ព័ត៌មានអន្ដរជាតិ
ទុក្ខផ្ទួនៗ! ហ្វីលីពីន ត្រៀមជួបព្យុះទី៥ ក្នុងពេលមិនដល់១ខែផង
ហ្វីលីពីន បានចេញសេចក្ដីព្រមានថ្មីម្ដងទៀតនៅថ្ងៃអង្គារនេះ ខណៈព្យុះដ៏ខ្លាំងក្លាមួយ កំពុងធ្វើដំណើរជិតទៅដល់ទឹកដីរបស់ខ្លួន។ វាជាព្យុះទី៥ហើយ ដែលបានវាយប្រហារប្រទេសហ្វីលីពីននៅក្នុងរយៈពេលត្រឹមតែជាង៣សប្ដាហ៍ប៉ុណ្ណោះ។
ព្យុះថ្មី មានឈ្មោះថា ព្យុះ យូសាជី (Usagi) ដែលអាចនឹងទៅដល់ភាគឦសាននៃប្រជុំកោះហ្វីលីពីន ក្នុងរយៈពេល២ថ្ងៃខាងមុខ។
ការព្រមានពីព្យុះ យូសាជី ធ្វើឡើងបន្ទាប់ពីព្យុះ តូរ៉ាជី (Toraji) បានថមថយឥទ្ធិពល ហើយបក់ទៅឆ្ងាយចេញពីប្រទេសហ្វីលីពីន។ មុនការទៅដល់នៃព្យុះ តូរ៉ាជី កាលពីថ្ងៃទី១១ខែវិច្ឆិកា ហ្វីលីពីនបានជម្លៀសខ្លួនប្រជាពលរដ្ឋជាង ៣២ ០០០នាក់ចេញពីតំបន់ងាយរងគ្រោះ ដែលស្ថិតនៅភាគខាងជើងប្រទេស។ ជាសំណាងល្អ ព្យុះនេះ មិនបណ្ដាលឲ្យមានការខូចខាតអ្វីធ្ងន់ធ្ងរឡើយ ហើយក៏ពុំមានរបាយការណ៍អំពីមនុស្សស្លាប់ផងដែរ។
យ៉ាងណាមិញ ព្យុះចំនួន៣លើកមុន ដូចជា ព្យុះ ត្រាមី (Trami) ព្យុះ យីនស៊ីង (Yinxing) និងព្យុះ កងរី (Kong-rey) បានបណ្ដាលឲ្យមនុស្សស្លាប់សរុបចំនួន ១៥៩នាក់។ តួលេខអ្នកស្លាប់ភាគច្រើនបង្កឡើងដោយព្យុះ ត្រាមី ដែលកាលណោះហ្វីលីពីនបានកើតមានគ្រោះទឹកជំនន់ធ្ងន់ធ្ងរ និងបំណាក់ដីជាច្រើនកន្លែង។
ព្យុះថ្មី យូសាជី មានល្បឿន ៧៥គីឡូម៉ែត្រក្នុង១ម៉ោង ទំនងជាអាចចាប់ផ្ដើមបក់បោកបង្កជារលកធំៗជាមុនសិននៅភាគឦសានប្រទេសហ្វីលីពីន នាល្ងាចថ្ងៃទី១២។ យោងតាមការព្យាករ ព្យុះនេះនឹងវិវឌ្ឍខ្លួនទៅជាព្យុះទីហ្វុង ហើយវាយប្រហារហ្វីលីពីននៅថ្ងៃទី១៤វិច្ឆិកា។
បន្ទាប់ពីព្យុះ យូសាជី ទីភ្នាក់ងារឧតុនិយម បានឲ្យដឹងថា នៅសប្ដាហ៍ក្រោយ ហ្វីលីពីនអាចនឹងជួបប្រទះនឹងព្យុះថ្មីមួយផ្សេងទៀតដែលមានឈ្មោះថា មែនយី (Man-yi)។ ព្យុះនេះ កំពុងស្ថិតនៅក្បែរប្រជុំកោះភាគខាងជើង Mariana។
ព្យុះធំៗប្រហែល ២០ បានបោកបក់លើប្រទេសហ្វីលីពីន ឬតំបន់ទឹកជុំវិញជារៀងរាល់ឆ្នាំ ដោយបានសម្លាប់មនុស្សរាប់រយនាក់ និងធ្វើឲ្យមនុស្សរាប់លាននាក់ស្ថិតក្នុងភាពក្រីក្រ។
ការសិក្សានាពេលថ្មីៗនេះ បានបង្ហាញថា ព្រោះតែបម្រែបម្រួលអាកាសធាតុ បណ្ដុំព្យុះនៅតំបន់អាស៊ីប៉ាស៊ីហ្វិក កំពុងតែខិតទៅជិតឆ្នេរសមុទ្រ ដែលជាហេតុធ្វើឲ្យពួកវាមានឥទ្ធិពលកាន់តែខ្លាំង កាន់តែលឿន និងមានរយៈពេលយូរជាងមុន៕
ដោយ៖ ឈាង
ក្រសួងទេសចរណ៍ ស្នើឱ្យរួមគ្នាផ្សព្វផ្សាយពីសក្តានុពលទេសចរណ៍ក្នុងខេត្តកោះកុង
ស្ត្រីវ័យ៦៣ឆ្នាំម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង
ក.គ.ម៖ប្រើថវិកាបានត្រឹមត្រូវ តម្លាភាព សន្សំសំចៃខ្ពស់ រយៈពេល៥ ខែផ្លូវក្រវាត់ព្រំដែនសម្រេចជិត៤០%
អ្នកជំនាញឱ្យពលរដ្ឋប្រុងប្រយ័ត្ន តម្លៃមាសនឹងដាំក្បាលចុះនៅពេលណាមួយ
ភ្លើងឆេះព្រៃបន្តឆាបឆេះរាលដាលយ៉ាងខ្លាំងនៅខេត្តឈៀងម៉ៃប្រទេសថៃ
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ
ពលរដ្ឋភូមិឃ្មួញ ខណ្ឌសែនសុខ កំពុងរៀបចំតុបតែងភូមិស្វាគមន៍សង្ក្រាន្តឆ្នាំថ្មី
រដ្ឋមន្ត្រីការពារជាតិ ណែនាំឲ្យបង្កើតក្រុមប្រឹក្សាវិន័យដើម្បីពិនិត្យរាល់ទង្វើរបស់បុគ្គលឈ្មោះ ឈាវ មុន្នីន
-
ព័ត៌មានអន្ដរជាតិ៥ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានជាតិ២២ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ