ព័ត៌មានអន្ដរជាតិ
តួកគី ប្រកាសកាត់ផ្ដាច់ទំនាក់ទំនងទាំងអស់ជាមួយអ៊ីស្រាអែល
ប្រធានាធិបតីតួកគី លោក Recep Tayyip Erdogan បានប្រកាសកាលពីថ្ងៃពុធថា ប្រទេសរបស់លោក បានកាត់ផ្តាច់ទំនាក់ទំនងទាំងអស់ជាមួយ អ៊ីស្រាអែល។ លោក Erdogan បានធ្វើអត្ថាធិប្បាយបែបនេះទៅកាន់អ្នកសារព័ត៌មាននៅលើយន្តហោះ បន្ទាប់ពីបំពេញទស្សនកិច្ចនៅប្រទេសអារ៉ាប៊ីសាអូឌីត និងអាស៊ែបៃហ្សង់។
លោក Erdogan បាននិយាយថា៖ «រដ្ឋាភិបាលនៃសាធារណរដ្ឋតួកគី ក្រោមការដឹកនាំរបស់ Tayyip Erdogan នឹងមិនបន្ត ឬអភិវឌ្ឍទំនាក់ទំនងជាមួយអ៊ីស្រាអែលឡើយ។ [សម្ព័ន្ធដែលកំពុងកាន់អំណាចរបស់យើង] មានការតាំងចិត្តក្នុងការសម្រេចចិត្តរបស់ខ្លួនក្នុងការកាត់ផ្តាច់ទំនាក់ទំនងជាមួយអ៊ីស្រាអែល ហើយយើងនឹងរក្សាជំហរនេះនៅពេលអនាគតផងដែរ។ យើងក្នុងនាមជាសាធារណរដ្ឋតួកគី និងរដ្ឋាភិបាលរបស់ខ្លួន បច្ចុប្បន្នបានផ្តាច់ទំនាក់ទំនងទាំងអស់ជាមួយអ៊ីស្រាអែល»។
លោក Erdogan បានសង្កត់ធ្ងន់ថា តួកគីនឹងធ្វើអ្វីគ្រប់យ៉ាងនៅក្នុងអំណាចរបស់ខ្លួន ដើម្បីឲ្យនាយករដ្ឋមន្ត្រីអ៊ីស្រាអែល លោក Benjamin Netanyahu ទទួលខុសត្រូវចំពោះសកម្មភាពរបស់គាត់នៅក្នុងតំបន់ហ្គាហ្សា ដែលក្រុមសិទ្ធិមនុស្សអន្តរជាតិបានពណ៌នាថាជាអំពើប្រល័យពូជសាសន៍។
កាលពីដើមឆ្នាំនេះ តួកគីបានធ្វើអន្តរាគមន៍ក្នុងសំណុំរឿងប្រល័យពូជសាសន៍ប្រឆាំងនឹងអ៊ីស្រាអែលនៅតុលាការយុត្តិធម៌អន្តរជាតិ (ICJ) ដើម្បីគាំទ្រប៉ាឡេស្ទីន និងបានតស៊ូមតិសម្រាប់ការដាក់ទណ្ឌកម្មអាវុធប្រឆាំងនឹងអ៊ីស្រាអែល។
លោក Erdogan បានប្រាប់ថា ប្រទេសចំនួន ៥២ និងអង្គការអន្តរជាតិចំនួន២ បានសម្តែងការគាំទ្ររបស់ពួកគេចំពោះគំនិតផ្តួចផ្តើមនៃការដាក់ទណ្ឌកម្មអាវុធដែលតួកគីបានចាប់ផ្តើមនៅអង្គការសហប្រជាជាតិកាលពីដើមខែវិច្ឆិកា ក្នុងគោលបំណងទប់ស្កាត់ការដឹកជញ្ជូនអាវុធ និងគ្រាប់រំសេវទៅកាន់ប្រទេសអ៊ីស្រាអែល។
លោក Erdogan បានបន្តថា៖ «ថ្មីៗនេះ យើងបានដាក់លិខិតផ្លូវការរបស់យើងទាក់ទងនឹងគំនិតផ្តួចផ្តើមនេះ ទៅកាន់ប្រធានក្រុមប្រឹក្សាសន្តិសុខអង្គការសហប្រជាជាតិ និងអគ្គលេខាធិការអង្គការសហប្រជាជាតិ។ ក្នុងអំឡុងពេលកិច្ចប្រជុំកំពូលរបស់យើងនៅទីក្រុង Riyadh ការសម្រេចចិត្តមួយត្រូវបានធ្វើឡើងដើម្បីអញ្ជើញអង្គការ និងសមាជិកទាំងអស់នៃសម្ព័ន្ធអារ៉ាប់ឲ្យចុះហត្ថលេខាលើលិខិតនេះ»។
សូមបញ្ជាក់ថា បន្ទាប់ពីការវាយប្រហារដឹកនាំដោយក្រុមហាម៉ាសលើអ៊ីស្រាអែលកាលពីថ្ងៃទី៧ខែតុលាឆ្នាំ២០២៣ និង សង្រ្គាមជាបន្តបន្ទាប់របស់អ៊ីស្រាអែលលើតំបន់ហ្គាហ្សា ដែលបានសម្លាប់ជនជាតិប៉ាឡេស្ទីនជាង ៤៣ ០០០នាក់នោះ រដ្ឋាភិបាលតួកគីបានបង្កើនការរិះគន់របស់ខ្លួនចំពោះរដ្ឋាភិបាលរបស់លោក Netanyahu៕
ដោយ៖ ឈាង
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់