ព័ត៌មានអន្ដរជាតិ
តៃវ៉ាន់ ជឿថា អាមេរិកនៅតែរក្សាទំនាក់ទំនងជិតស្និទ្ធជាមួយខ្លួន ក្រោយការបោះឆ្នោត
លោក Tsai Ming-yen ប្រធានការិយាល័យសន្តិសុខជាតិតៃវ៉ាន់ បានប្រាប់នៅថ្ងៃទី៦ខែវិច្ឆិកានេះថា សហរដ្ឋអាមេរិកនឹងនៅតែបន្តគោលជំហរមិត្តភាពជាមួយតៃវ៉ាន់ ទោះប្រទេសមហាអំណាចនេះនឹងផ្លាស់ប្ដូររដ្ឋាភិបាលក្រោយការបោះឆ្នោតក៏ដោយ។
លោក Tsai បាននិយាយថា៖ «នៅលើទំនាក់ទំនងនៅទូទាំងច្រកសមុទ្រតៃវ៉ាន់ យើងជឿថាសហរដ្ឋអាមេរិកនឹងបន្តវិធីសាស្រ្តបច្ចុប្បន្នរបស់ខ្លួនក្នុងការរឹតបន្តឹងប្រទេសចិន និងជាមិត្តជាមួយតៃវ៉ាន់»។
លោកបានបន្ថែមថា តៃវ៉ាន់នឹងបន្តទំនាក់ទំនងជាមួយរដ្ឋបាលបច្ចុប្បន្ន ដោយផ្តោតលើបញ្ហាសំខាន់ៗសម្រាប់កិច្ចសហប្រតិបត្តិការ «ក្នុងដំណាក់កាលបន្ទាប់» ហើយនឹងធ្វើការជាមួយដៃគូអន្តរជាតិ ដើម្បីផ្លាស់ប្តូរព័ត៌មានអំពីចេតនារបស់ចិន និងចលនាយោធាក្នុងអំឡុងពេលអន្តរកាល។
មន្ត្រីជាន់ខ្ពស់តៃវ៉ាន់រូបនេះ បានលើកឡើងទៀតថា៖ «នេះគឺដើម្បីការពារកុម្មុយនិស្តចិនពីការទាញយកផលប្រយោជន៍ ពីការផ្លាស់ប្តូររដ្ឋាភិបាលសហរដ្ឋអាមេរិក និងដើម្បីការពារពួកគេពីការបង្កបញ្ហាក្នុងអំឡុងពេលអន្តរកាល»។
ចំណែកឯ លោក Kuo Jyh-huei រដ្ឋមន្ត្រីសេដ្ឋកិច្ចតៃវ៉ាន់ បានប្រាប់ថា រដ្ឋាភិបាលដែនកោះរបស់ខ្លួន កំពុងផ្ដោតលើការបោះឆ្នោតអាមេរិក ហើយកំពុងរៀបចំការត្រៀមខ្លួន មិនថាបេក្ខជនណាម្នាក់យកឈ្នះនោះទេ។ លោក Kuo បានបន្តថា ទោះជាយ៉ាងណា ទំនាក់ទំនងរវាងអាមេរិក-តៃវ៉ាន់ នៅមានភាពស៊ីជម្រៅ និងមិនងាយកែប្រែឡើយ ហើយផលប៉ះពាល់ចំពោះសេដ្ឋកិច្ចតៃវ៉ាន់នឹងមានតិចតួចប៉ុណ្ណោះក្រោយការបោះឆ្នោតអាមេរិក។
ពាក់ព័ន្ធនឹងការលើកឡើងនេះ ប្រទេសចិនមិនទាន់មានការអត្ថាធិប្បាយអ្វីឡើយ។
ត្បិតតៃវ៉ាន់មានការជឿជាក់បែបនេះ តែកន្លងមកទាំងលោក ដូណាល់ ត្រាំ និងលោកស្រី កាម៉ាឡា ហារីស ដែលជាបេក្ខជនប្រធានាធិបតីអាមេរិកនៅក្នុងអាណត្តិនេះ សុទ្ធតែធ្លាប់បញ្ជាក់នៅអំឡុងយុទ្ធនាការឃោសនារបស់ខ្លួនថា តៃវ៉ាន់គួរតែបង់ថ្លៃការពារឲ្យអាមេរិក និងបានចោទប្រកាន់តៃវ៉ាន់ថាបានលួចដណ្ដើមយកជំនួញបច្ចេកវិទ្យា semiconductor របស់អាមេរិកថែមទៀតផង។
សហរដ្ឋអាមេរិក គឺជាអ្នកគាំទ្រ និងជាអ្នកផ្គត់ផ្គង់សព្វាវុធដ៏សំខាន់បំផុតរបស់តៃវ៉ាន់ បើទោះជាសម្ព័ន្ធមិត្តទាំងពីរមិនមានទំនាក់ទំនងការទូតផ្លូវការក៏ដោយ៕
ដោយ៖ ឈាង
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ