Connect with us

ព័ត៌មានអន្ដរជាតិ

មុនបោះឆ្នោត លោកត្រាំ និយាយប៉ុន្មានម៉ាត់ នាំឲ្យគេបារម្ភ បើគាត់ចាញ់ទៀត

បានផុស

នៅ

ក្នុងយុទ្ធនាការឃោសនាបោះឆ្នោតនៅទីក្រុង Lititz នៃរដ្ឋ Pennsylvania កាលពីថ្ងៃអាទិត្យទី៣ខែវិច្ឆិកាឆ្នាំ២០២៤ បេក្ខជនគណបក្សសាធារណរដ្ឋលោក ដូណាល់ ត្រាំ ប្រកាសថា លោកស្តាយណាស់ដែលចាកចេញពីសេតវិមានក្រោយបរាជ័យក្រោមថ្វីដៃលោក ចូ បៃដិន ក្នុងឆ្នាំ២០២០ ហើយអះអាងជាថ្មីថា ជ័យជម្នះរបស់លោកត្រូវគេលួច។ រឿងនេះធ្វើឲ្យគេបារម្ភថា ក្នុងការឆ្នោតលើកនេះ បើលោកត្រាំចាញ់ទៀត គាត់ក៏ប្រហែលជាមិនទទួលស្គាល់លទ្ធផលដដែរ ហើយអាចញុះញ៉ង់ឲ្យអ្នកគាំទ្រធ្វើបាតុកម្មថែមទៀតផង។

លោក ត្រាំ ឃោសនាបោះឆ្នោតនៅទីក្រុង Lititz (រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អ្នកគាំទ្រ, អតីតប្រធានាធិបតីរូបនេះបានស្តីបន្ទោសខ្លាំងៗថា សហរដ្ឋអាមេរិកបានប្រែទៅជាប្រទេសបរាជ័យ ក្រោមការដឹកនាំរបស់ក្រុមមនុស្សល្ងីល្ងើ ហើយគូប្រជែងខាងគណបក្សប្រជាធិបតេយ្យមិនអាចទប់ស្កាត់លំហូរជនចំណាកស្រុកខុសច្បាប់ ឆ្លងព្រំដែនមកពីប្រទេសម៉ិកស៊ិកបានទេ។ លោកនិយាយថា «យើងមានព្រំដែនដែលមានសុវត្ថិភាពបំផុតក្នុងប្រវត្តិសាស្ត្រនៃប្រទេសរបស់យើង គឺជាថ្ងៃដែលខ្ញុំចាកចេញ។ ខ្ញុំមិនគួរចាកចេញទេ! និយាយ​ដោយ​ស្មោះ យើង​ធ្វើ​បាន​ល្អហើយ»។

មកទល់ពេលនេះ លោក ត្រាំ មិនដែលទទួលស្គាល់ថាគាត់ចាញ់ឆ្នោតឆ្នាំ២០២០ឡើយ បើទោះបីជាតុលាការមិនអាចរកឃើញព័ស្តុតាង នៃការលួចបន្លំសន្លឹកឆ្នោតក៏ដោយ។

លោក ត្រាំ (រូបថត៖ AP)

យ៉ាងណានៅទីបំផុត គាត់សុខចិត្តលាលែងពីតំណែងជាប្រធានាធិបតី បន្ទាប់ពីក្រុមអ្នកគាំទ្រគណបក្សសាធារណរដ្ឋ សម្រុកចូលវិមានកាពីតូលនៅថ្ងៃទី៦ខែមករា ឆ្នាំ២០២១ ដើម្បីអុកឡុកពិធីប្រកាសជ័យជម្នះផ្លូវការរបស់លោក ចូ បៃដិន។

អ្វីដែលគេកត់សម្គាល់ខ្លាំងគឺថា នៅពេលសួរថាតើលោក ត្រាំ នឹងទទួលយកលទ្ធផលបោះឆ្នោតឆ្នាំ២០២៤នេះដែរឬក៏អត់? លោកបានប្រកាសក្នុងអំឡុងពេលជជែកដេញដោលប្រធានាធិបតីកាលពីខែកញ្ញាថា លោកនឹងទទួលយក ប្រសិនបើវាជាការបោះឆ្នោតដ៏ត្រឹមត្រូវ ស្របច្បាប់ និងយុត្តិធម៌។

សម្តីបែបនេះ ធ្វើឲ្យគេបារម្ភមែនទែន ព្រោះថា គេសង្ស័យថា លោកត្រាំ ទំនងមិនទទួលស្គាល់បរាជ័យឡើយ ប្រសិនបើគាត់ចាញ់អ្នកស្រីកាម៉ាឡា ហារីសនៅថ្ងៃ៥វិច្ឆិកានេះ៕

អត្ថបទ៖ សុខ សុវណ្ណ

ចុចអាន៖ មុនបោះឆ្នោតមួយថ្ងៃ, ពាក្យចចាមអារ៉ាមនិងព័ត៌មានក្លែងក្លាយ កំពុងចែកចាយ ពេញសហរដ្ឋអាមេរិក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

លោក វ៉ី សំណាង
ព័ត៌មានជាតិ១២ ម៉ោង មុន

លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន

រដ្ឋមន្ត្រីធនធានទឹក
ព័ត៌មានជាតិ១៣ ម៉ោង មុន

រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យ​ផលប៉ះពាល់សំណង់អាងទឹក ក្រោយមានគ្រោះ​រញ្ជួយដីនៅប្រទេសជិតខាង

ព័ត៌មានអន្ដរជាតិ១៣ ម៉ោង មុន

ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី

ព័ត៌មានអន្ដរជាតិ១៤ ម៉ោង មុន

កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី

ព័ត៌មានជាតិ១៤ ម៉ោង មុន

ទស្សនីយភាពល្ខោនខ្មែរ ៤ប្រភេទនឹងត្រូវយកទៅសម្តែងក្នុងបុណ្យភូមិខាងមុខ

Sokha Hotels

ព័ត៌មានពេញនិយម