តើលោក ត្រាំ បានប្រាក់ខែប៉ុន្មាន ពេលឡើងកាន់តំណែងប្រធានាធិបតីអាមេរិក?

កាលពីថ្ងៃអង្គារទី៥ខែវិច្ឆិកា ពិភពលោកបានសាទរចំពោះការជាប់ឆ្នោតអាណត្តិទី២របស់លោក ដូណាល់ ត្រាំ ហើយត្បិតតែជាអ្នកកាន់តំណែងកំពូលក៏ពិតមែន ប៉ុន្តែប្រធានាធិបតីសហរដ្ឋអាមេរិកទី៤៧រូបនេះ ក៏ត្រូវបើកប្រាក់ខែពីរដ្ឋដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ CBS កាលពីថ្ងៃព្រហស្បតិ៍ទី៧ខែវិច្ឆិកាឆ្នាំ២០២៤, លោក ដូណាល់ ត្រាំ នឹងទទួលបានប្រាក់ខែ ៣៣ ៣៣៣ដុល្លារ សរុបមួយឆ្នាំបាន ៤០០ ០០០ដុល្លារ ពោលគឺដូចប្រធានាធិបតីមុនៗដែរ តាមការកំណត់ដោយច្បាប់សហព័ន្ធ។

ក្រៅពីប្រាក់ខែគោល លោកត្រាំ ក៏នឹងទទួលបានប្រាក់បន្ថែមសម្រាប់ការចំណាយ ៥០ ០០០ដុល្លារដោយមិនចាំបាច់បង់ពន្ធ, ប្រាក់សម្រាប់ដំណើរទេសចរណ៍ ១០០ ០០០ដុល្លារ និងកញ្ចប់សម្រាប់ការកម្សាន្ត ១៩ ០០០ដុល្លារ។

សូមបញ្ជាក់ជាថ្មី លោក ដូណាល់ ត្រាំ នៃគណបក្សសាធារណរដ្ឋ បានផ្តួលលោកស្រី កាម៉ាឡា ហារីស មកពីគណបក្សប្រជាធិបតេយ្យ ឈ្នះឆ្នោតជាប្រធានាធិបតីទី៤៧របស់សហរដ្ឋអាមេរិក។ 

ជ័យជម្នះនេះ ក៏ធ្វើឲ្យលោក ត្រាំ ក្លាយជាប្រធានាធិបតីអាមេរិកទី២ក្នុងប្រវត្តិសាស្រ្តផងដែរ ដែលឈ្នះឆ្នោតពីរអាណត្តិប៉ុន្តែមិនជាប់គ្នា បន្ទាប់ពីលោក Grover Cleveland ក្នុងឆ្នាំ១៨៩២៕

អត្ថបទ៖ សុខ សុវណ្ណ

ចុចអាន៖ រុស្ស៊ី​សម្ញែង​មីស៊ីល​អន្តរទ្វីបដ៏អស្ចារ្យ ​កម្លា ​ដូណាល់​ ត្រាំ​