ក្រោយ​ត្រាំឈ្នះឆ្នោតភ្លាម​ វត្តមាន​អាមេរិក​ក្នុង​​រឿង​អាកាសធាតុ​ ស្ថិត​ក្នុង​ការសង្ស័យភ្លែត​​​​

បេសកជនពិសេសរបស់សហរដ្ឋអាមេរិកបានប្រាប់សន្និសីទ COP29 នៅថ្ងៃបើកកម្មវិធីថា សហរដ្ឋអាមេរិកនឹងបន្តប្រយុទ្ធ​ប្រឆាំងនឹងការប្រែប្រួលអាកាសធាតុ និងទប់ស្កាត់ការបញ្ចេញឧស្ម័នដែលឡើងកំដៅផែនដី បើទោះបីជាលោក ដូ ណាល់ ត្រាំ ឈ្នះឆ្នោតដែល​នាំ​ដល់​ការសង្ស័យ​ពី​ការ​ដក​​អាមេរិក​ចេញ​ពី​​​សមាជិក​រដ្ឋភាគី​​។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី​១២ខែវិច្ឆិកានេះ។

ការជាប់ឆ្នោតឡើងវិញរបស់លោក ត្រាំ ត្រូវបានគេរំពឹងថា សហរដ្ឋអាមេរិក​នឹង​ដក​ខ្លួន​ចេញពីសន្ធិសញ្ញា​និងកិច្ចខិតខំប្រឹងប្រែងស្តីពីអាកាសធាតុពិភពលោក ដែល​នឹង​​ជះឥទ្ធិពលលើកិច្ចប្រជុំកំពូលរយៈពេលពីរសប្តាហ៍នៅ អាស៊ែបៃហ្សង់ដែល​បានចាប់ផ្តើមនៅថ្ងៃនេះ។

ប៉ុន្តែ​អ្នក​ប្រឆាំង​លោក John Podesta ដែលចាត់តាំងដោយរដ្ឋបាលលោក បៃដិន បាន​និយាយ​ថា​៖«​នេះ​មិន​មែន​ជា​ការ​បញ្ចប់​នៃ​ការ​ប្រយុទ្ធ​របស់​យើង​ដើម្បី​ភព​ផែនដី​ស្អាត និង​មាន​សុវត្ថិភាព​ជាង​នោះ​ទេ»។ លោកបន្ថែមថា៖​«ការពិតនៅតែជាការពិត វិទ្យាសាស្ត្រនៅតែជាវិទ្យាសាស្ត្រ ការប្រយុទ្ធគឺធំជាងការបោះឆ្នោតមួយនិង វដ្តនយោបាយមួយនៅក្នុងប្រទេសមួយទៅទៀត»។

បើតាមយុទ្ធនាការរបស់លោក ត្រាំបានបង្ហាញថាប្រធានាធិបតីជាប់ឆ្នោតនឹងដកសហរដ្ឋអាមេរិក ដែលជាអ្នកបំពុលធំបំផុតទីពីររបស់ពិភពលោក ចេញពីកិច្ចព្រមព្រៀងទីក្រុងប៉ារីស ដែលលោកត្រាំ ក៏បានធ្វើក្នុងអំឡុងពេលអាណត្តិចុងក្រោយរបស់លោកផងដែរ។

ទោះយ៉ាងណាមនុស្សជាច្រើនផ្សេងទៀតមកពីប្រទេសជិត ២០០ ដែលបានប្រមូលផ្តុំគ្នានៅទីក្រុងបាគូបានសង្កត់ធ្ងន់ថា ត្រូវតែបន្តទៅមុខ COP29 នឹងបន្តដំណើរការដូចធម្មតា។ ប្រទេសម្ចាស់ផ្ទះ អាស៊ែបៃហ្សង់ កាលពីម្សិលមិញបានប្រាប់ Sky News សហរដ្ឋអាមេរិកនៅតែ «ស្ថាបនា»នៅក្នុងកិច្ចពិភាក្សាអាកាសធាតុទោះបីបន្ទាប់ពីការបោះឆ្នោតប្រធានា​ធិបតីក៏ដោយ។

កិច្ចប្រជុំកំពូលប្រចាំឆ្នាំ COP ក្នុងអំឡុងពេលដែលប្រទេសនានាយល់ព្រមលើជំហានបន្ទាប់ជាសមូហភាពលើសកម្មភាពអាកាសធាតុ ទប់ទល់នឹងពេលវេលាចុងក្រោយដែលសហរដ្ឋអាមេរិកបានឱនក្បាលចេញពីវា។ ប៉ុន្តែនៅឆ្នាំនេះ ពួកគេកំពុងប្រឈមលើមូលនិធិអាកាសធាតុថ្មីដ៏សំខាន់សម្រាប់ប្រទេសកំពុងអភិវឌ្ឍន៍ ហើយសាច់ប្រាក់មិនត្រូវបានគេរំពឹងថានឹងហូរនៅក្រោម ការគ្រប់គ្រងរបស់លោកត្រាំ នោះទេ។

ជាមួយគ្នានេះលោក Mohamed Adow ដែលជាអ្នកគ្រប់គ្រងក្រុម Power Shift Africa បាននិយាយថា លទ្ធផលបោះឆ្នោតរបស់សហរដ្ឋអាមេរិក «មិនមានការផ្លាស់ប្តូរច្រើនទេ» ព្រោះវាមានភាពយឺតយ៉ាវក្នុងការបង់ប្រាក់ចូលទៅក្នុងមូលនិធិអាកាសធាតុកាលពីអតីតកាលស្រាប់ទៅហើយ នៅក្រោមទាំងគណបក្សប្រជាធិបតេយ្យ និងគណបក្សសាធារណរដ្ឋ។

ទោះបីច្បាប់កាត់បន្ថយអតិផរណាដែលមានតម្លៃ ៣៧០ពាន់លានដុល្លាររបស់លោក ចូ បៃដិន បានជំរុញការវិនិយោគបៃតង និងការងារនៅក្នុងសហរដ្ឋអាមេរិក ប៉ុន្តែប្រទេសនេះនៅតែជាប្រទេសផលិតប្រេង និងឧស្ម័នធំជាងគេបំផុតនៅលើពិភពលោកដែលបំពុលបរិស្ថានខ្លាំង៕

អត្ថបទ៖ ប៊ុន សុភាព