ព័ត៌មានអន្ដរជាតិ
រុស្ស៊ី គំរាមលោក បៃដិន ក្រោយអនុញ្ញាតឲ្យអ៊ុយក្រែន បាញ់មីស៊ីលអាមេរិក ចូលជ្រៅក្នុងដីខ្លួន
ក្រោយមានការចុះផ្សាយព្រោងព្រាតថា រដ្ឋបាលលោក ចូ បៃដិន បានបើកដៃឲ្យអ៊ុយក្រែន បាញ់មីស៊ីល ATACMS របស់អាមេរិក ចូលជ្រៅក្នុងដីរុស្ស៊ីនោះ ស្រាប់តែពេលនេះវិមានក្រឹមឡាំងចេញប្រតិកម្មខ្លាំងៗ ដោយព្រមានថា នេះប្រៀបបាននឹងការចាក់សាំងលើភ្លើង ហើយរឿងនេះនឹងធ្វើឲ្យជម្លោះកាន់តែរីកធំដល់អន្តរជាតិ។
តាមការចុះផ្សាយរបស់ RT, អ្នកនាំពាក្យវិមានក្រឹមឡាំងលោក Dmitry Peskov និយាយកាលពីថ្ងៃចន្ទទី១៨ខែវិច្ឆិកាឆ្នាំ២០២៤ថា Peskov ជំហររបស់ទីក្រុងមូស្គូលើបញ្ហានេះ ត្រូវបានលោកប្រធានាធិបតីរុស្ស៊ី វ្ល៉ាឌីមៀរ ពូទីន បញ្ជាក់យ៉ាងច្បាស់រួចទៅហើយកាលពីដើមឆ្នាំ២០២៤ ដោយលោកអះអាងថា ការវាយប្រហារដែលស្នើដោយលោក ហ្សេលេនស្គី នឹងមិនអាចទៅរួចឡើយបើគ្មានការចូលរួមដោយផ្ទាល់ពីចារកម្មនិងជំនាញយោធាលោកខាងលិច។ ប្រសិនបើមានការវាយប្រហារបែបនេះមែន នោះមានន័យថា ប្រទេសណាតូកំពុងមានសង្គ្រាមជាមួយរុស្ស៊ីហើយ។
លោក Peskov លើកឡើងថា ការសម្រេចចិត្តរបស់លោកបៃដិន ឲ្យអ៊ុយក្រែនវាយចូលជ្រៅក្នុងដីរុស្ស៊ី នឹងជាការបង្កើនភាពតានតឹងនិងស្ថានភាពថ្មី ទាក់ទងនឹងការចូលរួមរបស់សហរដ្ឋអាមេរិកក្នុងជម្លោះនេះ។
ជុំវិញរឿងនេះ សូម្បីសមាជិកសភាជាន់ខ្ពស់រុស្ស៊ី ក៏គំរាមដែរថា ការសម្រេចចិត្តរបស់រដ្ឋបាលលោក បៃដិន អាចបង្កជាការផ្ទុះសង្គ្រាមលោកលើកទី៣ និងការវិនាសសាបសូន្យនៃរដ្ឋអ៊ុយក្រែនទាំងស្រុង។
យោងតាមការចុះផ្សាយរបស់ទីភ្នាក់ងារព័ត៌មាន TASS លោក Vladimir Dzhabarov សមាជិកសភារុស្ស៊ី បាននិយាយថា «នេះគឺជាជំហានដ៏ធំមួយឈានទៅដល់ការចាប់ផ្ដើមនៃសង្គ្រាមលោកលើកទី៣»។
ចំណែកឯលោក Andrei Klishas ដែលជាសមាជិកសភាមួយរូបផ្សេងទៀត ក៏បានរៀបរាប់ដែរថា «លោកខាងលិចបានសម្រេចចិត្តរួចហើយលើកម្រិតនៃការកើនឡើងភាពតានតឹង ដែលអាចបញ្ចប់នៅសល់ត្រឹមតែកាកសំណល់នៃការបាត់បង់ភាពជារដ្ឋអ៊ុយក្រែនរបស់ពួកគេទាំងស្រុង»។
ការសម្រេចចិត្តរបស់លោក បៃដិន គឺជាការផ្លាស់ប្តូរគោលនយោបាយដ៏សំខាន់របស់សហរដ្ឋអាមេរិក ហើយកើតឡើងស្របពេលលោក ហៀបនឹងចាកចេញពីតំណែងទៅហើយ។
ប្រភពជាច្រើនបានឲ្យដឹងថា អ៊ុយក្រែន នឹងបើកការវាយប្រហាររយៈចម្ងាយឆ្ងាយជាលើកដំបូងនារយៈពេលប៉ុន្មានថ្ងៃខាងមុខនេះ ដោយប្រើមីស៊ីល ATACMS ដែលមានចម្ងាយរហូតដល់៣០០គីឡូម៉ែត្រនេះឯង៕
អត្ថបទ៖ សុខ សុវណ្ណ
ចុចអាន៖ កូនដូណាល់ ត្រាំ ចោទ ចូ បៃដិន ថា ព្យាយាមបញ្ឆេះសង្គ្រាមលោកលើកទី៣ មុនឪពុកខ្លួនឡើងកាន់អំណាច
រុស្ស៊ី គំរាមលោក បៃដិន ក្រោយអនុញ្ញាតឲ្យអ៊ុយក្រែន បាញ់មីស៊ីលអាមេរិក ចូលជ្រៅក្នុងដីខ្លួន
ក្រសួងសុខាភិបាលនឹងសហការជាមួយវិស័យឯកជនផលិតអុកស៊ីសែនផ្គត់ផ្គង់នៅមន្ទីរពេទ្យសាធារណៈនៅកម្ពុជា
ឃាត់ខ្លួនក្រុមបងធំរហស្សនាម DP Zin (ដើមពោធិ៍) ក្រោយដេញកាប់យុវជន២នាក់បណ្តាលឲ្យស្លាប់ម្នាក់ និងរបួសធ្ងន់ម្នាក់
ផ្លូវជាប់របងអគ្គិសនីទួលពង្រ កំពុងជួបបញ្ហា ខូចខាតខ្លាំង
អ្នកវិភាគ និងអ្នកឃ្លាំមើលសង្គម ៖ ចលនារបស់ក្រុមប្រឆាំងគឺជាចលនាបំផ្លាញសន្តិភាព និងការអភិវឌ្ឍដែលពលរដ្ឋមិនគួរអើពើ
ទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
អ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
ជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
ផ្លូវជាតិលេខ ៤៨ (ស្រែអំបិល-កោះកុង) គ្រោងបញ្ចប់នៅចុងរដូវប្រាំងឆ្នាំ ២០២៥ ខណៈវឌ្ឍនភាពសម្រេចបានជាង ៦៨%
ជនជាតិដើមភាគតិចទំពួន នៅតែប្រកាន់ខ្ជាប់នូវទម្លាប់«សែនអ្នកតាម្ចាស់ភូមិ»ចំពោះអ្នកប្រព្រឹត្តខុស«មានកូនមុនរៀបការ»
-
ព័ត៌មានជាតិ៦ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ៧ ថ្ងៃ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ព័ត៌មានជាតិ១ សប្តាហ៍ agoរដ្ឋកំពុងសិក្សាផ្លូវជិះកង់ពីខេត្តកែប ដល់ខេត្តកោះកុង នៅតាមមាត់សមុទ្រ
-
ជីវិតកម្សាន្ដ១៦ ម៉ោង agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ៧ ថ្ងៃ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ជីវិតកម្សាន្ដ២៣ ម៉ោង agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ១ សប្តាហ៍ agoយន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
-
ព័ត៌មានជាតិ៤ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក