បង់ក្លាដែស ស្នើប៉ូលិសអន្តរជាតិ ជួយចាប់​បញ្ជូន​ខ្លួន អតី​តនាយករដ្ឋមន្ត្រី Sheikh Hasina

​អាជ្ញាធរ​​​តុលាការ​ពិសេស​នៃ​ប្រទេស​បង់ក្លាដែសស្នើសុំឱ្យប៉ូលិសអន្តរជាតិ ឱ្យជួយក្នុងការចាប់ខ្លួនអតីនាយករដ្ឋមន្ត្រីលោកស្រី Sheikh Hasina ដែលត្រូវបានបណ្តេញចេញនិងបានភៀសខ្លួនទៅប្រទេសឥណ្ឌា។ នេះបើយោងតាមការចេញផ្សាយរបស់ទីភ្នាក់ងារព័ត៌មាន ​AP នៅថ្ងៃទី១៣ខែវិច្ឆិកានេះ។

សាលាក្តីពិសេសមួយក្នុងប្រទេសបង់ក្លាដែសកាលពីថ្ងៃអង្គារបានស្នើឱ្យអង្គការប៉ូលិសអន្តរជាតិ Interpol ចេញសេចក្តីជូនដំណឹងពណ៌ក្រហមសម្រាប់ការចាប់ខ្លួនអតីនាយករដ្ឋមន្ត្រីដែលត្រូវបានបណ្តេញចេញពីតំណែងលោកស្រី Sheikh Hasina ពាក់ព័ន្ធនឹងការស្លាប់របស់បាតុកររាប់រយនាក់ក្នុងអំឡុងពេលការបះបោរដ៏ធំមួយប្រឆាំងនឹងលោកស្រី។

បន្ទាប់ពីការបណ្ដេញចេញ លោកស្រី Hasina បានភៀសខ្លួនទៅកាន់ប្រទេសឥណ្ឌាកាលពីថ្ងៃទី៥ខែសីហា ជាមួយនឹងជំនួយការជិតស្និទ្ធម្នាក់​ និងអតីតរដ្ឋមន្ត្រី ដោយបញ្ចប់ការគ្រប់គ្រងរយៈពេល១៥ឆ្នាំ។ បន្ទាប់ពីបញ្ហាដ៏ចម្រូង​ចម្រាស់​ជ័យ​លាភីណូបែលសន្តិភាព លោក Muhammad Yunus បានចូលកាន់តំណែងជាមេដឹកនាំបណ្តោះអាសន្ននៅថ្ងៃទី ៨ខែសីហា ហើយក្រោយមកបានបង្កើតឡើងឡើងវិញនូវសាលាក្តីដែលធ្លាប់បានគ្រប់គ្រងការចោទប្រកាន់ពីបទឧក្រិដ្ឋកម្មប្រឆាំងមនុស្សជាតិក្នុងអំឡុងពេលសង្រ្គាមឯករាជ្យរបស់ប្រទេសប៉ាគីស្ថានឆ្នាំ១៩៧១។

លោក B.M. Sultan Mahmud ព្រះរាជអាជ្ញានៅសាលាក្តី បានប្រាប់សារព័ត៌មាន The Associated Press ថា ពួកគេបានសរសេសំណើររទៅកាន់ប៉ូលិសអន្តរជាតិ ដើម្បីស្វែងរកជំនួយពីអង្គការដែលមានមូលដ្ឋាននៅប្រទេស​បារាំង ក្នុងការចាប់ខ្លួនលោកស្រី Hasina និងអ្នកដទៃទៀតដែលជាប់ពាក់ព័ន្ធ។ ជាមួយគ្នានេះរដ្ឋាភិបាលដឹកនាំដោយលោក Yunus បានសន្យាថានឹងកាត់ទោសលោកស្រី Hasina ហើយបាននិយាយថា ខ្លួននឹងស្វែងរកការធ្វើបត្យាប័នលោកស្រីពីប្រទេសឥណ្ឌា៕

អត្ថបទ៖ ប៊ុន សុភាព