ព័ត៌មានអន្ដរជាតិ

Icon Group បង្កើតត្រឹម៥ឆ្នាំ ខណៈប្រាក់ចំណូលច្រើនហួសការស្មាន

បានផុស

២ ខែ មុន

នៅ

ថ្ងៃចន្ទ ៤ វិច្ឆិកា ២០២៤

ដោយ

ម្ចាស់ក្រុមហ៊ុន The Icon Group បានធ្វើឲ្យអ្នកសង្កេតការណ៍អាជីវកម្មភ្ញាក់ផ្អើល នៅពេលដែលខ្លួនបានប្រកាសប្រាក់ចំណូលលើសពី ៥ ពាន់លានបាត (១៤៧លានដុល្លារ) នៅឆ្នាំ២០២៤ ទោះបីជាវាត្រូវបានបង្កើតឡើងត្រឹមតែ ៥ ឆ្នាំមុនក៏ដោយ។

Icon Group បង្កើតឡើងដោយលោក Warathaphon Waratyaworrakulហៅថា boss Paul បានបង្ហោះតួលេខប្រាក់ចំណូលដ៏ច្រើនដែលធ្វើឲ្យមនុស្សជាច្រើនមានការងឿងឆ្ងល់ និងចោទជាសំណួរថាតើមានប្រតិបត្តិការគួរឲ្យសង្ស័យនៅពីក្រោយភាពជោគជ័យរបស់ក្រុមហ៊ុនឬប្រសិនបើថៅកែ Paul ពិតជាចៅហ្វាយនាយដែលមានជំនាញខាងជំនួញ យុទ្ធសាស្ត្រ។

ក្រុមហ៊ុននេះទទួលបានប្រជាប្រិយភាព និងកិត្យានុភាពតាមរយៈការជ្រើសរើសតារាថៃកំពូលៗជាទូតសុឆន្ទៈម៉ាកយីហោ ដោយប្រើឥទ្ធិពលរបស់ពួកគេ ដើម្បីបញ្ចុះបញ្ចូលសាធារណជនឲ្យចូលរួមក្នុងប្រព័ន្ធរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Icon Group ត្រូវបានបង្កើតឡើងនៅថ្ងៃទី ០១ ខែមិថុនា ឆ្នាំ២០១៨ ជាមួយនឹងដើមទុនចំនួន ៥០ លានបាត(១លានដុល្លារ។ យោងតាមរបាយការណ៍ពីនាយកដ្ឋានអភិវឌ្ឍន៍សហគ្រាស គិតត្រឹមថ្ងៃទី ៣០ ខែតុលាឆ្នាំនេះ លោក Paul កំពុងកាន់តំណែងជានាយក និងម្ចាស់ភាគហ៊ុនធំនៅក្នុងក្រុមហ៊ុនចំនួន៦ ដែលក្នុងនោះមានក្រុមហ៊ុនចំនួន១ បានឈប់ដំណើរការ ហើយលោកកាន់កាប់ភាគហ៊ុនជិត ៧៥% ឯណោះ។

នៅក្នុងសារលើកទឹកចិត្តដែលបានផ្ញើទៅកាន់សមាជិកដែលចុះឈ្មោះចូលរួមប្រព័ន្ធរបស់គាត់ ថៅកែ Paul បានប្រកាសដោយមោទនភាពថា ក្រុមហ៊ុនទទួលបានប្រាក់ចំណូលចំនួន ៥ពាន់លានបាតនៅឆ្នាំ២០២៤។ ទោះជាយ៉ាងនេះក្តី ចំនួននេះមិនត្រូវបានផ្ទៀងផ្ទាត់ទេ ព្រោះក្រុមហ៊ុនមិនបានរាយការណ៍ចំណូលប្រចាំឆ្នាំជូនអាជ្ញាធរឡើយ។

យោងតាមនាយកដ្ឋានអភិវឌ្ឍន៍សហគ្រាសបានឲ្យដឹងថា កាលពីឆ្នាំមុន The Icon Group មានតម្លៃទ្រព្យសកម្មសរុបចំនួន ២.៤ ពាន់លានបាត និងបំណុលចំនួន ១,៥៥៤ ពាន់លានបាត។ ប្រាក់ចំណូលដែលបានកត់ត្រាបានឈានដល់ ១.៨៩ ពាន់លានបាតនិងការចំណាយមានចំនួន ១.៨៦ពាន់លានបាត ។ ក្រុមហ៊ុនបានបង់ពន្ធចំនួន ៩.១១ លានបាត សម្រាប់ប្រាក់ចំណេញ ១៩.៧៨លានបាត ។ នេះបានធ្វើឲ្យមានការសង្ស័យអំពីប្រាក់ចំណូលជាង៥ ពាន់លានបាតដែលថៅកែ Paul បានប្រកាសដល់សមាជិក៕