ព័ត៌មានអន្ដរជាតិ

កូរ៉េខាងត្បូង ប្រកាសត្រៀមកសាងភាពជាដៃគូសន្ដិសុខដ៏ល្អឥតខ្ចោះជាមួយ ដូណាល់ ត្រាំ

បានផុស

៣ ខែ មុន

នៅ

ថ្ងៃពុធ ៦ វិច្ឆិកា ២០២៤

ដោយ

Chheang

ការិយាល័យប្រធានាធិបតីកូរ៉េខាងត្បូង បានប្រកាសនៅថ្ងៃពុធនេះថា ខ្លួននឹងរៀបចំបង្កើតភាពជាដៃគូសន្ដិសុខដ៏ «ល្អឥតខ្ចោះ» ជាមួយរដ្ឋបាលប្រធានាធិបតីសហរដ្ឋអាមេរិកថ្មី។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីជាន់ខ្ពស់ក្រុងសេអ៊ូល បានបង្ហើបថា លោក Yoon Suk Yeol ប្រធានាធិបតីកូរ៉េខាងត្បូង ត្រូវគេរំពឹងថានឹងទៅជួបជាមួយលោក ដូណាល់ ត្រាំ ដែលទើបជាប់ឆ្នោត នាប៉ុន្មានថ្ងៃខាងមុខ បន្ទាប់ពីបក្សសាធារណរដ្ឋរបស់មេដឹកនាំទី៤៧ថ្មីរបស់អាមេរិករូបនេះបានយកឈ្នះការបោះឆ្នោតថ្ងៃទី៥ខែវិច្ឆិកាលើលោកស្រី កាម៉ាឡា ហារីស ដែលជាគូប្រជែងមកពីបក្សប្រជាធិបតេយ្យ។

ទីក្រុងសេអ៊ូល គឺជាសម្ព័ន្ធមិត្តដ៏រឹងមាំរបស់សហរដ្ឋអាមេរិកនៅក្នុងតំបន់ ដោយមានទាហានអាមេរិកប្រមាណ ២៨ ៥០០នាក់កំពុងឈរជើងនៅក្នុងទឹកដីកូរ៉េខាងត្បូង ដែលជាផ្នែកនៃកិច្ចខិតខំប្រឹងប្រែងដើម្បីរារាំងកម្មវិធីអាវុធនុយក្លេអែរកូរ៉េខាងជើង។

សូមបញ្ជាក់ថា កាលពីខែតុលាកន្លងទៅ សហរដ្ឋអាមេរិក និងកូរ៉េខាងត្បូង បានចុះកិច្ចព្រមព្រៀងរយៈពេល៥ឆ្នាំលើគម្រោងបែងចែកថវិកាចំពោះការរក្សាកងកម្លាំងអាមេរិកនៅលើទឹកដីកូរ៉េខាងត្បូង។ លោក ដូណាល់ ត្រាំ កាលពីអាណត្តិកាន់តំណែងដំបូងរបស់លោក បានចោទប្រកាន់កូរ៉េខាងត្បូងថាពឹងផ្អែកលើកម្លាំងយោធាអាមេរិកដោយទទេ ហើយលោកបានទាមទារឲ្យកូរ៉េខាងត្បូងចំណាយថវិកា ៥ពាន់លានដុល្លារជារៀងរាល់ឆ្នាំសម្រាប់ការដាក់ពង្រាយកងកម្លាំងអាមេរិក៕

ដោយ៖ ឈាង

ចុចអាន៖ ត្រាំ គឺជាប្រធានាធិបតីអាមេរិកទី២ក្នុងប្រវត្តិសាស្រ្ត ដែលឈ្នះឆ្នោតពីរអាណត្តិ ប៉ុន្តែមិនជាប់គ្នា