ព័ត៌មានអន្ដរជាតិ
ពូទីន នឹងធ្វើដំណើរទៅឥណ្ឌា ស្របពេលស្ថានការណ៍សង្គ្រាមរុស្ស៊ី-អ៊ុយក្រែន កំពុងក្តៅគគុក
ស្របពេលពេលដែលស្ថានការណ៍សង្គ្រាមរុស្ស៊ី-អ៊ុយក្រែនកំពុងក្តៅ ស្រាប់តែវិមានក្រឹមឡាំងប្រកាសថា លោកប្រធានាធិបតីវ្ល៉ាឌីមៀរ ពូទីន នឹងអញ្ជើញទៅបំពេញទស្សនកិច្ចនៅប្រទេសឥណ្ឌា ក្នុងរយៈពេលដ៏ខ្លីខាងមុខ។ នេះបើតាមការចុះផ្សាយរបស់ RT កាលពីថ្ងៃអង្គារទី១៩ខែវិច្ឆិកាឆ្នាំ២០២៤។
ទោះបីជាយ៉ាងណាក៏ដោយ មិនមានការបញ្ជាក់ពីពេលវេលាច្បាស់ឡើយថាតើ លោក ពូទីន នឹងទៅឥណ្ឌានៅថ្ងៃណា ប៉ុន្តែអះអាងថា ដំណើរទស្សនកិច្ចនេះ នឹងធ្វើឡើងឆាប់ៗ។
នេះនឹងក្លាយជាដំណើរទស្សនកិច្ចលើកដំបូងរបស់លោកពូទីន ទៅកាន់ប្រទេសឥណ្ឌា ចាប់តាំងពីសង្គ្រាមរុស្ស៊ី-អ៊ុយក្រែនផ្ទុះឡើងនៅឆ្នាំ២០២២មក។ ប្រធានាធិបតីរុស្ស៊ី បានបំពេញទស្សនកិច្ចលើកចុងក្រោយនៅប្រទេសអាស៊ីខាងត្បូងមួយនេះក្នុងខែធ្នូឆ្នាំ២០២១ នៅពេលលោកចូលរួមកិច្ចប្រជុំកំពូលប្រចាំឆ្នាំឥណ្ឌា-រុស្ស៊ីនៅទីក្រុង ញូវដែលី ជាមួយនាយករដ្ឋមន្ត្រីឥណ្ឌា ណារិនដ្រា ម៉ូឌី។
ការប្រកាសអំពីដំណើរទស្សនកិច្ចនេះ កើតឡើងចំពេលស្ថានការណ៍សង្គ្រាមរុស្ស៊ី-អ៊ុយក្រែន កំពុងក្តៅគគុក ជាពិសេសស្របពេលកងទ័ពលោក ហ្សេលេនស្គី បាញ់មីស៊ីលរយៈចម្ងាយឆ្ងាយរបស់អាមេរិក វាយប្រហារក្នុងដីរុស្ស៊ីជាលើកដំបូង។
អ៊ុយក្រែន បញ្ជាក់ថា ខ្លួនបានបើកការវាយប្រហារដោយមីស៊ីល ATACMS ចំនួន៦គ្រាប់ ចូលទៅក្នុងតំបន់ Bryansk ជាលើកដំបូង ដើម្បីកម្ទេចឃ្លាំងគ្រាប់ ប៉ុន្តែក្រសួងការពារជាតិរុស្ស៊ី ចេញសេចក្តីថ្លែងការណ៍ថា មានមីស៊ីល៥គ្រាប់ ត្រូវស្ទាក់ចាប់បានដោយប្រព័ន្ធការពារដែនអាកាស S-400 និង Pantsir ចំណែកមួយគ្រាប់ទៀត បានហោះទៅបុកចំអគារមួយ។
សូមបញ្ជាក់ថា ឥណ្ឌាមានទំនាក់ទំនងជាមួយរុស្ស៊ីយូរមកហើយ ជាពិសេសក្នុងវិស័យកិច្ចសហប្រតិបត្តិការការពារជាតិ។ ចាប់តាំងពីជម្លោះអ៊ុយក្រែនផ្ទុះកាន់តែខ្លាំង ទីក្រុងញូវដែលីព្យាយាមគេចវេសមិនថ្កោលទោសឬដាក់ទណ្ឌកម្មក្រុងមូស្គូឡើយ ត្បិតមានសម្ពាធពីលោកខាងលិចក៏ដោយ។
ឥណ្ឌា ក៏ជាអតិថិជនប្រេងរុស្ស៊ីដ៏សំខាន់មួយផងដែរចាប់តាំងពីឆ្នាំ២០២២មក ថ្វីបើមានការរិះគន់ដោយចំហពីដៃគូលោកខាងលិចក៏ដោយ។ ពាណិជ្ជកម្មរវាងប្រទេសទាំងពីរបានកើនឡើងយ៉ាងខ្លាំង ក្នុងរយៈពេលពីរឆ្នាំចុងក្រោយនេះ ពោលគឺឈានដល់៦៥ពាន់លានដុល្លារក្នុងឆ្នាំ២០២៣ ហើយទីក្រុងមូស្គូនិងញូវដែលី បានកំណត់គោលដៅពាណិជ្ជកម្មទ្វេភាគី ឲ្យឈានដល់១០០ពាន់លានដុល្លារនៅត្រឹមឆ្នាំ២០៣០៕
អត្ថបទ៖ សុខ សុវណ្ណ
ចុចអាន៖ អ៊ុយក្រែន បាញ់មីស៊ីលអាមេរិក ចូលដីរុស្ស៊ីជាលើកដំបូង ខណៈរុស្ស៊ី គំរាមសងសឹក
លោក ហេង សួរ ៖ កម្ពុជាប្តេជ្ញាធ្វើជាប្រទេសត្រួសត្រាយផ្លូវគំរូ សម្រាប់ប្រទេសដែលកំពុងអភិវឌ្ឍដទៃ
ក្រសួងការងារ ផ្សព្វផ្សាយស្តីពី “ការបង្ការនិងទប់ស្កាត់ការប្រើប្រាស់ពលកម្មកុមារតាមសហគ្រាស គ្រឹះស្ថានផលិតឥដ្ឋក្បឿង,កសិឧស្សាហកម្ម”
អ្នកឃ្លាំមើល ៖ រដ្ឋាភិបាលប្រឹងប្រែងជួយជនរងគ្រោះក្នុងករណីរញ្ជួយដីនៅថៃ និងអំពាវនាវសាច់ញាតិទាក់ទងទៅមន្រ្តីស្ថានទូត
អគ្គនាយកដ្ឋានពន្ធនាគារ ជំរុញឱ្យប្រធានពន្ធនាគារថ្មីកែប្រែទណ្ឌិតក្នុងពន្ធនាគារ ក្លាយទៅជាមនុស្សល្អ
អភិបាលរាជធានីឱ្យកងកម្លាំង និងអាជ្ញាធរយកចិត្តទុកដាក់ការពារសន្តិសុខ សុវត្ថិភាពថ្ងៃបុណ្យចូលឆ្នាំថ្មី
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
ម៉ាក្រុង ទាមទារឲ្យប្រើធម៌ក្តៅលើរុស្ស៊ី បើពូទីន មិនព្រមឈប់បាញ់នៅអ៊ុយក្រែន
-
សន្តិសុខសង្គម៣ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា