីរបស់ខ្លួន
ប្រមុខ UN ផ្ញើលិខិតទៅនាយករដ្ឋមន្ត្រីអ៊ីស្រាអែល តវ៉ារឿងបិទ UNRWA
មណ្ឌលភ្នំពេញ មានបេក្ខជនប្រឡងជាប់បាក់ឌុបជាង ១ ម៉ឺន ៧ ពាន់នាក់ ត្រូវជា ៧១,២៧% ក្នុងនោះនិទ្ទេស A ៦៩០ នាក់
បញ្ជូនជនសង្ស័យម្នាក់ទៅតុលាការ ពាក់ព័ន្ធករណីឆក់
ព្យុះភ្លៀងធ្ងន់ធ្ងរ ផ្តាច់ជីវិតមនុស្ស ៥១នាក់ នៅអេស្ប៉ាញ
កសិករជឿជាក់ថា តម្លៃគ្រាប់ស្វាយចន្ទីនឹងល្អប្រសើរនៅឆ្នាំ ២០២៥
បេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់
រុស្ស៊ី ធ្វើសមយុទ្ធនុយក្លេអ៊ែរ ជាការត្រៀមខ្លួនប្រយុទ្ធ
អ៊ីស្រាអែល គំរាមប្រើការសងសឹកដ៏ខ្លាំងក្លាមិនធ្លាប់មាន បើអ៊ីរ៉ង់ហ៊ានវាយបក
ព្យុះត្រាមី អស់ឥទ្ធិពល នៅតែព្យុះកងរី ដែលបន្តអូសបន្លាយលើកម្ពុជាដល់ថ្ងៃទី១វិច្ឆិកា
លោក បៃដិន ប្រាប់ឲ្យក្រុងកៀវវាយបក បើទ័ពកូរ៉េខាងជើងឈានជើងចូលដីអ៊ុយក្រែន
-
ជីវិតកម្សាន្ដ១ សប្តាហ៍ ago២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
សន្តិសុខសង្គម៦ ថ្ងៃ agoឧកញ៉ា ហ៊ួត ជា ស្នើឲ្យម្ចាស់ពាក្យបណ្ដឹងមានងារជា អ្នកឧកញ៉ា ដកពាក្យបណ្ដឹងងាកមកចរចាគ្នាដោយសន្តិវិធី
-
ជីវិតកម្សាន្ដ១ សប្តាហ៍ agoធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
ជីវិតកម្សាន្ដ៦ ថ្ងៃ agoយល់យ៉ាងណា! ព្រលឹងលោក កៅ សីហា ចូលអ្នកសិល្ប: ម្នាក់ពេលកំពុងបូជា យំថា ហេតុអ្វីឆាប់យកលោកទៅ?
-
ជីវិតកម្សាន្ដ៦ ថ្ងៃ agoចន ច័ន្ទលក្ខិណា ត្រៀមលេងផ្លូវច្បាប់លើតារាចម្រៀងស្រីម្នាក់ ក្រោយប៉ះសម្តីគ្នា
-
ព័ត៌មានជាតិ៤ ម៉ោង agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់
-
ជីវិតកម្សាន្ដ២ ថ្ងៃ agoMGI ប្រកាសដកតំណែងបវរកញ្ញាមីយ៉ាន់ម៉ាជាប់លំដាប់រងលេខ២ ជាផ្លូវការហើយ
-
ព័ត៌មានជាតិ៧ ថ្ងៃ agoមេប៉េអឹម បញ្ជាឱ្យធ្វើអធិការកិច្ចលើប៉េអឹមខេត្តកណ្ដាលម្នាក់ដែលបោចសក់តៃកុងឡាន បើល្មើសច្បាប់ ត្រូវបញ្ជូនទៅតុលាការ