ព័ត៌មានអន្ដរជាតិ

អង់គ្លេសដាក់បន្ថែមទណ្ឌកម្មប្រឆាំងអ៊ីរ៉ង់ចំពោះការផ្គត់ផ្គង់មីស៊ីលឱ្យរុស្ស៊ី

បានផុស

៤ ខែ មុន

នៅ

ថ្ងៃអង្គារ ១៩ វិច្ឆិកា ២០២៤

ដោយ

រដ្ឋាភិបាលចក្រភពអង់គ្លេសកាលពីថ្ងៃចន្ទបានវាយប្រហារអ៊ីរ៉ង់ដោយដាក់ទណ្ឌកម្មថ្មីប្រឆាំងនឹងអ៊ីរ៉ង់ចំពោះការបញ្ជូនមីស៊ីលផ្លោងនិងសព្វាវុធផ្សេងទៀតទៅឲ្យរុស្ស៊ីដើម្បីគាំទ្រសង្រ្គាមប្រឆាំងនឹងអ៊ុយក្រែន។ នេះបើយោងតាមការចេញផ្សាយរបស់ទីភ្នាក់ងារព័ត៌មានAPនៅថ្ងៃទី១៩ខែវិច្ឆិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសចក្រភពអង់គ្លេស បានឱ្យដឹងថា ខ្លួននឹងបង្កកទ្រព្យសម្បត្តិសម្រាប់ក្រុមហ៊ុនអាកាសចរណ៍ជាតិរបស់អ៊ីរ៉ង់ និងក្រុមហ៊ុនដឹកជញ្ជូនរបស់រដ្ឋរបស់ខ្លួន ដែលបានជួយផ្ទេរអាវុធ។ ចក្រភពអង់គ្លេសក៏នឹងដាក់ទណ្ឌកម្មលើនាវាដឹកទំនិញរុស្ស៊ី Port Olya-3 ដែលបានបញ្ជូនមីស៊ីលពីប្រទេសអ៊ីរ៉ង់។

យោងតាមរដ្ឋមន្ត្រីការបរទេសលោក David Lammy បាននិយាយនៅក្នុងសេចក្តីថ្លែងការណ៍មួយថា «ការប៉ុនប៉ងរបស់អ៊ីរ៉ង់ក្នុងការធ្វើឱ្យខូចសន្តិសុខពិភពលោកគឺមានគ្រោះថ្នាក់ និងមិនអាចទទួលយកបាន រួមជាមួយដៃគូអន្តរជាតិរបស់យើង យើងច្បាស់ណាស់ថា ការផ្ទេរមីស៊ីលផ្លោងពីអ៊ីរ៉ង់ទៅរុស្ស៊ីនឹងប្រឈមមុខនឹងការឆ្លើយតបពេញទំហឹង»។

គួរបញ្ជាក់ថាការប្រកាសនេះធ្វើឡើងនៅមុនថ្ងៃនៃសង្រ្គាម១០០០ ថ្ងៃនៅអ៊ុយក្រែន និងមួយថ្ងៃបន្ទាប់ពីប្រធានាធិបតីអាមេរិក ចូ បៃដិន បានអនុញ្ញាតឱ្យអ៊ុយក្រែនប្រើប្រាស់មីស៊ីលដែលផ្គត់ផ្គង់ដោយទីក្រុងវ៉ាស៊ីនតោន ដើម្បីវាយប្រហារកាន់តែជ្រៅនៅក្នុងប្រទេសរុស្ស៊ី។

ការបង្កកទ្រព្យសកម្មទាំងនេះនឹងដាក់កម្រិតលើ Iran Air ក្នុងប្រតិបត្តិការសេវាកម្មដោយផ្ទាល់ទៅ និងមកពីចក្រភពអង់គ្លេស ហើយនឹងរារាំងពលរដ្ឋ ឬអាជីវកម្មរបស់ចក្រភពអង់គ្លេសពីការដោះដូរហិរញ្ញវត្ថុជាមួយអង្គភាពទាំងនោះ។ សកម្មភាពនេះធ្វើឡើងបន្ទាប់ពីការដាក់ទណ្ឌកម្មលើកមុនប្រឆាំងនឹងអ៊ីរ៉ង់ និងរុស្ស៊ីដែលខ្លួនបានប្រកាសកាលពីខែកញ្ញាជាមួយនឹងអាល្លឺម៉ង់ និងបារាំង៕