ព័ត៌មានអន្ដរជាតិ
ល្បីពេញសារព័ត៌មានធំៗ! កូនដំរីទឹកថៃ ទស្សន៍ទាយលទ្ធផលបោះឆ្នោតអាមេរិក
សារព័ត៌មានអន្តរជាតិធំៗដូចជា AFP, Fox News, Independent និង Economic Times ជាដើម បានចុះផ្សាយព្រោងព្រាតនូវការទស្សន៍ទាយរបស់កូនដំរីទឹកថៃ ដែលកំពុងល្បីនៅលើបណ្ដាញសង្គម អំពីលទ្ធផលបោះឆ្នោតនៅសហរដ្ឋអាមេរិករវាងបេក្ខជន២រូបគឺ លោក ដូណាល់ ត្រាំ និងលោកស្រី កាម៉ាឡា ហារីស។
នៅក្នុងវីដេអូបង្ហោះនៅលើបណ្ដាញសង្គម TikTok ដោយសួនសត្វ Khao Kheow នៅក្នុងខេត្តឈុនបុរី កូនដំរីទឹកថៃ ដែលមានឈ្មោះថា Moo Deng បានទស្សន៍ទាយថា លោក ដូណាល់ ត្រាំ ទទួលបានជ័យជម្នះសម្រាប់ការបោះឆ្នោតសកលថ្ងៃទី៥ខែវិច្ឆិកានេះ។ នៅក្នុងវីដេអូ កូនដំរីទឹក Moo Deng ត្រូវគេដាក់ឲ្យជ្រើសរើសរវាងផ្លែឪឡឹកដែលកាត់រាងធ្វើជានំខេក ហើយមានភ្ជាប់ឈ្មោះបេក្ខជនប្រធានាធិបតីអាមេរិកទាំងពីរ។ កូនដំរីទឹក Moo Deng បានរើសយកផ្លែឪឡឹកដែលមានឈ្មោះរបស់លោក ដូណាល់ ត្រាំ។
វីដេអូទស្សន៍ទាយរបស់កូនដំរីទឹកថៃ បានទទួលការចាប់អារម្មណ៍ជាច្រើនពីសំណាក់អ្នកប្រើប្រាស់បណ្ដាញសង្គម ព្រមទាំងមានការចុះផ្សាយជាហូរហែពីសារព័ត៌មានក្នុងស្រុក និងអន្តរជាតិជាច្រើន។
សូមបញ្ជាក់ថា កូនដំរីទឹក Moo Deng បានកើតនៅថ្ងៃទី១០ខែកក្កដាឆ្នាំ២០២៤ ហើយរូបភាពងូតទឹករបស់វាបានល្បីល្បាញពេញបណ្ដាញសង្គម X ដែលជាហេតុនាំឲ្យទេសចរអន្តរជាតិជាច្រើនសម្រុកទៅលេងកម្សាន្តនៅសួនសត្វ Khao Kheow។ បើយោងតាមការចុះផ្សាយរបស់សារព័ត៌មាន Thaiger កាលពីខែកញ្ញាកន្លងទៅ កូនដំរីទឹក Moo Deng បានរកចំណូលប្រមាណ ៦លានដុល្លារពីទេសចរពាសពេញពិភពលោកឲ្យសួនសត្វ Khao Kheow។
Moo Deng ជាប្រភេទដំរីទឹកតឿ ឬពូជដំរីទឹក Pygmy ហើយស្ថិតនៅក្នុងអម្បូរសត្វជិតផុតពូជ។ ដំរីទឹកប្រភេទនេះ ច្រើនតែស្ថិតនៅអាហ្វ្រិកខាងលិច ជាពិសេសនៅប្រទេសលីបេរីយ៉ា។ បច្ចុប្បន្ន ដំរីទឹក Pygmy មានចំនួនប្រមាណតែ ២ពាន់ក្បាលប៉ុណ្ណោះនៅក្នុងព្រៃ៕
ដោយ៖ ឈាង
ចុចអាន៖ តំបន់ Dixville Notch បោះឆ្នោតមុនគេ, លទ្ធផល ត្រាំនិងហារីស ស្មើគ្នា
គុនខ្មែរនៅរុស្ស៊ីបន្តឆ្ពោះទៅមុខ ខណៈសាកលវិទ្យាល័យរដ្ឋមួយបង្កើតក្លិបប្រដាល់គុនខ្មែរ
កែវ រំចង់ ទម្លាយការចំណាយច្រើនក្នុងមួយខែៗទាំងការរស់នៅប្រចាំថ្ងៃ និងការសិក្សារបស់កូន
រដ្ឋបាលខេត្តតាកែវ រៀបចំការប្រណាំងរទេះគោសាឡី សម្រាប់សង្ក្រាន្ដឆ្នាំថ្មី
លោក Macron៖ បារាំងអាចប្រកាសទទួលស្គាល់រដ្ឋប៉ាឡេស្ទីននៅខែមិថុនាខាងមុខ
មជ្ឈមណ្ឌលជាតិផ្ដល់ឈាម ត្រៀមឈាម ៥ ពាន់ប្លោក សម្រាប់ជួយសង្គ្រោះជនរងគ្រោះ ក្នុងឱកាសបុណ្យចូលឆ្នាំថ្មី
ពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
ត្រាំ បញ្ជាឲ្យមនុស្សជិត ១លាននាក់ ចេញពីអាមេរិក ជាបន្ទាន់
ចិន ឆ្លើយតបរឿងដែលអ៊ុយក្រែនចាប់បានជនជាតិចិន២នាក់ដែលប្រយុទ្ធឲ្យរុស្ស៊ី
ត្រាំ ផ្អាកពន្ធគយបដិការ ៩០ ថ្ងៃ ប៉ុន្តែដំឡើងលើចិនដល់ ១២៥ ភាគរយ
ប្អូនស្រីលោក គីម ផ្ដាំអាមេរិកកុំឲ្យដេកស្រមៃទាំងថ្ងៃថា កូរ៉េខាងជើងបញ្ឈប់កម្មវិធីនុយក្លេអ៊ែរ
-
សន្តិសុខសង្គម៤ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៣ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៣ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៥ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម២ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានអន្ដរជាតិ២២ ម៉ោង agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ៥ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ១ សប្តាហ៍ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា