ព័ត៌មានអន្ដរជាតិ
អ៊ុយក្រែន៖ ការប៉ះទង្គិចជាមួយទ័ពកូរ៉េខាងជើងលើកដំបូង បានបើកទំព័រថ្មីនៃអស្ថិរភាពសកល
ប្រធានាធិបតីអ៊ុយក្រែន លោក Volodymyr Zelensky បាននិយាយកាលពីយប់ថ្ងៃអង្គារថា ការប្រយុទ្ធគ្នាដំបូងរវាងយោធាក្រុងកៀវ និងកងទ័ពកូរ៉េខាងជើង គឺជាការវិវឌ្ឍថ្មីឆ្ពោះទៅរក «អស្ថិរភាព» ជាសកល។
មេដឹកនាំអ៊ុយក្រែន បានលើកឡើងថា៖ «ការប្រយុទ្ធលើកដំបូងជាមួយទាហានកូរ៉េខាងជើង បានបើកទំព័រថ្មីនៃអស្ថិរភាពនៅក្នុងពិភពលោក។ រួមគ្នាជាមួយពិភពលោក យើងត្រូវតែធ្វើអ្វីគ្រប់យ៉ាងដើម្បីធ្វើឲ្យជំហានរបស់រុស្ស៊ីក្នុងការពង្រីកសង្រ្គាម ធ្វើឲ្យវាកាន់តែធ្ងន់ធ្ងរ ទទួលបរាជ័យ»។
លោក Zelensky ក៏បានថ្លែងអំណរគុណដល់បណ្ដាប្រទេស ដែលនិយាយអំពីការដាក់ពង្រាយទាហានកូរ៉េខាងជើងទៅកាន់ប្រទេសរុស្ស៊ី កាលពីខែមុន ដោយមិនត្រឹមតែបញ្ចេញសំឡេងប៉ុណ្ណោះទេ តែថែមទាំងត្រៀមរៀបចំសកម្មភាពគាំទ្រការការពារជាតិអ៊ុយក្រែនផងដែរ។
ការលើកឡើងរបស់លោក Zelensky បានធ្វើឡើងប៉ុន្មានម៉ោងបន្ទាប់ពីរដ្ឋមន្ត្រីការពារជាតិអ៊ុយក្រែន លោក Rustem Umerov បានប្រាប់ប៉ុស្តិ៍ទូរទស្សន៍កូរ៉េខាងត្បូង KBS ថា កងទ័ពរបស់គាត់មានការប៉ះទង្គិច «ខ្នាតតូចមួយ» ជាមួយទាហានកូរ៉េខាងជើង។
ប្រសិនបើជាការពិត វានឹងក្លាយជាការប៉ះទង្គិចលើកដំបូងចាប់តាំងពីកូរ៉េខាងត្បូងបានធ្វើការអះអាងកាលពីខែមុនថា ទីក្រុងព្យុងយ៉ាងបានបញ្ជូនទាហានរាប់ពាន់នាក់ទៅកាន់ប្រទេសរុស្ស៊ី ដោយបានចូលរួមក្នុងសង្គ្រាមរយៈពេលជិត៣ឆ្នាំរបស់ក្រុងមូស្គូប្រឆាំងនឹងអ៊ុយក្រែន។
ក្រសួងការពារជាតិកូរ៉េខាងត្បូង បានអះអាងកាលពីថ្ងៃអង្គារសប្តាហ៍មុនថា ទាហានកូរ៉េខាងជើង ១ម៉ឺននាក់ត្រូវបានដាក់ពង្រាយនៅក្នុងប្រទេសរុស្ស៊ី។
ទាំងកូរ៉េខាងជើង និងរុស្ស៊ីមិនបានធ្វើអត្ថាធិប្បាយលើការចោទប្រកាន់នេះទេ ខណៈវិមានក្រឹមឡាំងបានអះអាងពីសិទ្ធិរបស់ខ្លួនក្នុងការកសាងទំនាក់ទំនងជាមួយទីក្រុងព្យុងយ៉ាង ដោយពណ៌នាថាវាជាបញ្ហានៃអធិបតេយ្យភាពរបស់រុស្ស៊ី៕
ដោយ៖ ឈាង
អគ្គមេបញ្ជាការកងទ័ពឱ្យកងកម្លាំងនៅព្រំដែនកម្ពុជា-ឡាវ ទប់ស្កាត់ការជួញដូរគ្រឿងញៀន និងជួញដូរមនុស្ស
អ្នកបង្កើតមាតិកាក្នុងស្រុកចាប់ផ្តើមបង្កើតការបង្ហោះអំពីលំហអាកាសដែលកំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ
ក្រុមហ៊ុនចិនចង់នាំចេញកសិផលសក្ដានុពលកម្ពុជា
ត្រាំ គំរាមដាក់ពន្ធ ៥០%លើចិនបន្ថែមទៀត ខណៈផ្សារភាគហ៊ុនសកលបន្តធ្លាក់ចុះ
UN ផ្តល់ជំនួយ៩៣លានដុល្លារដល់មីយ៉ាន់ម៉ាដែលរងគ្រោះដោយសាររញ្ជួយដី
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
ខេត្តថៃចំនួន២ នៅភាគខាងជើង កើតរញ្ជួយដីកម្រិតស្រាលជាង ២០លើក ត្រឹមមួយព្រឹក
សេចក្តីជូនដំណឹង ស្តីពី ការងារសាងសង់ផ្លូវភូមិប្រភេទបេតុងអាម៉េ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ២១ ម៉ោង agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា