ព័ត៌មានអន្ដរជាតិ
ថៃ បង្ក្រាបទីតាំងរក Bitcoin ខុសច្បាប់៩កន្លែង ដែលលួចបន្លំថ្លៃភ្លើងអស់ ២៨ម៉ឺនដុល្លារ
ទីតាំងដែលរករូបិយបណ្ណឌីជីថល Bitcoin ខុសច្បាប់ចំនួន ៩កន្លែង ត្រូវបានអាជ្ញាធរប្រទេសថៃចុះបង្ក្រាប ហើយចាប់ឃាត់ខ្លួនជនសង្ស័យចំនួន ២នាក់ ដែលលួចបន្លំថ្លៃអគ្គិសនីជាង ២៨ម៉ឺនដុល្លារ។ នេះបើយោងតាមការឲ្យដឹងពីប៉ូលិសថៃ នៅថ្ងៃទី១៣ខែវិច្ឆិកាឆ្នាំ២០២៤។
ការស៊ើបអង្កេត បានធ្វើឡើងក្រោយមានពលរដ្ឋម្នាក់រាយការណ៍អំពីការដាក់កាមេរ៉ាសុវត្ថិភាពជាច្រើនខុសប្លែកពីធម្មតានៅផ្ទះមួយកន្លែង ស្ថិតនៅក្នុងខេត្ត Surat Thani ភាគខាងត្បូងប្រទេសថៃ។
លោក Pongsak Meemusik មន្ត្រីប៉ូលិសដែលដឹកនាំប្រតិបត្តិការចុះបង្ក្រាប បានប្រាប់ថា ប៉ូលិសបានលួចវាយឆ្មក់ផ្ទះសង្ស័យខាងលើកាលពីសប្ដាហ៍មុន ហើយរកឃើញថាវាជាទីតាំងប្រើសម្រាប់ផ្ទុកឧបករណ៍រក Bitcoin ព្រមទាំងឃាត់ខ្លួនជនសង្ស័យ២នាក់ អាយុ៣០ឆ្នាំ ដោយចោទពីបទចោរកម្ម។
លោក Pongsak បានបន្ថែមថា នៅផ្ទះជនសង្ស័យ មានការលួចបន្លំកុងទ័រអគ្គិសនី ដែលមានតម្លៃច្រើនជាង ១០លានបាតឯណោះ ឬស្មើនឹងជាង ២៨ម៉ឺនដុល្លារ។
តាមរយៈការស៊ើបអង្កេតបន្ត បានឈានទៅដល់ការរុករកឃើញទីតាំងផ្ទុកឧបករណ៍រក Bitcoin ខុសច្បាប់ចំនួន ៨កន្លែងផ្សេងទៀតនៅក្នុងខេត្ត Surat Thani។
ការរកប្រាក់ឌីជីថល ឬហៅថា លុយគ្រីបតូ (Cryptocurrency) ត្រូវប្រើប្រាស់កុំព្យូទ័រមានកម្លាំងខ្លាំង និងថ្លៃអគ្គិសនីអស់ច្រើន។ ការរកលុយគ្រីបតូ នៅក្នុងប្រទេសថៃ ត្រូវចាត់ទុកជាសហគ្រាសឧស្សាហកម្ម ដែលតម្រូវឲ្យមានការបង់ពន្ធចូលរដ្ឋ។ ទោះជាយ៉ាងនេះក្ដី ការរកលុយគ្រីបតូដោយខុសច្បាប់ នៅតែរីកដូចផ្សិតដដែលនៅថៃនារយៈពេលប៉ុន្មានឆ្នាំចុងក្រោយ ហើយក៏មានការបង្ក្រាបពីប៉ូលិសបានជាច្រើនកន្លែងផងដែរ។
គួរបញ្ជាក់ថា តម្លៃ Bitcoin បានហក់ឡើងដល់ជាង ៨ម៉ឺនដុល្លារ កាលពីសប្ដាហ៍មុន បន្ទាប់ពីលោក ដូណាល់ ត្រាំ ជាប់ឆ្នោតជាប្រធានាធិបតីអាមេរិក៕
ដោយ៖ ឈាង
រដ្ឋអាមេរិក មួយទៀត ប្រកាសអាសន្នភ្លើងឆេះព្រៃ
ទូតអង់គ្លេស៖ ជំនាញភាសាអង់គ្លេសអាចពង្រីកឱកាសយ៉ាងទូលំទូលាយដល់កម្ពុជាក្នុងការអភិវឌ្ឍន៍លើគ្រប់វិស័យប្រកបដោយជោគជ័យ
លោក Macron ស្នើ EU ឲ្យបង្កើនចំណាយការពារជាតិឡើងដល់ ៣,៥% នៃ GDP
ពលករឥណ្ឌូណេស៊ីដែលសង្គ្រោះនៅមីយ៉ាន់ម៉ា ត្រូវបញ្ជូនទៅដល់ប្រទេសវិញ
ឯកឧត្ដម ហ៊ុន ម៉ានី អញ្ជើញជាអធិបតីក្នុងពិធីបុណ្យបញ្ចុះខណ្ឌសីមាព្រះវិហារ និងសម្ពោធសមិទ្ធផលនានា នៅវត្តឧត្តមគិរីប្រឹក្សា(វត្តកោដូនតី)
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
ពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
អង់គ្លេសនិងបារាំង ប្រកាសដឹកនាំក្រុមចម្រុះ ដាក់ទ័ពទៅអ៊ុយក្រែន ទោះគ្មានអាមេរិក
ក្រសួងធនធានទឹក ប្រកាសឲ្យអាជ្ញាធរដែនដី និងពលរដ្ឋប្រយ័ត្នពីភ្លៀងកក់ខែ
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
សន្តិសុខសង្គម៣ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ២ ថ្ងៃ agoTrump ដាក់លក្ខខណ្ឌបើ Zelensky ចង់មកចរចាម្តងទៀត