ព័ត៌មានអន្ដរជាតិ
ថៃ ត្រៀមបញ្ជូនពលករ ៨០០នាក់ទៅអ៊ីស្រាអែល ទោះទីនោះកំពុងកើតសង្គ្រាម
ពលករថៃចំនួន ៨០០នាក់ នឹងត្រូវបញ្ជូនទៅប្រទេសអ៊ីស្រាអែល នៅក្នុងខែវិច្ឆិកានេះ បើទោះជានៅទីនោះកំពុងកើតមានជម្លោះប្រដាប់អាវុធក៏ដោយ។ លោក Somchai Morakotsriwan ប្រធាននាយកដ្ឋានការងារថៃ បានប្រាប់កាលពីថ្ងៃចន្ទថា ប្រជាជនថៃបានបង្ហាញពីចំណាប់អារម្មណ៍របស់ពួកគេសម្រាប់ការងារនៅអ៊ីស្រាអែល។
លោក Somchai បានបញ្ជាក់ថា ពលករទាំងនោះនឹងត្រូវដាក់ឲ្យធ្វើការនៅតំបន់មានសុវត្ថិភាព ដោយជៀសវាងការបញ្ជូនទៅកាន់តំបន់ជម្លោះដែលស្ថិតនៅភាគខាងជើងប្រទេសអ៊ីស្រាអែល។ លោកបន្តថា បើជម្លោះរវាងអ៊ីស្រាអែល និងក្រុមសកម្មប្រយុទ្ធហេសបូឡា កើនឡើងខ្លាំងជាងមុនទៀត នោះរដ្ឋាភិបាលនឹងរៀបចំគម្រោងជម្លៀសពលករទៅកាន់ទីកន្លែងសុវត្ថិភាព ដោយនិយាយថា តំណាងរបស់ក្រសួងការងារថៃ បានទាក់ទងទៅមន្ត្រីទូតអ៊ីស្រាអែលនៅបាងកករួចហើយអំពីការពិភាក្សាលើបញ្ហាមួយនេះ។
ពេលត្រូវគេនាំសួរថាតើការសម្រេចចិត្តនេះនឹងប៉ះពាល់ដល់អាយុជីវិតពលករដែរឬក៏អត់ លោក Somchai បានប្រាប់ថា ទោះមានការផ្អាកការបញ្ជូនពលករ ក៏មិនបានន័យថា ពួកគេមានសុវត្ថិភាពនោះទេ ដោយហេតុថា ពួកគេពិតជាចង់ទៅធ្វើការនៅទីនោះ ដូច្នេះពួកគេនឹងស្វែងរកគ្រប់វិធីទៅដោយខ្លួនឯង ហើយបង្កជាផលវិបាកដល់រដ្ឋាភិបាលក្នុងការតាមដាន និងការពារពួកគេ។
លោក Marius Savescu ទីភ្នាក់ងារជ្រើសរើសបុគ្គលិកអ៊ីស្រាអែល បាននិយាយថា ក្រុមហ៊ុនអ៊ីស្រាអែលបច្ចុប្បន្នកំពុងត្រូវការពលករចំនួនប្រហែល ២ ០០០នាក់ សម្រាប់ធ្វើការជាជាងឈើ ជាងដែក និងកម្មករសំណង់។ ភាគច្រើននៃក្រុមហ៊ុនទាំងនោះ រើសបេក្ខជនភេទប្រុសអាយុចន្លោះពី ២៥ឆ្នាំដល់៤៥ឆ្នាំ។ លោក Savescu បានបន្តថា អ៊ីស្រាអែលនឹងមានតម្រូវការពលករច្រើនទៀតក្នុងចំនួន ៣ ០០០ ទៅ ៤ ០០០នាក់ មុនដំណាច់ឆ្នាំ២០២៤ ខណៈនៅឆ្នាំ២០២៥ តម្រូវការនេះនឹងកើនឡើងដល់ ១ម៉ឺននាក់។
កាលពីថ្ងៃទី៧ខែតុលាឆ្នាំ២០២៣ ជនជាតិថៃ ៤១នាក់គឺស្ថិតនៅក្នុងចំណោមមនុស្សចំនួន ១ ២០០នាក់ដែលត្រូវបានសម្លាប់ដោយក្រុមសកម្មប្រយុទ្ធហាម៉ាស អំឡុងពេលបើកការវាយឆ្មក់នៅលើទឹកដីអ៊ីស្រាអែល។ បន្ថែមពីនេះ ជនជាតិថៃ ៣១នាក់ផ្សេងទៀត ត្រូវបានចាប់ធ្វើជាចំណាប់ខ្មាំង ហើយបច្ចុប្បន្នគេជឿថា ជនជាតិថៃប្រហែល ៦នាក់កំពុងជាប់ឃុំឃាំងនៅឡើយ។
មុនសង្គ្រាម ជនជាតិថៃប្រមាណ ៣ម៉ឺននាក់ បានធ្វើការនៅប្រទេសអ៊ីស្រាអែល ដោយភាគច្រើនស្ថិតនៅក្នុងវិស័យកសិកម្ម។ ប្រជាជនថៃជាច្រើន ជាពិសេសអ្នកនៅតាមតំបន់ជនបទភាគឦសានប្រទេស មានបំណងចង់ស្វែងរកការងារធ្វើនៅអ៊ីស្រាអែល ក៏ព្រោះតែនៅទីនោះអាចទទួលបានប្រាក់កម្រៃខ្ពស់ សម្រាប់ដោះបំណុល ដែលការជំពាក់បំណុលនេះគឺជាបញ្ហាសេដ្ឋកិច្ចលំដាប់ថ្នាក់ទី២ចំពោះមនុស្សរាប់លាននាក់នៅអាស៊ីអាគ្នេយ៍។
បើតាមការចុះផ្សាយរបស់សារព័ត៌មាន BBC ពលករថៃចាប់ផ្ដើមធ្វើចំណាកស្រុកទៅកាន់ប្រទេសអ៊ីស្រាអែល តាំងពីអំឡុងទសវត្សរ៍ឆ្នាំ១៩៨០មកម៉្លេះ មុនកិច្ចព្រមព្រៀងជាផ្លូវការរវាងរដ្ឋាភិបាលប្រទេសទាំង២កាលពីឆ្នាំ២០១១ទៅទៀត។ សព្វថ្ងៃ កម្រៃប្រចាំខែរបស់ពលករថៃនៅអ៊ីស្រាអែល អាចទទួលបានចន្លោះពី ២១០០ដុល្លារ ដល់ជាង ៣២០០ដុល្លារ។ ក្រុមពលករថៃ បានអះអាងថា កម្រៃប៉ុណ្ណឹងគឺច្រើនជាងការរកចំណូលនៅប្រទេសកំណើតពួកគេដល់ទៅ ៧ ឬ ៨ដងឯណោះ៕
ដោយ៖ ឈាង
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៨ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ