ព្យុះមួយទៀត ចូលដល់ប្រទេស វៀតណាម

នៅថ្ងៃសុក្រទី១៥ខែវិច្ឆិកាឆ្នាំ២០២៤ ព្យុះមួយទៀតឈ្មោះ Usagi បានចូលដល់ប្រទេសវៀតណាម ប៉ុន្តែមិនវាយប្រហារដីគោកឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ឥទ្ធិពលរបស់ព្យុះនេះ ក៏នឹងបង្កឲ្យមានភ្លៀងធ្លាក់ និងរលកសមុទ្រធំៗនៅតាមបណ្តាខេត្តជាប់ឆ្នេរផងដែរ។ 

Usagi គឺជាព្យុះទី៩ក្នុងតំបន់នៅឆ្នាំ២០២៤នេះ ហើយមុនពេលចូលដែនសមុទ្រវៀតណាម វាបានវាយប្រហារកោះ Luzon ប្រទេសនៃប្រទេសហ្វីលីពីន ជាមួយល្បឿនខ្យល់ ១១៧គីឡូម៉ែត្រក្នុងមួយម៉ោង។

តាមសេចក្តីរាយការណ៍របស់ AFP, ព្យុះទីហ្វុង Usagi បានវាយប្រហារប្រទេសហ្វីលីពីន កាលពីថ្ងៃព្រហស្បតិ៍ ខណៈអាជ្ញាធរប្រញាប់ប្រញាល់ជម្លៀសមនុស្សរហូតដល់ទៅ ៤០ ០០០នាក់ចេញពីតំបន់ដែលងាយរងគ្រោះដោយទឹកជំនន់។

បន្ទាប់ពីព្យុះនេះ ព្យុះមួយទៀតឈ្មោះ Manyi ត្រូវបានព្យាករថា នឹងចូលមកក្នុងដែនទឹកនៃប្រទេសវៀតណាមប្រហែលនៅថ្ងៃទី១៧-១៨ខែវិច្ឆិកា៕

អត្ថបទ៖ សុខ សុវណ្ណ