ព័ត៌មានអន្ដរជាតិ
ភ្លើងឆេះព្រៃបំផ្លាញផ្ទះសម្បែងនៅរដ្ឋកាលីហ័្វរញ៉ាដោយបង្ខំជម្លៀសចេញមនុស្សរាប់ពាន់នាក់
មនុស្សរាប់ពាន់នាក់ស្ថិតក្រោមការបញ្ជាជម្លៀសនៅភាគខាងត្បូងរដ្ឋកាលីហ្វ័រញ៉ា ខណៈដែលភ្លើងឆេះព្រៃបានលេបត្របាក់ផ្ទះសម្បែងយ៉ាងឆាប់រហ័ស។ នេះបើយោងតាមការចេញផ្សាយរបស់សារព័ត៌មានCNAនៅថ្ងៃទី០៨ខែវិច្ឆិកានេះ។

វីដេអូដែលថតដោយសាក្សីម្នាក់បានបង្ហាញពីអ្នកស្រុកកំពុងរត់គេចខ្លួនពីផ្ទះរបស់ពួកគេនៅក្នុងទីក្រុង Camarillo ខណៈដែលផ្សែងយ៉ាងក្រាស់បានគ្របដណ្តប់លើមេឃ។ ខ្សែវីដេអូនេះក៏បានបង្ហាញផ្ទះនិងរថយន្តបានឆាបឆេះយ៉ាងសន្ធោសន្ធៅ។
នាយកដ្ឋានពន្លត់អគ្គីភ័យនៅទីក្រុង Ventura County ភាគពាយព្យនៃទីក្រុង Los Angeles បាននិយាយថា ភ្លើងឆេះព្រៃបានរីករាលដាលលើផ្ទៃដី ១៤០០០ ហិចតា ខណៈមានអ្នកពន្លត់អគ្គីភ័យយ៉ាងហោចណាស់ ៨០០ នាក់ត្រូវបានចាត់តាំងឱ្យធ្វើប្រតិបត្តិការពន្លត់ និងកំពុងស្នើសុំឧទ្ធម្ភាគចក្របន្ថែមដើម្បីជួយក្នុងកិច្ចខិតខំប្រឹងប្រែងដើម្បីដោះស្រាយស្ថានការណ៍។
យ៉ាងហោចណាស់មនុស្សពីរនាក់បានរងរបួស ហើយសំណង់ជាច្រើនត្រូវបានខូចខាត ឬបំផ្លាញដោយភ្លើងនៅក្នុងខោនធី Ventura ។ អភិបាលរដ្ឋកាលីហ្វ័រញ៉ា លោក Gavin Newsom បាននិយាយថា ភ្លើងភ្នំបានជំរុញឱ្យមានការជម្លៀសមនុស្សជាង ១០០០០នាក់ និងបានគំរាមកំហែងដល់រចនាសម្ព័ន្ធចំនួន ៣៥០០។

យោងតាមទិន្នន័យរបស់ National Interagency Fire Center បានឱ្យដឹងថា សហរដ្ឋអាមេរិកកំពុងជួបប្រទះភ្លើងឆេះព្រៃដ៏ខ្លាំងក្លាមួយជាមួយនឹងផ្ទៃដី ៨.១ លានហិចតាដែលបានឆេះរហូតមកដល់បច្ចុប្បន្ន ធៀបនឹងរយៈពេលជាមធ្យមប្រចាំឆ្នាំពេញមួយឆ្នាំដែលមានប្រហែល ៧ លានហិចតាក្នុងរយៈពេលមួយទសវត្សរ៍ចុងក្រោយនេះ។ យោងតាមទិន្នន័យរបស់ Cal Fire បានឱ្យដឹងថា ភ្លើងឆេះព្រៃនៅរដ្ឋកាលីហ្វ័រញ៉ា មកទល់ពេលនេះបានឆេះដីច្រើនជាងបីដងច្រើនជាងឆ្នាំមុន៕


អត្ថបទ៖ ប៊ុន សុភាព

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២០ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ