ព័ត៌មានអន្ដរជាតិ
គុណភាពខ្យល់នៅហាណូយ ធ្លាក់ចុះដល់កម្រិតគ្រោះថ្នាក់បំផុត
តាមការចុះផ្សាយរបស់ VN Express, នៅម៉ោង៨ព្រឹកថ្ងៃសុក្រទី១ខែវិច្ឆិកាឆ្នាំ២០២៤ ស្ថានីយតាមដានគុណភាពខ្យល់ទាំងអស់ក្នុងទីក្រុងហាណូយ នៃប្រទេសវៀតណាម សុទ្ធតែប្រកាសពីសន្ទស្សន៍គុណភាពខ្យល់ធ្លាក់ចុះដល់កម្រិតគ្រោះថ្នាក់បំផុត ដោយសន្ទទស្សន៍ AQI បានឈានដល់កម្រិតចន្លោះពី១០០ទៅ២០០ ដែលបង្កហានិភ័យដល់សុខភាពមនុស្ស។
កន្លែងដែលរងគ្រោះខ្លាំងជាងគេគឺសង្កាត់ Bac Tu Liem ដែល AQI បានឈានដល់កម្រិត២០០ចាប់តាំងពីពាក់កណ្តាលអធ្រាត្ររហូតដល់ពេលថ្ងៃត្រង់។ បន្ទាប់មកពីគឺ Cau Giay (១៥៩), Thanh Xuan (១៥២) និង Hoan Kiem (១៣២)។
ទោះបីជាយ៉ាងណាក៏ដោយ ពេលនេះទីក្រុងហាណូយបានធ្លាក់មកលេខ២វិញហើយ ក្នុងបញ្ជីទីក្រុងមានខ្យល់ពុលអាក្រក់បំផុតលើពិភពលោក ដោយតំណែងលេខ១ បានទៅលើទីក្រុង ញូវដែលី នៃប្រទេសឥណ្ឌា ដែលសន្ទទស្សន៍ AQI បានឈានដល់កម្រិត៤៧០ឯណោះ។
កាលពីកន្លះខែមុន ក្រុមអ្នកជំនាញវៀតណាម ក៏ព្រមានដែរថា គុណភាពខ្យល់ក្នុងទីក្រុងហាណូយ អាចនឹងបន្តស្ថានភាពដ៏អាក្រក់ រហូតដល់ខែមីនាឆ្នាំក្រោយ។
យោងតាមអ្នកជំនាញ ហេតុតែបណ្តាលឲ្យទីក្រុងហាណូយ មានផ្សែងអ័ព្ទក្រាស់និងខ្យល់ពុលដ៏គ្រោះថ្នាក់ គឺបណ្តាលពីបម្រែបម្រួលអាកាសធាតុ និងការហប់ខ្យល់ ធ្វើឲ្យកំហាប់ភាគល្អិតនិងធូលី មិនបែកខ្ញែក។
មិនត្រឹមប៉ុណ្ណឹង កត្តានេះក៏បណ្តាលមកពីផ្សែងយានយន្ត រោងចក្រ ការដុតកាកសំណល់ ចំបើង និងផលកសិកម្មនៅតាមវាលស្រែចម្ការ ដែលកាន់តែរីករាលដាលនិងញឹកញាប់ដោយគ្មានវិធានការទប់ស្កាត់ប្រកបដោយប្រសិទ្ធភាពផងដែរ។
សូមបញ្ជាក់ថា មិនមែនតែហាណូយឡើត សូម្បីទីក្រុងបាងកកនិងឈៀងម៉ៃ នៃប្រទេសថៃ ក៏បានជាប់ឈ្មោះក្នុងបញ្ជីទីក្រុងកំពូលទាំង៥០ទូទាំងពិភពលោក ដែលមានខ្យល់ពុលអាក្រក់បំផុតផងដែរ៕
អត្ថបទ៖ សុខ សុវណ្ណ
ចុចអាន៖ បាងកកនិងឈៀងម៉ៃ ជាប់ឈ្មោះក្នុងបញ្ជីទីក្រុងមានខ្យល់ពុល អាក្រក់បំផុតលើលោក
-
ព័ត៌មានអន្ដរជាតិ២ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៤ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៣ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ សប្តាហ៍ ago
នាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៥ ថ្ងៃ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ៣ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
បច្ចេកវិទ្យា២ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ៦ ថ្ងៃ ago
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»