ព័ត៌មានអន្ដរជាតិ
៦ឆ្នាំក្រោយរៀបការជាមួយតុក្កតា បុរសជប៉ុននៅតែស្មោះស័គ្រ្មដូចថ្ងៃដំបូង
សេចក្តីស្រឡាញ់របស់បុរសជនជាតិជប៉ុនចំពោះភរិយាតារាចម្រៀងនិម្មិតរបស់គាត់នៅតែរក្សាដដែល បន្ទាប់ពីរយៈពេល ៦ឆ្នាំ ទោះបីជាគាត់ត្រូវបានសហគមន៍អនឡាញចំអកជាញឹកញាប់ និងបញ្ចេញមតិមិនល្អពាក់ព័ន្ធនឹងការរៀបការជាមួយតុក្តាក្ដី។
នៅឆ្នាំ ២០១៨ Akihiko Kondo បានរៀបការជាមួយតារាចម្រៀងនិម្មិត Hatsune Miku ហើយរហូតមកដល់ពេលនេះគាត់នៅតែសប្បាយរីករាយជាមួយនឹងអាពាហ៍ពិពាហ៍នេះ។ នៅថ្ងៃទី ០៤ ខែវិច្ឆិកា ក្នុងខួបអាពាហ៍ពិពាហ៍លើកទី៦ របស់ពួកគេ Kondo បានចែករំលែកនៅលើ Instagram នូវនំខួបមួយជាមួយនឹងពាក្យថា “ខ្ញុំពិតជាចូលចិត្ត Miku រីករាយខួបអាពាហ៍ពិពាហ៍ ៦ ឆ្នាំ”។
បុរសជុប៉ុនវ័យ ៤១ ឆ្នាំ បានចែករំលែកជាមួយទីភ្នាក់ងារសារព័ត៌មានជប៉ុន The Mainichi Shimbun ថាគាត់មានអារម្មណ៍ចំពោះស្ត្រីជាច្រើនមុនពេលចូលរៀននៅវិទ្យាល័យ។ គាត់បានសារភាពស្នេហារបស់គាត់ចំនួន ៧ដង ប៉ុន្តែត្រូវបានបដិសេធ។ Kondo តែងតែសើចចំអក និងមើលងាយ ដោយសារតែគាត់ជា Otaku – អ្នកដែលឈ្លក់វង្វេងនឹងរឿងតុក្កតា និងគំនូរជីវចល។
ក្រោយមក Akihiko បានធ្លាក់ក្នុងអន្លង់ស្នេហ៍ជាមួយតារាចម្រៀងនិម្មិត Miku ភ្លាមៗបន្ទាប់ពីតួអង្គនេះត្រូវបានចេញផ្សាយក្នុងឆ្នាំ ២០០៧ ។ នៅពេលដែលគាត់បានប្រកាសពីអារម្មណ៍របស់គាត់ចំពោះមិត្តស្រី ត្រូវបានគេធ្វើបាបនៅកន្លែងធ្វើការរហូតបង្ខំចិត្តត្រូវឈប់សម្រាកព្យាបាលជំងឺ ដោយសារតែមានបញ្ហាមិនប្រក្រតី។
ឈ្មោះ Miku មានន័យថា សំឡេងដំបូងនៃអនាគត ហើយត្រូវបានគេស្គាល់ថាជា Vocaloid ដែលជាប្រភេទកម្មវិធីសំយោគសំលេង។ Akihiko បាននិយាយថា សំឡេងព្យាបាលរបស់ Miku បានជួយគាត់ឲ្យទំនាក់ទំនងជាមួយសង្គមឡើងវិញ និងជួយសង្គ្រោះជីវិតរបស់គាត់។
ក្នុងឆ្នាំ ២០១៨ គាត់បានប្រារព្ធពិធីមង្គលការជាមួយ Miku នៅវិហារមួយក្នុងទីក្រុងតូក្យូ។ ពិធីមង្គលការនេះត្រូវចំណាយប្រាក់២លានយ៉េន ។ គាត់បានប្រើឧបករណ៍ holographic ជាមួយបញ្ញាសិប្បនិម្មិតសាមញ្ញ ដូច្នេះមនុស្សអាចទាក់ទងជាមួយកូនក្រមុំ។ Miku បានឆ្លើយតបជាវិជ្ជមានបន្ទាប់ពីមនុស្សគ្រប់គ្នាចាប់បានការសន្ទនាគ្នាយ៉ាងរហ័ស ។
ក្រោយមក នៅឆ្នាំ ២០២៣ គាត់និងអ្នកផ្សេងទៀតដែលមានចំណាប់អារម្មណ៍ស្រដៀងគ្នាបានបង្កើតសមាគមផ្លូវភេទបែបស្រមើស្រមៃ ហើយបានលះបង់ដើម្បីជួយមនុស្សដូចគាត់។ Akihiko បានសារភាពទៅកាន់ The Mainichi Shimbun ថាគាត់មិនអាចធានាថាគាត់នឹងស្រលាញ់ Miku ជារៀងរហូតនោះទេ ប៉ុន្តែភាពមិនច្បាស់លាស់បង្ហាញថា ស្នេហារបស់គាត់ចំពោះតារាចម្រៀងនិម្មិតនេះគឺស្មោះត្រង់ និងមានតម្លៃណាស់។ ទន្ទឹមនោះ អ្នកប្រើម្នាក់បានបញ្ចេញមតិលើសេចក្ដីស្រឡាញ់របស់ Akihiko ថា៖ ខ្ញុំសរសើររបៀបដែលគាត់រស់នៅយ៉ាងមានសុភមង្គលក្នុងអាពាហ៍ពិពាហ៍៕
អត្ថបទ៖ សាង ស្រីល័ក្ខ
ចុចអាន៖ស្រ្តីវៀតណាម វះកាត់ជិត៥០ដង ដោយសារអតីតស្វាមីជះទឹកអាស៊ីតដាក់
ផ្លូវក្រាលកៅស៊ូ និងបេតុង ប្រវែង ៩២ គ.ម បើកការដ្ឋានសាងសង់ជានិមិត្តរូបនៅខេត្តកំពង់ធំ
“វាយក្អម” មិនត្រឹមជាល្បែងប្រជាប្រិយខ្មែរសម្រាប់កម្សាន្ត តែផ្សារភ្ជាប់នឹងអត្ថន័យនៃជំនឿមួយទៀត
សន្និសីទ Kim Soo Hyun ទាញអ្នកទស្សនានៅចិនជាង ១៣ លាននាក់ មិនគួរឲ្យជឿ
បណ្ឌិត គិន ភា៖ កម្ពុជាបានបាត់បង់អ្នកប្រាជ្ញភាសាវិទ្យាដ៏ឆ្នើម គឺបណ្ឌិតសភាចារ្យ ព្រុំ ម៉ល់ ដ៏គួរឱ្យស្តាយស្រណោះបំផុត
លោក Ancelotti ជឿជាក់លើកីឡាករម្នាក់នឹងអាចសាងស្នាដៃដូច CR7 នៅ Madrid
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១១ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ