ព័ត៌មានអន្ដរជាតិ
លោក បៃដិន ប្រកាសផ្ដល់គ្រាប់មីនឲ្យអ៊ុយក្រែន ប្រើទុកច្បាំងជាមួយរុស្ស៊ី
សហរដ្ឋអាមេរិក នឹងផ្ដល់ឲ្យអ៊ុយក្រែននូវគ្រាប់មីន ដើម្បីទប់ទល់នឹងការឈ្លានពានរបស់រុស្ស៊ី ដែលនេះបង្ហាញពីកិច្ចខិតខំប្រឹងប្រែងចុងក្រោយបំផុតរបស់រដ្ឋបាលប្រធានាធិបតីជិតផុតអាណត្តិលោក ចូ បៃដិន សម្រាប់ទីក្រុងកៀវ មុនការឡើងកាន់តំណែងជាផ្លូវការរបស់លោក ដូណាល់ ត្រាំ នៅខែមករាឆ្នាំ២០២៥ខាងមុខ។ នេះបើយោងតាមរបាយការណ៍ដែលទីភ្នាក់ងារព័ត៌មាន Reuters ទទួលបាននៅថ្ងៃទី២០ខែវិច្ឆិកាឆ្នាំ២០២៤។
ប្រភពរបស់ Reuters បានប្រាប់ថា អាមេរិករំពឹងថា អ៊ុយក្រែននឹងប្រើប្រាស់គ្រាប់មីនទាំងនោះនៅលើទឹកដីរបស់ខ្លួន ដោយជៀសវាងការបង្កប់មីននៅតំបន់ទីប្រជុំជនដែលអាចប៉ះពាល់ដល់ជនស៊ីវិល។
កន្លងមក អាមេរិក បានផ្ដល់ឲ្យអ៊ុយក្រែននូវគ្រាប់មីនប្រឆាំងរថក្រោះ ប៉ុន្តែមីនលើកនេះជាប្រភេទគ្រាប់បំផ្ទុះថ្មើរជើង ដែលអ៊ុយក្រែនអាចប្រើសម្រាប់កម្ចាត់ទាហានជើងគោករុស្ស៊ី ដែលលុកលុយនៅភាគខាងកើតប្រទេសខ្លួន។
មីនអាមេរិក មានលក្ខណៈខុសពីមីនរុស្ស៊ី ដោយហេតុថា មីនអាមេរិកជាប្រភេទគ្រាប់បំផ្ទុះប្រើថ្ម ហើយបើកាលណា ថាមពលថ្មអស់ នោះគ្រាប់មីននឹងមិនផ្ទុះឡើយ ពោលគឺការប្រើប្រាស់មានរយៈពេលកំណត់។
ការអនុម័តថ្មីរបស់រដ្ឋបាលលោក ចូ បៃដិន បានធ្វើឡើងប៉ុន្មានថ្ងៃប៉ុណ្ណោះ បន្ទាប់ពីការបើកដៃឲ្យអ៊ុយក្រែនប្រើប្រាស់មីស៊ីលរយៈចម្ងាយឆ្ងាយ ATACMS វាយប្រហារចូលជ្រៅក្នុងទឹកដីរុស្ស៊ី។
កាលពីថ្ងៃអង្គារ អ៊ុយក្រែន បញ្ជាក់ថា ខ្លួនបានបើកការវាយប្រហារដោយមីស៊ីលរយៈចម្ងាយឆ្ងាយ ATACMS ចំនួន៦គ្រាប់ ចូលទៅក្នុងតំបន់ Bryansk ជាលើកដំបូង ដើម្បីកម្ទេចឃ្លាំងគ្រាប់ ប៉ុន្តែក្រសួងការពារជាតិរុស្ស៊ី ចេញសេចក្តីថ្លែងការណ៍ថា មានមីស៊ីល៥គ្រាប់ ត្រូវស្ទាក់ចាប់បានដោយប្រព័ន្ធការពារដែនអាកាស S-400 និង Pantsir ចំណែកមួយគ្រាប់ទៀត បានហោះទៅបុកចំអគារមួយ បង្កជាការខូចខាតធ្ងន់ធ្ងរ៕
ដោយ៖ ឈាង
ចុចអាន៖ អ៊ុយក្រែន បាញ់មីស៊ីលអាមេរិក ចូលដីរុស្ស៊ីជាលើកដំបូង ខណៈរុស្ស៊ី គំរាមសងសឹក
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ