ព័ត៌មានអន្ដរជាតិ

ពូទីនចេញក្រឹត្យថ្មីដាក់ការវាយប្រហារនុយក្លេអ៊ែរ

បានផុស

២ ខែ មុន

នៅ

ថ្ងៃអង្គារ ១៩ វិច្ឆិកា ២០២៤

ដោយ

យោងតាមការចេញផ្សាយរបស់ Kyiv Post នៅមុននេះ ប្រធានាធិបតីរុស្ស៊ី លោក វ៉្លាឌីមៀ ពូទីន បានចេញក្រឹត្យមួយ ដែលនិយាយអំពីការប្រើប្រាស់នុយក្លេអ៊ែរ ដោយបញ្ជក់ពីការជាប់ពាក់ព័ន្ធរបស់រដ្ឋដទៃដែលមាននុយក្លេអ៊ែរក្នុងការជួយរដ្ឋដែលមិនមាននុយក្លេអ៊ែរ ក្នុងការវាយប្រហារសហព័ន្ធរុស្ស៊ីដែលជារដ្ឋមាននុយក្លេអ៊ែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រឹត្យដែលត្រូវបានប្រព័ន្ធផ្សព្វផ្សាយអ៊ុយក្រែនផុសនៅមុននេះនិងបានត្រូវបានសរសេរបកប្រែជាភាសាអង់គ្លេសដែលត្រូវបានដកស្រង់មានខ្លឹមសារថា៖«ខ្លួនសូមប្រកាសថា ប្រសិនបើរដ្ឋមិនមាននុយក្លេអ៊ែរណាមួយដែលវាយប្រហាររុស្ស៊ីដោយមានការគាំទ្រដោយរដ្ឋមាននុយក្លេអ៊ែរ ខ្លួននឹងចាត់ទុកជាការវាយប្រហាររួមគ្នាលើសហព័ន្ធរុស្ស៊ី»។

ការចេញក្រឹត្យកំពូលរបស់ប្រធានាធិបតីរុស្ស៊ីនាពេលនេះ កើតឡើងតែមួយថ្ងៃក្រោយប្រធានាធិបតីសហរដ្ឋអាមេរិក ប្រធានាធិបតី បារាំង និង នាយករដ្ឋមន្ត្រីអង់គ្លេស ដែលសុទ្ធតែជារដ្ឋមាននុយក្លេអ៊ែរ បានអនុញ្ញាតឲ្យអ៊ុយក្រែនប្រើប្រាស់មីស៊ីលរយៈចម្ងាយឆ្ងាយរបស់ពួកគេបាញចូលទឹកដីរុស្ស៊ី។

រុស្ស៊ីបានបង្កើនការដាក់សម្ពាធលើអ៊ុយក្រែនយ៉ាងខ្លាំងក្រោយការជាប់ឆ្នោតរបស់លោក ដូណាល់ ត្រាំ ដែលសន្យាបញ្ចប់សង្គ្រាមរុស្ស៊ី-អ៊ុយក្រែនឱ្យបានឆាប់។ ការវាយប្រហាររបស់រុស្ស៊ីក៏ជាការដាក់សម្ពាធសម្រាប់ការចរចាណាមួយដែលអាចកើតមានឆាប់ៗ។ ចំណែកសម្ព័ន្ធមិត្តលោកខាងលិច ក៏បានបន្ធូរដៃឲ្យអ៊ុយក្រែនប្រើប្រាស់អាវុធរបស់ខ្លួន ដែលពួកគេរឹតត្បិតក្នុងការប្រើប្រាស់ជាយូរមកហើយ៕

ដោយ រ៉ាន់ រើយ